Chapter Title : നിശാഗന്ധി 6 [വേടൻ]

"" ഏട്ടനിതെവിടെ പോയതാ രാവിലെ.. ഞാൻ... ഞനെവിടെല്ലാം നോക്കിന്നറിയോ...?? ""

അവളൊരു ആശ്വാസത്തോടെ ന്റെ മുഖത്തേക്ക് നോക്കിയൊന്ന് ചിരിച്ചു.

"" അതുപിന്നെ ഞാനി ബൈക്കെടുക്കാൻ പോയതല്ലേ..

നീ നിന്ന് സമയം കളയാതെ ഇങ്ങോട്ട് കേറ്... നമ്മക്ക് നമ്മടെ ചെക്കനെ കാണണ്ടേ... ""

രാവിലെ ഹരിയുടെ വണ്ടി എടുക്കാൻ പോയതായിരുന്നു ഞാൻ, അവൻ കാർ എടുത്തതിൽ പിന്നെ ബൈക്കവിടെ വെറുതെ ഇരിക്കുന്നു ന്നവൻ പറഞ്ഞിരുന്നു, അപ്പോപ്പിന്നെ വേറൊന്നും നോക്കിയില്ല അതിങ്ങ് എടുത്തോണ്ട് പോന്നു.

അവള് ബൈക്കിലേക്ക് കയറിയതും ഞാൻ വണ്ടി കോളേജിലേക്ക് വിട്ടു,

"" മോള് നടന്നോ.... ഞാൻ പുറകെ കാണും... ""

കോളേജിന്റെ വെളിയിൽ വണ്ടി വെച്ച് ഞാൻ അവളോട് പറഞ്ഞപ്പോ, പേടിയോടെ അവളെന്നെയൊന്ന് നോക്കി, ഞാൻ ധൈര്യമായിട്ട് നടന്നൊന്ന് പറഞ്ഞതും അവള് മനസ്സില്ലാ മനസ്സോടെ മുന്നിലേക്ക് നടന്നു,

കുറച്ച് ദൂരം ചെന്നവളെന്നെ തിരിഞ്ഞു നോക്കിയതും മൂന്ന് നാല് പേരവളുടെ മുന്നിലേക്ക് വന്നു, അപ്പോളേക്കും ഞാൻ വണ്ടി സ്റ്റാൻഡിലേക്കിട്ട് അങ്ങോട്ട് നടന്നിരുന്നു.

"" അത്രക്ക് ധൈര്യയോ നിനക്ക്...!! നിന്നോട് ന്റെ കൂടെ കിടക്കാനൊന്നുമല്ലല്ലോടി പുന്നാരമോളെ ഞാൻ പറഞ്ഞത്..

കൂടെ വരാനല്ലേ... പിന്നെന്താടി നിനക്ക് വന്നാല് ഏഹ്.... ""

പറഞ്ഞു തീർന്നതും അവളുടെ നേരെ വീണ കൈയ്യിൽ ഞാൻ പിടുത്തമിട്ട് കൈ അവന്റെ പിന്നിലേക്ക് കൊണ്ടുപോയി.

"" ഞാവന്നാ മതിയോ....?? ""

പിന്നിലേക്ക് നീട്ടിയ കൈ ഞാൻ ഒന്നുടെ പൊക്കിയതും അവനൊന്ന് അലറി. കൂടെ ഞാൻ അടുത്തു നിന്നവരെയും ഒന്ന് നോക്കി.

"" ഹാ പറയെടാ മോനെ...

ഞാവന്നാ മതിയോ...?? ""

ഞനൊന്നുടെ ആ കൈ പിടിച്ചു തിരിച്ചവന്റെ പുറം തീർത്തൊരു ചവിട്ടൂടെ കൊടുത്തതും അവൻ തെറിച്ചു താഴേക്ക് വീണു.

"" ടാ....!! "" അത് കണ്ട് കൂടെ നിന്നൊരു വവ്വാലിനുണ്ടായ മോന്റെ മോനെന്റെ നേരെ അലറിയതും

"' ഹ്മ്മ്.. നീ പറ ഒരാളോരു ചോദ്യം ചോദിക്കുമ്പോ അതിന് മറുപടി, കൊടുക്കണ്ടേ... അതെല്ലേ അതിന്റെ ഒരു മര്യാദ.... ഏഹ്..""

ഞനവനോട് ചോദിച്ചതും, കാര്യം മനസിലാവാതെ അവനെന്നെ കണ്ണ് മിഴിച്ചു നോക്കി, നോക്കി നിക്കേ കൊടുത്തു ചെവിക്കല്ല് പൊട്ടുന്നപോലൊന്ന്, പിന്നെ അവന്റെ