Chapter Title : ഒരു ഇലക്ഷന്‍ ഡ്യൂട്ടി അപാരത [Vijay Das]

ഉണ്ടാവാന്‍ സാധ്യതയുണ്ട്. പൊതുവെ പ്രിസൈഡിങ് ഓഫീസര്‍ പുരുഷനാവുമ്പോള്‍ ഫസ്റ്റ് പോളിങ് ഓഫീസര്‍ സ്ത്രീ ആവാറാണ് പതിവ്. സെക്കന്‍റ്, തേഡ് ഓഫീസേര്‍സിലും ഒരാള്‍ പുരുഷന്‍, ഒരാള്‍ സ്ത്രീ - കഴിയുന്നതും ഇങ്ങനെ ആണ് കുറേക്കാലമായി ഡ്യൂട്ടി ഇടാറ്. ഏതായാലും നമ്മുടെ പോളിങ് ഓഫീസര്‍ കൊള്ളവുന്ന ആരെങ്കിലും ആയിരിക്കട്ടെ. നോക്കാം.

അങ്ങനെ അടുത്ത ക്ലാസും വന്നു. ഇത്തവണ ഡ്യൂട്ടി ഉള്ള നിയോജകമണ്ഡലത്തിലാണ് ക്ലാസ്. ക്ലാസിനുള്ള അറിയിപ്പിനൊപ്പം ഫുള്‍ ടീമും ഫോണ്‍ നമ്പര്‍ സഹിതം കിട്ടും. ഓരോ പോളിങ് ടീമിലുള്ളവരും സംസാരിച്ച് പഴകി പരസ്പരധാരണയൊക്കെ ഉണ്ടാക്കിയിരിക്കണം എന്നാണ് വയ്പ്. ഏതായാലും ഇവരെയൊക്കെ ഒന്ന് നോക്കട്ടെ.
ആഹാ. മൂന്നും സ്ത്രീകള്‍! അപൂര്‍വമാണ് ഇങ്ങനെ.
സരസ്വതി
ലക്ഷ്മി
മൃദുല
ഇതെന്ത് ദൂരദര്‍ശനിലെ പുരാണസീരിയലോ? മുഴുവന്‍ ദേവിമാരാണല്ലോ?
ഏതായാലും നമ്പര്‍ സേവ് ചെയ്തു, വാട്സപ് ഗ്രൂപ് ഉണ്ടാക്കി, ആഡ് ചെയ്തു.

സരസ്വതി കെ. എസ്. ഹൈസ്കൂള്‍ ടീച്ചറാണ്.

കുടുംബം മൊത്തമുള്ള ഒരു ഫോട്ടോയാണ് ഡിപി.

ങ്ഹും കണ്ടിട്ട് കുറച്ച് മൊടയാണെന്ന്തോന്നുന്നു.

ലക്ഷ്മി പ്രദീപ് കലക്ട്രേറ്റിലെ യുഡി ക്ലര്‍ക്കാണ്.

ആഹാ ആള് കൊള്ളാല്ലോ. ഡി.പി. കണ്ടാല്‍ സിനിമാനടിയാണെന്നേ തോന്നൂ.

കല്യാണം കഴിഞ്ഞ ലക്ഷണമൊക്കെയുണ്ട്.

മൃദുല ഒരു സ്കൂളില്‍ ഓഫീസ് അസിസ്റ്റന്‍റാണ്.

എന്‍ട്രി കേഡര്‍ ആയതുകൊണ്ട് ചെറുപ്പക്കാരിയായിരിക്കും.

ഡി.പി.യില്‍ പൂവും ദേവിയുമൊക്കെയാണ്.

വിളിച്ചപ്പോള്‍ സരസ്വതിടീച്ചര്‍ പൂരവെറുപ്പിക്കല്‍. ഡ്യൂട്ടിക്ക് തീരെ താത്പര്യമില്ല, മകള്‍ പ്രസവിച്ചുകിടക്കുന്നു, ഭര്‍ത്താവിന് കഞ്ഞിവെക്കണം, വീടുവിട്ടു നിക്കാന്‍ പറ്റില്ല. പറയുന്നതുകേട്ടാല്‍ ഡ്യൂട്ടി ഉണ്ടാക്കിക്കൊടുത്തതും മകളെ പ്രസവിപ്പിച്ചു കിടത്തിയതും ഞാനാണെന്ന് തോന്നിപ്പോകും. ഒടുവില്‍ കലക്ട്രേറ്റില്‍ ചെന്ന് ഡ്യൂട്ടി ഒഴിവാക്കി വാങ്ങാന്‍ ഉപദേശിച്ച് ഫോണ്‍ വച്ചു.

ലക്ഷ്മി ഫോണ്‍ വിളിച്ചപ്പോള്‍