Chapter Title : ഒരു ക്വാറന്റീൻ സൌഭാഗ്യം [പ്രസാദ്]

ക്വാറന്റീനില്‍ പോകാന്‍ അനുവദിച്ച് വീട്ടിലേയ്ക്ക് വിടുകയായിരുന്നു. അത് പ്രകാരം അയാള്‍, അവരുടെ വീട്ടില്‍ തന്നെ ക്വാറന്റീനില്‍ തുടര്‍ന്നു. ആ ദിവസങ്ങളിലൊക്കെ, അയാളുടെ അമ്മ ആഫീസില്‍ വന്നുകൊണ്ടിരുന്നു.

പക്ഷേ, ഒരാഴ്ച കഴിഞ്ഞപ്പോള്‍ അയാള്‍ക്ക് ചില അസ്വസ്ഥതകള്‍ കണ്ടതിനെത്തുടര്‍ന്ന് നടത്തിയ പരിശോധനയില്‍, അയാള്‍ക്ക് കോവിഡ് പോസിറ്റീവ് ആണെന്ന് സ്ഥിരീകരിച്ചു. അങ്ങനെ അയാളെ ആശുപത്രിയിലേയ്ക്ക് മാറ്റി. തുടര്‍ന്ന്, അമ്മയുടെ കൂട്ടുകാരി ക്വാറന്റീനില്‍ പോയി. അതോടെ, അമ്മയ്ക്ക് ചെറിയ പേടി ആയി തുടങ്ങി. എന്നാല്‍, അച്ഛന്‍, ഒന്നും പേടിക്കണ്ട എന്ന് പറഞ്ഞ് അമ്മയെ സമാധാനപ്പെടുത്തിക്കൊണ്ടിരുന്നു. അമ്മ, അപ്പോഴും ആഫീസില്‍ പോകുന്നുണ്ടായിരുന്നു.

ഒരാഴ്ച കൂടി കഴിഞ്ഞപ്പോഴേയ്ക്കും, അമ്മയുടെ കൂട്ടുകാരിയുടെ കോവിഡ് ടെസ്റ്റ് പോസിറ്റീവ് ആയി. അവരെയും ആശുപത്രിയിലേയ്ക്ക് മാറ്റി. അതോടെ, അമ്മയും ക്വാറന്റീനില്‍ കഴിയാന്‍ ആരോഗ്യ വകുപ്പിന്‍റെ നിര്‍ദ്ദേശം വന്നു. അങ്ങനെ അമ്മ വീട്ടില്‍ തന്നെ ക്വാറന്റീനില്‍ ആയി. ആരോഗ്യ പ്രവര്‍ത്തകര്‍ വീട്ടില്‍ വന്ന് സൗകര്യങ്ങള്‍ പരിശോധിച്ച് ബോദ്ധ്യപ്പെട്ട്, ഞങ്ങള്‍ക്ക് വേണ്ട മുന്‍കരുതലുകളും, നിര്‍ദ്ദേശങ്ങളുമൊക്കെ തന്നു.

അതനുസരിച്ച്, അമ്മയെ ഒറ്റയ്ക്ക് ഒരു മുറിയില്‍ കഴിയണമെന്നും, മുറിയില്‍ നിന്നും യാതൊരു കാരണവശാലും പുറത്ത് വരരുതെന്നും, മുറി എപ്പോഴും അടച്ചിട്ടിരിക്കണമെന്നും, മറ്റാരും അമ്മയുമായി സമ്പര്‍ക്കത്തില്‍ വരരുതെന്നും നിര്‍ദ്ദേശിച്ചു. അമ്മ ഉപയോഗിക്കുന്ന പാത്രങ്ങളും, വസ്ത്രവുമൊന്നും ഞങ്ങള്‍ തൊടരുതെന്നുമൊക്കെ കുറേ നിര്‍ദ്ദേശങ്ങള്‍. അമ്മയുടെ മുറിയുടെ മുന്നിലായി അവര്‍ തന്നെ ഒരു ബഞ്ച് കുറുകേ പിടിച്ചിട്ട് മുറി ബ്ലോക്ക് ചെയ്തു. ആ ബെഞ്ചിന് മുകളില്‍ ഒരു പാത്രവും വച്ചിട്ട്, ഭക്ഷണം ആ പാത്രത്തില്‍ തൊടാതെ അതിലേയ്ക്ക് വിളമ്പി കൊടുത്താല്‍ മതി എന്നും നിര്‍ദ്ദേശിച്ചു.

പക്ഷേ, അച്ഛന്‍ എവിടെ കിടന്നുമെന്ന കാര്യത്തില്‍ ഒരു