ഒലി 3

Oli Part 3 | Author : Rabhanan | Previous Part

സുഹൃത്തുക്കളെ ഒലി എന്ന കഥയുടെ മൂന്നാം ഭാഗം എഴുതാൻ കുറെയായി ശ്രമിക്കുന്നു . ജോലിത്തിരക്കിൽപ്പെട്ട് ഒന്നും നടന്നില്ല. നാട്ടിൻപുറത്ത് നടക്കുന്ന കൊച്ച് കഥയെന്ന നിലയിൽ എനിക്കാവുന്ന രീതിയിൽ ഭംഗിയായി എഴുതാൻ ഞാൻ ശ്രമിച്ചിട്ടുണ്ട്. പേജ് കൂട്ടിയെഴുതാൻ ചിലർ എന്നോട് ആവശ്യപ്പെട്ടിരുന്നു.

കഥ വൈകിപ്പോയതിൽ അവരോട് മാപ്പ് ചോദിക്കുന്നു.ഏതൊരു കഥയായാലും വായനക്കാരുടെ മനസ്സിൽ തട്ടുന്ന രീതിയിൽ അവതരിപ്പിക്കുമ്പോഴാണ് അയാൾ നല്ലൊരെഴുത്ത്കാരനാകുന്നത്. വായനക്കാരുടെ സപ്പോർട്ടാണ് കഥയുടെ ജീവൻ.

കഥയിൽ തെറ്റുകുറ്റങ്ങളുണ്ടെങ്കിൽ പൊറുക്കുക. ഒലിയുടെ ഒന്നും രണ്ടും ഭാഗങ്ങൾ അമ്മായിയമ്മ കാറ്റഗറിയിൽ ആദ്യമേ അപ്ലോഡ് ആക്കിയിട്ടുണ്ട് പുതിയ വായനക്കാർക്ക് അവിടെ നിന്ന് വായിച്ചു തുടങ്ങാവുന്നതാണ് . എല്ലാവരോടും ഒരിക്കൽക്കൂടി നന്ദി പറഞ്ഞ് കഥ ആരംഭിക്കുന്നു.

അന്നും അവൻ ചോദിച്ചു - ശാരദാമ്മേ ഒരു പത്തുറുപ്പ്യ .

ന്താ കുട്ടാ ഇതിപ്പോ കൊറേ ആയല്ലോ നിയ്യ് , നിക്കെന്തിനാ ഇപ്പം പത്തുറുപ്പ്യ ?

അവനൊന്നും മിണ്ടിയില്ല.

ന്തിനാന്ന് പറയാണ്ട് നി ഒരുറുപ്പ്യ തരില്ല , അത്രക്ക് അത്യാവശാണേൽ പണീടുത്ത് ണ്ടാക്കണം . വല്യ ചെക്കനായില്ലേ നിയ്യ് .

ന്നാ പണീടുത്ത് പൈസ ണ്ടാക്കീട്ടെന്നെ കാര്യം . കുട്ടികൃഷ്ണന് വാശിയായി.

രാജൻ രാവിലെത്തന്നെ മില്ലീ പോവാൻ തുടങ്ങുവാരുന്നു.

ശ്രീ ദേവ്യേ ഞാൻ എറങ്ങീ ട്ടോ ശാരദേടത്തിയോട് പറഞ്ഞേക്ക് .

നാണുവേട്ടനാണ് വരുന്നത്.

ആ നാണുവേട്ടാ പിന്നാമ്പുറത്ത് തേങ്ങ കൂട്ടീട്ടിട്ടുണ്ട് , അതൊക്കെ ഒന്ന് പൊതിക്കണം. വൈകീട്ട് കേശവൻ വണ്ടി യായിട്ട് വരും ബാക്കി കാര്യം അവൻ നോക്കിക്കോളും .

അപ്പഴാണ് കുട്ടികൃഷ്ണൻ മൊഖവും വീർപ്പിച്ച് അങ്ങട്ട് വന്നത്.

അച്ഛാ നിക്കും മരമില്ലില് പണിക്ക് വരണം .

രാജൻ മൂക്കത്ത് വിരൽ വച്ച് പോയി , ശ്രീ ദേവ്യേ മ്മടെ മോന് ബുദ്ധി വച്ചെന്നു തോന്നണു ചെക്കൻ ന്തെക്കൊയോ പറയണുണ്ട് , അയാൾ അകത്തേക്ക് നോക്കി വിളിച്ചു പറഞ്ഞു.

ഞാൻ ചുമ്മാ പറഞ്ഞയല്ല ശരിക്കും പണിക്ക് വരും.

വരുവോ ?

ഉം...

അവൻ മൂളി.

വെറുതെ വരൂല്ല ശമ്പളം വേണം .

അമ്പോ ത്ര വേണം ഏമാന് ?

മാസം പത്തുറുപ്പ്യ .

രാജൻ പൊട്ടിച്ചിരിച്ചു.

പത്തുറുപ്പ്യോ അത്രേ വേണ്ടോ , ശരി ന്നാ ഇപ്പത്തന്നെ പോര് .

മരമില്ലിലെ ആപ്പീസിലെ കസേരേലാണ് രാജൻ അവന് സ്ഥാനം കൊടുത്തത് . ദാ ഞാൻ