Chapter Title : നിരുപമ 5 [Manjusha Manoj]

അവളെ എടുത്തു കറക്കി. ആ ഒഴിഞ്ഞ വീട്ടിൽ അവരുടെ ചിരിയും സന്തോഷവും നിറഞ്ഞു. പുതിയൊരു ജീവിതം അവിടെ തുടങ്ങുകയായിരുന്നു.
​—---------------------
വാടകയ്ക്ക് എടുത്ത ആ കൊച്ചു വീട് നിരുപമയ്ക്കും ജിത്തുവിനും ഒരു കൊട്ടാരം പോലെ തോന്നി. അടുത്ത രണ്ട് ദിവസങ്ങൾ അവർ ആ വീട് ഒരുക്കുന്ന തിരക്കിലായിരുന്നു.

അത്യാവശ്യം വേണ്ട പാത്രങ്ങളും, ഒരു ഗ്യാസ് സ്റ്റൗവും, കിടക്കാൻ നല്ലൊരു മെത്തയും അവർ വാങ്ങി. ജനാലകൾക്ക് പുതിയ കർട്ടനുകൾ ഇട്ടു. വീട് മുഴുവൻ കഴുകി വൃത്തിയാക്കി.

​ജോലികൾ എല്ലാം ഒതുങ്ങിയപ്പോൾ സമയം സന്ധ്യയായിരുന്നു. നിരുപമ അടുക്കളയിൽ പോയി പുതിയ ഗ്യാസ് അടുപ്പിൽ ചായ വെച്ചു. പാൽ തിളച്ചു തൂകിയപ്പോൾ ആ പുതിയ വീട്ടിൽ ഐശ്വര്യത്തിന്റെ മണം പരന്നു.

​അവൾ ഒരു വലിയ കപ്പിൽ ചായയുമായി ഹാളിലേക്ക് വന്നു. ജിത്തു തറയിൽ വിരിച്ച പുതിയ പായയിൽ ഇരിക്കുകയായിരുന്നു. അവൾ അവന്റെ അടുത്തു വന്നിരുന്നു.

​നിരുപമ: "കുടിക്ക്... നമ്മുടെ സ്വന്തം വീട്ടിലെ ആദ്യത്തെ ചായ."
​ജിത്തു ആ കപ്പ് വാങ്ങി ഒരിറക്ക് കുടിച്ചു. എന്നിട്ട് അത് അവൾക്ക് നീട്ടി. അവൾ അത് വാങ്ങി, അവന്റെ ചുണ്ട് പതിഞ്ഞ അതേ സ്ഥലത്തു തന്നെ ചുണ്ട് ചേർത്ത് കുടിച്ചു. ചായയുടെ ചൂടിനൊപ്പം അവരുടെ പ്രണയത്തിന്റെ ചൂടും ആ കപ്പിൽ നിറഞ്ഞു. അവർ മാറി മാറി ആ ചായ കുടിച്ചു തീർത്തു.

​ജിത്തു കപ്പ് താഴെ വെച്ചിട്ട് അവളെ നോക്കി ചിരിച്ചു. അവന്റെ കണ്ണുകളിൽ വല്ലാത്തൊരു തിളക്കം ഉണ്ടായിരുന്നു.

ജിത്തു: "നിരു... എനിക്ക് വിശ്വസിക്കാൻ പറ്റുന്നില്ല. ഇനി നമ്മളെ തടുക്കാൻ ആരുമില്ല. വാതിൽ അടച്ചാൽ പിന്നെ