Chapter Title : ഒരേയൊരാൾ 2 [ഹരി]

ശീലമായി കഴിയുമ്പോള്‍ തനിക്കും ഇങ്ങനെ ആകുമെന്ന് അവൾ ആശ്വസിച്ചു.

അവരെന്തോ തമാശ പറഞ്ഞു ചിരിക്കുകയാണ്. സൗമ്യയാണ് എന്തോ പറഞ്ഞത്. ഫൈസ കുലുങ്ങി കുലുങ്ങി ചിരിക്കുന്നു. അതിനിടയിൽ അവളുടെ ഇടതുകൈ ജ്യോതിയുടെ തുടക്ക് മുകളിൽ വയ്ക്കപ്പെട്ടു. ജ്യോതിയുടെ ഉള്ളില്‍ ഒരു മിന്നലടിച്ചതുപോലെ തോന്നി. തന്റെ കൈ കൂട്ടുകാരിയുടെ തുടയിലെത്തിയത് ഫൈസ അറിഞ്ഞിട്ടില്ല. അവൾ അനൈശ്ചികമായി ആ തുടയും കുലുക്കി ചിരിക്കുകയാണ്...

ജ്യോതി ഒരു ദീർഘനിശ്വാസത്തിനൊടുവിൽ ഇത്തിരി ഉമിനീര് മിടയിറക്കി. അവൾ ഫൈസയുടെ കയ്യിലേക്ക് നോക്കി. വെളുത്തു നീണ്ട വിരലുകൾ. അതില്‍ ഒരു കല്ലുവച്ച മോതിരം. പിന്നെ മങ്ങി മാഞ്ഞു തുടങ്ങിയ മൈലാഞ്ചിയുടെ ഓർമ്മകൾ.

അവൾ പതിയെ ആ കൈ തന്റെ വലതു കൈ കൊണ്ട് കോർത്തു പിടിച്ച് തുടയിൽ നിന്നും എടുത്തു മാറ്റി. തള്ളവിരലുകൊണ്ട് അവൾ ആ മോതിരത്തിലെ ഇത്തിരിപ്പോന്ന കല്ല് തഴുകി കൊണ്ടിരുന്നു. ഇടക്ക് ഫൈസ ഒന്ന് നോക്കി. ചിരിച്ചു. അവളും ചിരിച്ചു.

തിരിച്ച് വീടെത്തുന്നത് വരെയും രാജിയും ജ്യോതിയും കാര്യമായി ഒന്നും സംസാരിച്ചില്ല. രാജി കുളിക്കാന്‍ കയറി. ജ്യോതി അടുക്കളയിലേക്കും പോയി. ചായ വച്ചു. കറികൾ ചൂടാക്കി. അപ്പോഴേക്കും കുളി കഴിഞ്ഞ് രാജി വന്നു. ജ്യോതിക്ക് ഒന്നുകൂടി ചെയ്ത് നോക്കണമെന്നുണ്ടായിരുന്നു മനസ്സില്‍.

"ഞാനുമൊന്ന് കുളിച്ചിട്ടു വരാം" ജ്യോതി പറഞ്ഞു. ഒരു നിറഞ്ഞ ചിരിയോടെയാണ് രാജി അതിന് മറുപടി പറഞ്ഞത്... "ഇതിങ്ങനെ ശീലമാക്കണ്ടാ...!!"

അത് ജ്യോതിയില്‍ അല്പം ഈർഷ്യയുണ്ടാക്കി. "എന്ത്? കുളിയോ?" അവൾ ചോദിച്ചു.

"കുളിയല്ല... മ്..."

ഒന്നും മിണ്ടാതെ പോയങ്ങ് ബാത്ത് റൂമിൽ കേറിയാൽ മതിയായിരുന്നെന്ന് അപ്പോള്‍ ജ്യോതിക്ക് തോന്നി. ഇതിപ്പോള്‍ എഴുതിവച്ചത് വായിക്കുന്നപോലെയാണ് രാജി