Chapter Title : ഒരു ഇലക്ഷന്‍ ഡ്യൂട്ടി അപാരത 3 [Vijay Das]

പ്രമീളയാണ്. അതിലും കക്ഷിക്ക് അലസമട്ടാണ്. പോയി കിടന്നുറങ്ങിയാല്‍ മതി എന്നാണ്‍ തള്ളയുടെ നിലപാട്.

അപ്പോഴേക്ക് ബൂത്ത് ഏജന്‍റാവാനുള്ളവര്‍ വന്നു. മൂന്ന് പാര്‍ട്ടിക്കാര്‍ക്കും ഏജന്‍റിനുള്ള ഫോം ശരിയാക്കി അവരുടെ ഐഡന്‍റിറ്റി പരിശോധിക്കാന്‍ പ്രമീളയെ ഇരുത്തി. മനസില്ലാമനസ്സോടെയാണെങ്കിലും തള്ളയ്ക്ക് ഇരിക്കേണ്ടി വന്നു. പെട്ടെന്ന് വഴിപാടൊരുക്കി വെരിഫൈ ചെയ്തശേഷം അവര്‍ക്കെല്ലാം കാര്‍ഡ് കൊടുത്തു വിട്ടു. പ്രമീള പിന്നെ ചോദിക്കാനും പറയാനുമൊന്നും നില്‍ക്കാതെ നേരെ മുകളില്‍ റൂമിലോട്ട് പോയി.

ലക്ഷ്മിക്ക് അവളുടെ പണിയായാതും അല്ലാത്തതും നല്ല ഗ്രാഹ്യമാണ്. കലക്ട്രേറ്റില്‍ ജോലി ചെയ്തതിന്‍റെ മികവ്. മൃദുല തേഡ് പോളിങ് ഓഫീസറായതു കൊണ്ട് മെഷീന്‍ ഓണ്‍ ചെയ്യുന്ന പണി മാത്രമേയുള്ളൂ. അതുകൊണ്ട് കുഴപ്പമില്ല. അല്‍പനേരത്ത ഗാര്‍ഡുമാരുമായി കൂടിയുള്ള അവലോകനം കഴിഞ്ഞ് ഞങ്ങളെല്ലാവരും ഗുഡ്നൈറ്റ് പറഞ്ഞ് കിടക്കാന്‍ പിരിഞ്ഞു. സമയം 10 മണി.

ഞാന്‍ റൂമില്‍ ചെന്ന് അധികം കഴിയുന്നതിനു മുന്നേ റൂം പൂട്ടി ഇറങ്ങി നേരെ ചെന്ന് മൃദുലയുടെ റൂമില്‍ മുട്ടി. അല്‍പനേരം കഴിഞ്ഞ് മൃദുല വാതില്‍ തുറക്കുമ്പോള്‍ അവളുടെ മുഖത്ത് പരിഭ്രമവും നാണവും എല്ലാം കൂടി “ഇനിയെന്ത്” എന്നുള്ള ഭാവം. ഞാന്‍ കള്ളച്ചിരിയോടെ അകത്ത് കയറി വാതിലടച്ച് ബോള്‍ട്ടിട്ടു.

“അയ്യോ പോ...പ്ലീസ്”

“അങ്ങനെ പറഞ്ഞാലെങ്ങനാ, നാളെ പോളിങ് സുഗമമായി നടത്താനുള്ള എന്തെല്ലാം കാര്യങ്ങള്‍ പഠിപ്പിക്കാനുണ്ട്...”

“അതവിടുന്ന് ചെയ്യാമായിരുന്നില്ലേ...ഇതെന്താ എന്നെ മാത്രം...”

“ങ്ഹാ അവരൊക്കെ നേരത്തെ ചെയ്ത് പരിചയമുള്ളവരല്ലേ, മൃദുലയല്ലേ ആദ്യമായി...” ഞാന്‍ ഒരു പ്രത്യേക കള്ളച്ചിരിയോടെ അവളെ നോക്കി.

“ഞാന്‍ എല്ലാം നോക്കി ചെയ്തോളാം, ഇതുവരെ ഞാന്‍ വല്ലോം തെറ്റിച്ചാരുന്നോ?” പരിഭവത്തോടെ മൃദുല പറഞ്ഞു.

“അങ്ങനെ ചോദിച്ചാ, പോളിങ് ഒന്നും തെറ്റിച്ചൊന്നുമില്ല, എന്നാലും പോളിങ്ങിനെ ബാധിക്കാവുന്ന ചില ചീത്ത സ്വഭാവങ്ങളൊക്കെ ഒന്നു മാറ്റിയെടുക്കാനുണ്ട്. അതില്‍ ട്രെയിനിങ് തരാനല്ലേ ഞാനിപ്പൊ വന്നത്.”

“ചീത്ത സ്വഭാവമോ? എനിക്കോ? എന്ത്?” മൃദുല അമ്പരന്നു.

“നാണം” ഞാന്‍ പറഞ്ഞു. മൃദുലയുടെ മുഖത്ത് ആദ്യം അമ്പരപ്പും പിന്നെ അക്കിടി പറ്റിയ ഭാവവും ചെറിയ ദേഷ്യവും എല്ലാം കൂടി വന്നു, പിന്നാലെ ചെറിയ നാണവും.

“ദാ കണ്ടോ...ഇതാ ഞാന്‍ പറഞ്ഞേ” ഞാന്‍ ചിരിച്ചുകൊണ്ട് പറഞ്ഞു.

മൃദുല പെട്ടെന്ന് കഷ്ടപ്പെട്ട് മുഖത്ത് ഗൌരവം കൊണ്ടുവന്ന് പറഞ്ഞു