Chapter Title : നിരഞ്ജനയും അനന്യയും ഞാനും 3 [സിദ്ധു]

പോകാം എന്ന് തന്നെ വിചാരിച്ചത്.

പക്ഷേ, നീ വന്ന ശേഷം എല്ലാം ഒരുപാട് മാറി. ഞാൻ പോലും കരുതാത്ത അത്രയും നമ്മൾ അടുത്തു. അന്ന് കോളേജിൽ വെച്ച് നടന്നതും, ദാ ഇന്നീ നടന്നത് പോലും എല്ലാം ആ ഫ്ലോയിൽ നടന്നതല്ലേ?

അതിന് ശേഷം പിന്നിപ്പഴാ, നീ ചോദിക്കുമ്പഴാ ഞാൻ പിന്നോട്ട് എല്ലാം ഓർക്കുന്നത് തന്നെ.

ഞാൻ ഇത്രയും പറഞ്ഞതൊക്കെ മനസ്സിൽ തട്ടിയാ ഡീ. ഇതിൽ നീ എന്നെ വെറുത്താലും ഞാൻ നിന്നെ കുറ്റം പറയില്ല."

എല്ലാം പറഞ്ഞു കഴിഞ്ഞപ്പോ ഞാൻ അവളുടെ മുഖത്തേക്ക് നോക്കി. എന്നെ അൽഭുതപ്പെടുത്തികൊണ്ട് അവളെന്നെ നോക്കി പുഞ്ചിരിക്കുകയായിരുന്നു. ഞാൻ മനസ്സിലാവാത്ത പോലെ അവളെ തന്നെ നോക്കിയിരുന്നു.

"ജീവിതത്തിൽ ആദ്യം ഇഷ്ടം തോന്നിയ ആൾ ഉപയോഗിച്ച് ഉപേക്ഷിച്ച ഒരു പെണ്ണാ സിദ്ധു ഞാൻ. ആ എനിക്ക് നീ ഇതുവരെ തന്നതൊക്കെ അർഹിക്കുന്നതിനും അപ്പുറമാ. നിന്നെ പോലെ ഒരാളെ എനിക്ക് കിട്ടുവെന്നോ ഇങ്ങനെ ഒക്കെ ഉണ്ടാവും ന്നോ ഞാൻ സ്വപ്നത്തില് പോലും കരുതീട്ടില്ല. അത് കൊണ്ട് തന്നെ സിദ്ധു ഇപ്പൊ പറഞ്ഞത് കൊണ്ടൊന്നും ഞാൻ സിദ്ധൂനെ വെറുക്കാൻ പോണില്ല."

എനിക്ക് ചിരിക്കണോ കരയണോ എന്ന് അറിയാത്ത പോലെയായി. ഞാൻ നിസ്സംഗതയോടെ അവളെ നോക്കിയിരുന്നു.

"സിദ്ധൂന് നീനുവിനെ, സോറി നിരഞ്ജനയെ, അവളെ ഞങ്ങളൊക്കെ അങ്ങനാ വിളിക്കാറ്. അവളെ അത്ര ഇഷ്ടാണോ?"

"എനിക്ക് വേറെ ഒരു പെണ്ണിനോടും ഇങ്ങനെ തോന്നീട്ടില്ല ഡീ അനീ.. അവളെ കാണുമ്പോ നെഞ്ച് പെരുമ്പറ മുഴക്കാൻ തുടങ്ങും. കാലു രണ്ടും തളരാൻ തുടങ്ങും.. അങ്ങനെ ഞാൻ ആകെ ഇല്ലണ്ടായി പൊവ്വാ ഡീ.. പക്ഷേ.. അവളെ.. എങ്ങനെ.. എനിക്കറിയില്ല.."

"അത് നീ എനിക്ക് വിട്ടേക്ക്. പിന്നൊരു കാര്യം. ഇതുവരെ ഒരുത്തനും അവള് വീണു കൊടുത്തിട്ടില്ല. അതുകൊണ്ട് തന്നെ നിനക്കും കുറച്ച് പാടുപെടെണ്ടി വരും.. എങ്കിലും നോക്കാം.."

ഞാൻ അവളെ കെട്ടപ്പിടിച്ചു മുഖം മുഴുവൻ ഉമ്മ കൊണ്ട് മൂടി. അവള് സന്തോഷം കൊണ്ട് കണ്ണടച്ച് നിന്ന് എല്ലാം ഏറ്റുവാങ്ങി.

"ഡാ. അവളെ കിട്ടിയാലും ഇൗ പാവത്തിനെ മറക്കരുത് കേട്ടോ ഡാ. എനിക്ക് നീ അല്ലാതെ ആരും ഇല്ല. ഇത്