Chapter Title : ഞങ്ങളുടെ ലോകം 2 [കുഞ്ചക്കൻ]

അമ്മ എന്നെ കാണുമ്പോൾ എന്തായിരിക്കും അമ്മയ്ക്ക് എന്നോടുള്ള ഭാവം എന്ന് മാത്രമായിരുന്നു എന്റെ ചിന്ത.

ഓരോന്ന് ഓർത്ത് ഞാൻ വീട്ടിലേക്ക് കേറി ചെന്നു.

അമ്മയെ പുറത്തൊന്നും കാണാത്തത് കൊണ്ട് ഞാൻ നേരെ പോയത് ഞാനും അമ്മയും കിടക്കുന്ന റൂമിലേക്ക് ആണ്. അമ്മ കട്ടിലിൽ കിടക്കുന്നുണ്ട്. കമഴ്ന്ന് കിടന്ന് ഉറങ്ങുന്നത് കണ്ടപ്പോൾ പാവം തോന്നി.

വിളിക്കാൻ ഒരു മടി. ഞാൻ എന്റെ റൂമിൽ ചെന്ന് ബാഗ് അവിടെ വെച്ചു. അപ്പോഴാണ് ഞാൻ ബാഗിൽ ബിരിയാണി ഇരിക്കുന്നത്‌ ഓർത്തത്.

അമ്മ വിശന്ന് തളർന്ന് ഉറങ്ങിയതാവുമോ…  ആവും.. ഞാൻ പിന്നെ ഒന്നും നോക്കിയില്ല നേരെ അമ്മയുടെ അടുത്തേക്ക് ചെന്ന് അമ്മയെ വിളിച്ചു. അമ്മ ഉണരുന്നില്ല. തൊട്ട് ഉണർത്താൻ ഒരു പേടി. രാവിലെ കിട്ടിയത് അത്യാവശ്യം നല്ല വേദനയുള്ള അടിയായിരുന്നു.

വരുന്നത് വരട്ടെ എന്ന് കരുതി ഞാൻ അമ്മയെ കുലുക്കി വിളിച്ചു..

അമ്മ എന്നെ കണ്ടതും മോനെ എന്ന് വിളിച്ച് കെട്ടി പിടിച്ചു.

നീ എന്നോട് ക്ഷമിക്ക്. അമ്മ അറിയാതെ അടിച്ചു പോയതാണ്. വേണം ന്ന് കരുതിയല്ല.

ഞാനും അമ്മയെ കെട്ടി പിടിച്ച് നിന്നു പിന്നെ അമ്മ എന്റെ കവിളത്ത് കൈ വെച്ച് ഒരുപാട് വേദിനിച്ചോ ന്ന് ചോദിച്ചു.

ഇല്ല.. ഞാൻ പറഞ്ഞു.

കരഞ്ഞത് കൊണ്ടായിരിക്കും അമ്മയുടെ മുഖം ഒക്കെ നീര് വെച്ച പോലെ ഉണ്ടായിരുന്നു.

അമ്മ എന്തെങ്കിലും കഴിച്ചോ.. ഞാൻ ചോദിച്ചു.

നീ ഒന്നും കഴിക്കാതെയല്ലേ ഇവിടന്ന് പോയത്. പിന്നെ ഞാൻ എങ്ങനെ കഴിക്കും..

അയ്യോ.. നിനക്ക് വിശക്കുന്നില്ലേ… ഞാൻ ആണെങ്കിൽ ചോറ് ഒന്നും ഉണ്ടാക്കിയിട്ടില്ല. നീ കുറച്ച് നേരം ഇവിടെ ഇരിക്ക് ഞാൻ ഇപ്പൊ ഉണ്ടാക്കി തരാം…

ഞാൻ കഴിച്ചിട്ടാണ് വന്നത്. അമ്മയ്ക്ക് കഴിക്കാൻ ഇനി ഉണ്ടാക്കിയിട്ട് വേണോ…

ഞാൻ രാവിലെ ഉണ്ടാക്കിയ ഉപ്പുമാവ് ഉണ്ട് അത് കഴിച്ചോളാം.. എനിക്ക് അത് മതി.

അത് പോര. അമ്മ ആദ്യം പോയി കയ്യും മുഖവും ഒക്കെ കഴുകി വാ.. എന്ന് പറഞ്ഞ് ഞാൻ അമ്മയെ ബാത്റൂമിലേക്ക് തള്ളി വിട്ടു. എന്നിട്ട് ഞാൻ എന്റെ റൂമിൽ പോയി ബിരിയാണി എടുത്ത് വന്ന് ടേബിളിൽ വച്ചു.