Chapter Title : നൂറ്റ കോപ്പ ഗ്രോസ 1 [Aani]

ചോദിച്ചു.

​"സംഗതി എന്താണെന്ന് വെച്ചാൽ, ആ ഫിലിപ്പീൻസ് പയ്യൻ വരുന്ന കാര്യം ചേച്ചി അവളോട് അങ്ങോട്ട് തുറന്നു പറഞ്ഞേക്ക്. പക്ഷേ പറയുമ്പോൾ ഒരു ചെറിയ കള്ളം പറയണം. കൂടെ ഇത്രയും നാൾ ഗസ്റ്റ് ആയി നിന്ന ഏതോ ഒരു പെണ്ണുങ്ങൾ വരുത്തിവെച്ച പണിയാണെന്നും, നീ എങ്ങനെയെങ്കിലും അയാളെ എന്തെങ്കിലും പറഞ്ഞ് ഒഴിവാക്കാൻ നോക്കണമെന്നും പറയണം. പിന്നെ ഒരു കാര്യം കൂടി... അവളോട് ഒട്ടും ബഹളം വെയ്ക്കാതെ പയ്യെ സംസാരിക്കാൻ പറയണം, താഴെ പോലീസുകാർ ഉണ്ടാകാൻ സാധ്യതയുണ്ടെന്നൊക്കെ ഒന്നു പേടിപ്പിച്ചു വിട്ടേക്ക്,"

വിനിത് തന്റെ തന്ത്രം വിവരിച്ചു….
​എന്നാൽ ഗൾഫിലെ കാര്യങ്ങൾ അറിയാവുന്ന സുനിതയ്ക്ക് അതിൽ ചെറിയൊരു സംശയം തോന്നി.

"എടാ, അതിന് ഉച്ചത്തിൽ സംസാരിച്ചാൽ എന്താ? നമ്മടെ അപ്പാർട്ട്മെന്റിന്റെ ഉള്ളിൽ സംസാരിക്കുന്നതൊന്നും പുറത്തേക്ക് കേൾക്കില്ലല്ലോ!"

​ "എന്റെ ചേച്ചി, താഴെയുള്ള സെക്യൂരിറ്റിക്കോ മറ്റോ വല്ല സംശയവും തോന്നിയാൽ മതി നമ്മൾ തീർന്നു! ദുബായിലും യു.എ.ഇയിലുമൊക്കെ ഇതൊക്കെ എത്ര വലിയ നിയമവിരുദ്ധമാണെന്ന് ചേച്ചിക്ക് അറിയാത്തതാണോ?"

“എടാ അത്”

“ചേച്ചി സമയമില്ല വേഗം”

​അഞ്ജനയുടെ സുരക്ഷിതത്വവും തന്റെ ജോലിയും ഓർത്ത് സുനിത ഒടുവിൽ അയഞ്ഞു.

"ഉം... ശരിയാ ."

​” ചേച്ചി ഞാൻ ഈ പറയുന്നത് അതേപോലെ അവളോട് പറഞ്ഞാൽ മതി തത്കാലം മാറ്റം ഒന്നും വരുത്തേണ്ട,"

വിനിത് തറപിച്ചു പറഞ്ഞു.

​"ഞാൻ നോക്കട്ടെ... അവൾക്ക് ഇപ്പോൾ അവിടെ വൈഫൈ മാത്രമേ ഉള്ളൂ. ഫോൺ കോൾ ചെയ്യാൻ പറ്റില്ല സിം എടുത്തിട്ടില്ല ,"

" അത് നന്നായി ചേച്ചി ഇനിയിപ്പോ വാട്സാപ്പിൽ മെസ്സേജ് അയച്ചാൽ മതിയല്ലോ. അതാകുമ്പോൾ ചേച്ചി നേരിട്ട് സംസാരിക്കുമ്പോഴുള്ള ആ ചളിപ്പും പേടിയും അവൾക്ക് മനസ്സിലാകുകയുമില്ല."

​"ഓക്കേ, ഞാൻ ഇപ്പോൾത്തന്നെ അവൾക്ക് മെസ്സേജ് അയക്കാം. പക്ഷേ നീ ബ്ലോക്കൊക്കെ മാറി വേഗം അങ്ങോട്ട് പോകണം കേട്ടോ,"

സുനിത കെഞ്ചി.

​വിനിതിന്റെ മനസ്സിൽ അപ്പോൾ പ്ലാൻ പടി കാര്യങ്ങൾ നടക്കുന്നതകൊണ്ട് ലഡ്ഡു പൊട്ടുകയായിരുന്നു. അവൻ മുഖത്ത് കള്ളച്ചിരി വരുത്തി പറഞ്ഞു

"പിന്നെ പോകാതെ! ഞാൻ വേഗം പൊയ്ക്കോളാം. ഇനി ചേച്ചി ജോലി കഴിഞ്ഞ് തിരിച്ചുവന്നിട്ടേ ഞാൻ അവിടുന്ന് പോകുന്നുള്ളൂ, പോരെ?"