Chapter Title : നിറമുള്ള നിഴലുകൾ [ഋഷി]

കൗതുകമുള്ള മുഖം.

ഞാൻ നീങ്ങിയിരുന്ന് ബെഞ്ചിൽ സ്ഥലം കൊടുത്തു. തടിച്ചി അടുത്തുവന്നിരുന്നു.

എന്റെ പേര് രഘു. രണ്ടാഴ്ച്ച കാണും. നാട്ടീന്നൊരു വർക്കിനു വന്നതാണ്. ഞാൻ കൈനീട്ടി.

സുധ. അവളെന്റെ കയ്യിൽപ്പിടിച്ചു കുലുക്കി. പിന്നെ ഇത്തിരി ചേർന്നിരുന്നു.

പട്ടികളെ തീറ്റുന്നതു കണ്ടാരുന്നു. അവളു പിന്നെ നോൺസ്റ്റോപ്പ് വാചകമായിരുന്നു. അതിനിടെ നനുത്ത ഇഡ്ഡലിയും ചമ്മന്തിയും സാമ്പാറും ഓംലെറ്റും ഞങ്ങളകത്താക്കി. ഓരോ സ്റ്റ്രോങ് ചായയുമടിച്ച് സ്വന്തം താവളങ്ങളിലേക്കു വിട്ടു.

അന്ന് നടുവൊടിക്കുന്ന പണിയായിരുന്നു. വരാമെന്നേറ്റ ഒരാശാരിപ്പണിക്കാരൻ മുങ്ങി. പിന്നെ ഞാനായി പകരക്കാരൻ. പണ്ടു കോളേജിൽ വർക്ക്ഷോപ്പിലിരുന്ന് തടിചീകിയത് പ്രയോജനം ചെയ്തു! ഉച്ചയ്ക്ക് നന്നായി ഊണുകഴിച്ചൊന്നു മയങ്ങി. പിന്നെയും പണി. ഏതായാലും വൈകിട്ടായപ്പഴേക്കും ഒരു പാകമായി. കൂനിന്മേൽ കുരുവായി ജീപ്പും വഴിയിൽ കിടന്നു.

മുരുകൻ മേശിരിയെ വിളിച്ചു. പുള്ളി ബൈക്കിൽ വന്നെന്നെ വീട്ടിലാക്കി. അറിയാവുന്ന.വർക്ക്ഷോപ്പിൽ വിളിച്ച് വണ്ടിയവിടെ നിന്നും മാറ്റാനുള്ള ഏർപ്പാടും ചെയ്തു. വഴിയിൽ ആറു ബിയർ കാനുകളും പൊറോട്ടയും കരളുവറുത്തതും വാങ്ങി.

വീട്ടിൽ ചെന്ന് ചേച്ചിക്കൊരു മെസേജുമയച്ച് ഒന്നു നടു നിവർത്തി. കണ്ണുതുറന്നപ്പോൾ സമയം ഒൻപതര! നോക്കിയപ്പോൾ ചേച്ചി ശുഭരാത്രി ആശംസിച്ചിരിക്കുന്നു. ശരി.. ഇന്നത്തെ ദിവസമേ പാഴ്. തൊണ്ടയാണേൽ വരളുന്നു. ഒറ്റവലിക്ക് ഒരു ബിയറിന്റെ കാൻ കാലിയാക്കി. ആഹ്.. നല്ല സുഖം. നേരത്തേ നിറച്ച ബീഡി കത്തിച്ചു. പൊഹ ഞരമ്പുകളിൽ പടർന്നപ്പോൾ മേലുവേദനയുടെ വിങ്ങൽ പറപറന്നു. അടുത്ത കാനും പൊട്ടിച്ച് വാതിൽ തുറന്നു ടെറസ്സിലെ മതിലിന്റെയടുത്തുനിന്നു. ബിയറവിടെ വെച്ച് ബീഡിയൊന്നൂടെ ആഞ്ഞുവലിച്ചു...

യാരെടാ അങ്കെ? താഴെ നിന്നും ചെവി തുളയ്ക്കുന്ന സ്വരം! വെളിച്ചത്തിൽ നിന്നും വന്നതുകൊണ്ട് കണ്ണുകാണാൻ മേലാ. ഇരുട്ടിലേക്കൊന്നൂടെ നോക്കിയപ്പോൾ!