Chapter Title : ഓണക്കളി 4 [മിക്കി]

നേരെ നീട്ടികൊണ്ട് ലക്ഷ്മിയമ്മ പറഞ്ഞു.

ഞാൻ പെട്ടന്ന് ഫോൺ വാങ്ങി അമ്മയുടെ അടുത്ത് നിന്നും സ്വല്പം മാറി നിന്നു..

“പ്രി.. പ്രിയെ ഞാൻ… ഞാൻ.. എന്റെ കയ്യിൽ ഉ… ഉള്ള എ.. എല്ലാ വിഡിയോസും ക.. കളഞ്ഞു..! എന്നെ ഇനി ത.. ത… തല്ലരുതെന്ന് പറ..!”
ഫോണിൽ കരച്ചിലോടെയുള്ള അഭിയുടെ സംസാരം കേട്ടപ്പോൾ… ഞാൻ ഞെട്ടിപ്പോയി.

എന്ത് പറയണം എന്ന് എനിക്ക് അറിയില്ലാരുന്നു, അമ്മാവൻ എന്തൊക്കെയൊ പറഞ്ഞ് അവനെ തല്ലുന്നതും… അഭി എന്തൊക്കെയോ പറഞ്ഞ് കിടന്ന് കരയുന്നതും എല്ലാം ഫോണിലൂടെ എനിക്ക് കേൾക്കാമായിരുന്നു.

“മോളെ ഞാൻ ഇറങ്ങിയിട്ട് വിളിക്കണം” ഫോൺ അഭിയുടെ കയ്യിൽ നിന്നും വാങ്ങിയ അമ്മാവൻ എന്നോട് പറഞ്ഞു.

“അമ്മാവ ഇനി അവനെ ഒന്നും ചെ..!” ഞാൻ പറഞ്ഞ് തീരുംമുൻപേ അമ്മാവൻ ഫോൺ കട്ട്‌ചെയ്തു..

ഫോൺ കട്ടായപ്പോൾ എനിക്ക് ഒരു സമാധാനവും കിട്ടുന്നുണ്ടായിരുന്നില്ല ഞാൻ അമ്മാവന്റെ നമ്പറിലേക്ക് തിരിച്ച് വിളിച്ചു എടുത്തില്ല ഞാൻ വീണ്ടും വിളിച്ചു അമ്മാവൻ ഫോൺ എടുത്തു.

“അമ്മാവാ…! ഇനി അവനെ ഒന്നും ചെയ്യണ്ട..! പ്ലീസ് അമ്മാവ..! ഞാൻ പറയുന്നത് കേൾക്ക് പ്ലീസ്”
ഞാൻ പേടിയോടെ അമ്മാവനോട് പറഞ്ഞു.

“മോള് പറഞ്ഞതുകൊണ്ട് ഞാൻ ഇപ്പൊ ഇവനെ വിടാം..! ഇനി ഒരിക്കലും ഇവൻ മോളെ ശല്യം ചെയ്യാത്ത വിധം ഞാൻ ആക്കിയിട്ടുണ്ട്..!”
അമ്മാവന്റെ സംസാരത്തിൽ അമ്മാവൻ നല്ല ദേഷ്യത്തിലാണെന്ന് എനിക്ക് മനസ്സിലായി, ആ നിമിഷം എനിക്കും അമ്മാവനോട് ഒരു ഭയം തോന്നി.

“ഇനി ഒന്നും ചെയ്യണ്ട അമ്മാവ..! അവൻ ചത്തുപോകും.. അവനെ ഇനി ഒന്നും ചെയ്യണ്ട.”
ഞാൻ വീണ്ടും പേടിയോടെ അമ്മാവനോട് പറഞ്ഞു.

“മോള്