Chapter Title : ഞാൻ 2 [Ne-Na]
26 നു കല്യാണം ഉറപ്പിക്കുകയും ചെയ്തു. ഇതെല്ലം ഒരു മാസത്തിനകം നടന്ന കാര്യങ്ങളായിരുന്നു.
കാര്യങ്ങളെല്ലാം നല്ല രീതിയിൽ സന്തോഷകരമായ രീതിയിൽ മുന്നോട്ട് പോകുന്നതിനിടയിൽ എല്ലാം തകിടം മറിഞ്ഞത് പെട്ടെന്നായിരുന്നു. കൊറോണയുടെ രൂപത്തിൽ.
ലോക്ക്ഡൌൺ പ്രഖ്യാപിച്ചതോടെ കല്യാണത്തിന്റെ കാര്യം അനിശ്ചിതത്തിൽ ആയി. കല്യാണത്തിന്റെ തീയതി അടുത്ത് വന്നിട്ടും ലോക്ക്ഡൌൺ പിൻവലിക്കുന്ന ലക്ഷണം ഒന്നും കാണുന്നില്ല. അവസാനം കല്യാണം നീട്ടി വയ്ക്കാൻ തന്നെ ഞങ്ങൾ തീരുമാനിച്ചു.
ലോക്ക്ഡൗൺ പ്രഖ്യാപിച്ചതോടെ ദേവുവിന്റെ ഓഫീസും അടച്ചു. അതോടുകൂടി അവൾ എന്റെ വീട്ടിൽ ആയി താമസം. അവളെ എന്റെ വീട്ടിൽ നിർത്തുന്നതിനെക്കുറിച്ച് അച്ഛൻ തന്നെയാണ് അഭിലാഷിനോട് വിളിച്ച് സംസാരിച്ചത്. നിശ്ചയം കഴിഞ്ഞതിനാൽ ഇത്രേം ദിവസം ദേവു ഞങ്ങളുടെ വീട്ടിൽ നിൽക്കുന്നതിനെ കുറിച്ച് അഭിലാഷിനോട് ചോദിക്കണമെന്ന് അച്ഛൻ പറഞ്ഞപ്പോൾ അതാണ് നല്ലതെന്ന് എനിക്കും തോന്നിയിരുന്നു.
എന്തായാലും അച്ഛൻ അഭിലാഷിനോട് സംസാരിച്ചപ്പോൾ അവൾ ഒറ്റക്ക് വീട്ടിൽ നിൽക്കുന്നതിനേക്കാൾ നല്ലത് ഇവിടെ നിൽക്കുന്നതാണെന്ന് അഭിലാഷിനും തോന്നി.
അഭിലാഷ് അവന്റെ ബന്ധുക്കൾക്ക് ഞാൻ ദേവുവിന്റെ ഒരു അകന്ന സ്വന്തത്തിൽ ഉള്ള സഹോദരൻ എന്നാണ് പരിചയപ്പെടുത്തിയിരുന്നത്. ചില ചോദ്യങ്ങൾ ബന്ധുക്കളിൽ നിന്നും ഒഴുവാക്കാൻ അതാണ് നല്ലതെന്ന് എനിക്കും അവനും തോന്നിയിരുന്നു.
എന്തായാലും ദേവു ഇപ്പോൾ ഹാപ്പി തന്നെയാണ്. എല്ലാ ദിവസവും അഭിലാഷുമായി ഫോണിൽ സംസാരിക്കുന്നത് കാണാറുണ്ട്.
ലോക്ക്ഡൗൺ ആയതിനാൽ ഞാനും ഫുൾ ടൈം വീട്ടിൽ തന്നെ ആയിരുന്നു.
വിരസമായ ദിനങ്ങൾ കിടന്ന് പോകുന്ന ഒരു ദിവസം ഞാൻ ബൈക്ക് കഴുകുകയായിരുന്നു. വേറെ ഒരു പണിയും ഇല്ലാത്തതിനാൽ ദേവുവും കത്തി അടിച്ച് കൊണ്ട് കൂടെ തന്നെ ഉണ്ട്.
പഴയ ഒരു സംഭവം ഓർത്ത്
💬 Comments
View all comments