Chapter Title : ഒരു ബാംഗ്ലൂർ യാത്ര 2 [Vethalam]

പക്ഷെ അതിന്റെ ആധാരം കയ്യിൽ ഇല്ലാത്ത കൊണ്ട് ബ്ലേഡ് ബാങ്കിൽ നിന്നാണ് ലോൺ എടുത്തേക്കുന്നെ

താൻ 12 വയസുള്ളപ്പോ ഒളിച്ചോടിപോയി എന്നും താൻ എവിടാ എന്ന് അറിയില്ല എന്നുമാണല്ലോ തന്റെ സ്റ്റെപ്മദർ പറഞ്ഞത്

പട്ടിണി സഹിക്കാൻ വയ്യാതായപ്പോൾ ഞാൻ മമ്മിയുടെ ആങ്ങളയുടെ വീട്ടിൽ പോയി പിന്നെ അവിടെ നിന്നാ പഠിച്ചത് രണ്ടു വർഷം മുൻപ് അങ്കിൾ മരിച്ചു ആന്റി മോളുടെ കൂടെ പോയപ്പോഴാണ് ഞാൻ തിരിച്ചു വന്നത്

മ്മ്മ്മ്മ് കനത്തിൽ ഒരു മൂളലായിരുന്നു മറുപടി

ഇപ്പൊ ഞാൻ എന്താ ചെയ്യേണ്ടത്

എനിക്ക് പപ്പയെ എങ്ങനെയും തിരിച്ചു കൊണ്ട് വരണം സാറിന് പപ്പ എവിടാന്നറിയുമോ എന്നറിയാനാ ഞാൻ വന്നത്

ബെൽ ഒന്ന് കൂടി മുഴങ്ങി

ഒരാൾ വാതിൽ തുറന്നു അകത്തു വന്നു

ബി റോയുടെ രണ്ടാമത്തെ റാക്കിൽ ഒരു നീല എൻവലപ്പുണ്ട് അത് എടുക്ക്

കടുവ കല്പിച്ചു

അയാൾ പോയി

ബെന്നി ഇനി ഞാൻ പറയുന്ന കാര്യങ്ങൾ സമചിത്തതയോടെ കേൾക്കണം കടുവയുടെ സ്വരം സൗമ്യമായി

കഴിഞ്ഞ ഒരു വർഷത്തിനിടയിൽ നാല് തവണ തന്റെ സ്റ്റെപ്മദറിനെ ഞാൻ വിളിച്ചു അന്വേഷിച്ചിരുന്നു തന്നെക്കുറിച്ചു

അപ്പോഴൊക്കെ അറിയില്ല എന്നാണ് ആ സ്ത്രീ പറഞ്ഞത്

നിന്റെ പപ്പ അവരെ വിവാഹം കഴിച്ചുവെങ്കിലും അത് നിയമപരമായി രജിസ്റ്റർ ചെയ്തിട്ടില്ല എല്ലാ രേഖകളിലും നിന്റെ മരിച്ചു പോയ മമ്മി മാത്രമേ ഫിലിപ്പിന്റെ ഭാര്യ എന്ന സ്ഥാനത്തുള്ളു

ഇതെന്താണ് ഇങ്ങേരു പറയുന്നേ എനിക്കൊന്നും മനസിലായില്ല

ഫിലിപ്പ് സൗദിയിൽ ഒരു എണ്ണ കമ്പനിയിൽ ആണ് ജോലി ചെയ്തിരുന്നത് ദൗർഭാഗ്യവശാൽ കഴിഞ്ഞ വർഷമുണ്ടായ ഒരു പൊട്ടിത്തെറിയിൽ അവൻ കൊല്ലപ്പെട്ടു

എന്റെ കണ്ണുകളിൽ ഇരുട്ടു കയറി വീണു പോവാതിരിക്കാൻ ഞാനാ ചെയറിൽ മുറുക്കെ പിടിച്ചുവെങ്കിലും ഊർന്നു നിലത്തേക്ക് വീണു

അർദ്ധ മയക്കത്തിൽ വീണ്ടുമാ ബെൽ ഞാൻ കേട്ടു

തണുത്ത വെള്ളം മുഖത്ത് വീഴുന്നു

ഞാൻ കണ്ണ് തുറന്നു

ബെന്നി ആർ യൂ ഒക്കെ

മ്മ്മ് എഴുനേല്ക്ക് ദാ കുറച്ചു വെള്ളം കുടിക്കു ഞാനാ വെള്ളം വാങ്ങി കുടിച്ചു വീണ്ടുമാ കസേരയിൽ ഇരുന്നു

ഒക്കെ ആയോ താൻ

മ്മ്മ് കുഴപ്പമില്ല സർ

ദാ ഇത് ഫിലിപ്പ്