Chapter Title : ഓഫീസിലെ അനുപമക്കുട്ടി [Ryan]

ഞങ്ങളെ ഓർമിപ്പിച്ചു. അപ്പോഴാണ് സമയം അത്രയും ആയെന്ന് ഞങ്ങൾ ശ്രദ്ധിച്ചത് തന്നെ. ഇനിയും ഒരു 2 മണിക്കൂറത്തേ വർക്ക് കൂടെ ബാക്കി കിടക്കുന്നു. ഞാൻ അനുപമയോട് വേണമെങ്കിൽ വീട്ടിൽ പൊയ്ക്കോളാൻ പറഞ്ഞു. അപ്പോൾ അവൾ ധൃതിയില്ല കഴിഞ്ഞിട്ട് ഒരുമിച്ച് ഇറങ്ങാം എന്ന് എന്നോട് പറഞ്ഞു. ഓഫിസിന്റെ തൊട്ടടുത്തു തന്നെയുള്ള ഒരു ഫ്ലാറ്റിലാണ് അനുപമയും കൂട്ടുകാരികളും താമസിക്കുന്നത്. അത് കൊണ്ട് തന്നെ അവൾക്ക് എപ്പോ റൂമിൽ ചെന്നാലും കുഴപ്പമില്ല. എന്നാൽ പിന്നെ ഒരു ബ്രേക്ക് എടുത്തിട്ട് വരാം എന്നും പറഞ്ഞു ഞാൻ പുറത്തേക്കിറങ്ങി.

അനുപമയും എന്റെ കൂടെ ഓഫിസിന്റെ പുറത്തേക്ക് വന്നു. ഞാൻ ഒരു സിഗരറ്റ് വലിച്ചിട്ട് വരാം എന്ന് പറഞ്ഞപ്പോൾ അനുപമയും വരാം എന്ന് എന്നോട് പറഞ്ഞു. ഒരു 14 നില കോമേർഷ്യൽ ബിൽഡിങ്ങിലാണ് ഞാനങ്ങളുടെ ഓഫീസ് ഉള്ളത്. അതിന്റെ ടെറസിൽ കയറിയാൽ നല്ല വ്യൂ ആണ്. ഞങ്ങൾ ലിഫ്റ്റിൽ കയറി ടെറസിലെത്തി. ഞാൻ ഒരു സിഗരറ്റ് എടുത്ത് കത്തിച്ചപ്പോൾ അനുപമയും ഒരെണ്ണം എന്നോട് ചോദിച്ചു.

താൻ വലിക്കുമോ എന്ന് ഞാൻ അത്ഭുതത്തോടെ ചോദിച്ചപ്പോൾ അതെന്താ പെണ്ണുങ്ങൾക്ക് വലിക്കാൻ പാടില്ലേ എന്ന് അവൾ തിരിച്ചു ചോദിച്ചു. ഞാൻ അവൾക്ക് ഒരു സിഗരറ്റ് നൽകിയ ശേഷം അത് കത്തിച്ച് കൊടുത്തു. ഞാൻ ഒരു പുകയെടുത്ത ശേഷം അനുപമ ഒരു നാടൻ കൊച്ചാണെന്നാ ഞാൻ ഓർത്തത് എന്ന് പറഞ്ഞു.

അനുപമ : "ഞാൻ നാടനൊന്നുമല്ല ചേട്ടാ. എനിക്ക് ചെറിയ തോതിൽ വെള്ളമടിയൊക്കെയുണ്ട്. ചേട്ടനെങ്ങനാ... അടിക്കുമോ "

ഞാൻ : "വീക്കെൻഡീൽ മാത്രം കഴിക്കും. എന്നാലും താൻ ഞാൻ വിചാരിച്ച ആളേയല്ലല്ലോ അനുപമേ." അനുപമ :" അതിന് ചേട്ടൻ വല്ലപ്പോഴുമൊക്കെ ഞങ്ങളെയും ശ്രദ്ധിക്കണം. അല്ലാതെ എപ്പോഴും നിയയെ മാത്രം നോക്കി വെള്ളമിറക്കി കൊണ്ടിരുന്നാൽ പോരാ.. " ഞാൻ ഒന്ന് ഞെട്ടി. ഞാൻ :"ഞാനോ, നിയയെയോ അയ്യേ... ഞാൻ അങ്ങനൊന്നും... " അനുപമ :"എന്റെ പൊന്ന് ചേട്ടാ ഞാൻ എപ്പോഴും കണ്ടിട്ടുണ്ട്. നിയ വരുമ്പോൾ ചേട്ടന്റെ ഇളക്കവും നോട്ടവുമൊക്കെ അവൾ ഇത് പറഞ്ഞിട്ട് പൊട്ടിച്ചിരിച്ചു. ഞാൻ ഒരു ചമ്മിയ ചിരി ചിരിച്ച് കൊണ്ട് നിന്നു.