നിർമല 2

Nirmala Part 2 | Author : Sainu

[ Previous Part ] [ www.kkstories.com]

ആലോചിച്ചുറപ്പിച്ച വിവാഹത്തിൽ നിന്നും വരൻ പിന്മാറുമ്പോൾ ആ പെണ്ണിന്റെ വേദന കണ്ട് ചോദിച്ചു പോയതാണ് സേതു ഞാൻ കെട്ടിക്കോട്ടെ എന്ന്.

അതൊരുപക്ഷെ അവളോടും ആ കുടുംബത്തോടും ഉള്ള സ്നേഹം കൊണ്ടും അപ്പോഴത്തെ സഹതാപം കൊണ്ടും ആണെന്നാണ് നിർമലയുടെ അച്ഛൻ രാമഭദ്രൻ വിചാരിച്ചത്.

പിറകെ സേതുവിന്റെ കുടുംബക്കാരും വന്നതോടെ മകളുടെ നല്ല ഭാവി മാത്രം ഓർത്ത ആ അച്ഛൻ നിർമലയെ സേതു എന്ന സേതു മാധവന്നു കൈപിടിച്ച് കൊടുത്തു.

സേതു അന്ന് വിശ്വനാഥൻ മുതലാളിയുടെ വിശ്വാസ്തനായ ജോലിക്കാരനായിരുന്നു.

സന്തോഷ പൂർണമായ ജീവിതം മുൻപോട്ടു പോകുന്നതിനിടക്കാണ് മീനു മോള് അവരുടെ ജീവിതത്തിലേക്ക് കടന്നു വന്നത്..

മീനുവിനെ പ്രസവിച്ചു ആറ് മാസമായപ്പോയെക്കും സേതു ഈ ലോകത്തോട് വിടപറഞ്ഞു.

ബൈക്ക് ആക്‌സിഡന്റ് ആയിരുന്നു.

അതറിഞ്ഞ നിമിഷം നിർമലയുടെ അച്ഛൻ കുഴഞ്ഞു വീഴുകയായിരുന്നു വളരെ കുറച്ചു കാലം കൊണ്ട് അത്രയും അടുപ്പവും സ്നേഹവും ആ അച്ഛന് മകളുടെ ഭർത്താവിനോടുണ്ടായിരുന്നു.

ആപത്തിൽ നിന്നും തന്നെയും കുടുംബത്തെയും രക്ഷിച്ചല്ലോ എന്നു കരുതിയല്ല മറിച്ചു മോളോടും കുടുംബത്തിനോടും ഉള്ള അവന്റെ സ്നേഹവും കരുതലും കണ്ടായിരുന്നു അത്

രണ്ടുമൂന്നു മാസം ഹോസ്പിറ്റൽ വാസം ആയിരുന്നെങ്കിലും രാമ ഭദ്രനും സേതുവിന്റെ പിറകെ തന്നെ പോയി.

നിർമലയുടെ അവസ്ഥ മോശമാകും എന്ന് കണ്ട വിശ്വനാഥൻ മുതലാളിയാണ് അവളെ അയാളുടെ കമ്പനിയിൽ ജോലിക്കു വരാൻ നിർബന്ധിച്ചത്..

മക്കളില്ലാത്ത വിശ്വാനാഥന് അവൾ മകളെ പോലെയായിരുന്നു.

ദുഃഖം മാത്രം പേറി നടന്നിരുന്ന നിർമല പതിയെ