Chapter Title : ഞങ്ങളുടെ ലോകം 2 [കുഞ്ചക്കൻ]

അവൻ കവിൾ ഉഴിഞ്ഞു കൊണ്ട് തന്നെ തിരിഞ്ഞു നടന്നു.

ഈശ്വരാ എന്തൊരു അബദ്ധമാണ് ഞാൻ കാണിച്ചത്. കാര്യങ്ങൾ ഇനിയും വഷളാവുന്നതിന് മുന്നെ അവനോട് സംസാരിക്കണം എന്ന് കരുതി ഞാൻ അടുക്കളയിൽ നിന്ന് അവന്റെ അടുത്തേക്ക് പോയി.

ഞാൻ അടുത്ത് എത്തുന്നതിന് മുന്നെ അവൻ നേരെ ചെന്ന് റൂമിൽ കേറി വാതിൽ വലിച്ചടച്ചു.

മോനെ ഞാൻ പറയുന്നത് ഒന്ന് കേൾക്ക്. നീ വാതിൽ തുറക്ക്…

അഭീ…

ഞാൻ അറിയാതെ അടിച്ചതാണ് നീ വാതിൽ തുറക്ക് എനിക്ക് നിന്നോട് സംസാരിക്കണം…

അൽപ്പം സമയത്തിനുള്ളില് അവൻ വാതിൽ തുറന്ന് എന്നെ ഒന്ന് തുറിച്ച് നോക്കിയിട്ട് ബാഗും തോളിൽ ഇട്ട് പുറത്തേക്ക് നടന്നു…

ഞാൻ അവന്റെ കയ്യിൽ പിടിച്ചിട്ട് പറഞ്ഞു.

നീ എനിക്ക് പറയാനുള്ളത്‌ ഒന്ന് കേൾക്ക്. ഞാൻ അറിയാതെ..

എന്നെ പറയാൻ അനുവദിക്കാതെ അവൻ എന്റെ കൈ കുടഞ്ഞ് മാറ്റി പെട്ടന്ന് പുറത്തേക്ക് പോയി…

എന്റെ കണ്ണ് നിറഞ്ഞ് ഒലിക്കാൻ തുടങ്ങി. ഒറ്റ ദിവസം കൊണ്ട് എന്തൊക്കെയാണ് സംഭവിച്ചത്.

അവന് ഇപ്പൊ എന്നോട് വെറുപ്പായിട്ടുണ്ടാവും…

രാവിലെ അവൻ ഒന്നും കഴിക്കാതെയാണ് പോയത്. കഴിക്കാൻ ആയോ എന്ന് ചോദിച്ചു വന്നവന്റെ കരണം ഞാൻ തന്നെയല്ലെ അടിച്ച് പൊട്ടിച്ചത്. ഇനി ആ വിഷമത്തിൽ അവൻ ഉച്ചയ്ക്ക് എന്തെങ്കിലും കഴിച്ചിട്ടുണ്ടാവുമോ…  അതൊക്കെ ആലോചിച്ചിട്ട് എനിക്ക് തല ചുറ്റുന്ന പോലെ തോന്നി. അവൻ ഒന്ന് വേഗം വന്നാൽ മതി എന്ന് മാത്രമായിരുന്നു ഉള്ളിൽ.

**********

ഞാൻ രാവിലെ ഉറക്കം കഴിഞ്ഞ് എണീറ്റപ്പോൾ അമ്മ അടുത്തില്ലായിരുന്നു. ഇന്നലെ എപ്പോയോ അമ്മ വന്ന് കിടന്നത് ഞാൻ അറിഞ്ഞിരുന്നു.

സമയം നോക്കിയപ്പോൾ