Chapter Title : ഒരു മെസ്സേജിന് അപ്പുറം 1 [പറവ 🍁]

“ഇക്കയ്ക്ക് വേറൊരു പ്രശ്നം കൂടിയുണ്ട് അബൂ…”

“എന്താ?”

“ഞാനും ഇക്കയും പുറത്തുപോകുമ്പോൾ ചിലർ എന്നെ നോക്കുന്നത് ഇക്ക ശ്രദ്ധിക്കും. ആരെങ്കിലും കുറച്ചുനേരം നോക്കിയാലും ഇക്കയ്ക്ക് അത് ഇഷ്ടമാകില്ല.”

അവൾ കുറച്ചുനേരം നിശ്ശബ്ദയായി.

“ചിലപ്പോൾ പുറത്തുനിന്ന് തിരിച്ചു കാറിൽ കയറിയാൽ പോലും ഇക്കയുടെ മുഖം മാറിയിട്ടുണ്ടാകും. ‘അവൻ നിന്നെ എന്തിനാ അങ്ങനെ നോക്കിയത്?’ എന്നൊക്കെ ചോദിക്കും.”

“ഞാൻ ഒന്നും ചെയ്തിട്ടില്ലെന്ന് പറഞ്ഞാലും ഇക്കയുടെ ദേഷ്യം മാറില്ല. ‘നീ ശ്രദ്ധിച്ചില്ലേ അവൻ നോക്കിയത്?’ എന്നായിരിക്കും ചോദ്യം.”

അവൾ പതുക്കെ പറഞ്ഞു:

“എനിക്ക് ആരെങ്കിലും നോക്കുന്നത് എന്റെ കൈയിലുള്ള കാര്യമല്ലല്ലോ അബൂ. പക്ഷേ ഇക്കയ്ക്ക് അത് മനസ്സിലാകുന്നില്ല. ഞാൻ പുറത്തുപോകുമ്പോൾ ആരൊക്കെ എന്നെ നോക്കി, ആരാണ് സംസാരിച്ചത്… അതൊക്കെ ശ്രദ്ധിക്കുന്നതും പിന്നെ അതിനെക്കുറിച്ച് എന്നോട് ചോദിക്കുന്നതും ഇപ്പോൾ പതിവായി.”

അവളുടെ വാക്കുകൾ കേട്ടപ്പോൾ എനിക്ക് റാഷിയുടെ ഭാഗവും കുറച്ചൊക്കെ മനസ്സിലായി. ഒരുപക്ഷേ സിനുവിനെ നഷ്ടപ്പെടുമോ എന്ന ഭയമാണ് അവന്റെ സംശയങ്ങൾക്ക് പിന്നിൽ.

പക്ഷേ ആ ഭയം അവരുടെ ബന്ധത്തിൽ പതുക്കെ മറ്റൊരു പ്രശ്നമായി മാറിക്കൊണ്ടിരിക്കുകയായിരുന്നു.

സിനു അവസാനമായി പറഞ്ഞു:

“ഇക്കയ്ക്ക് എന്നെ സ്നേഹമില്ലാത്തതുകൊണ്ടല്ല അബൂ… ഒരുപക്ഷേ എന്നെ നഷ്ടപ്പെടുമോ എന്ന പേടിയാണ്.

പക്ഷേ ആ പേടി കാരണം എനിക്ക് ശ്വാസം മുട്ടുന്ന പോലെയാണ്.”

അവൾ പറഞ്ഞതെല്ലാം കേട്ട ശേഷം ഞാൻ കുറച്ചുനേരം ഒന്നും മിണ്ടിയില്ല.

പിന്നെ ഞാൻ അവൾക്ക് മെസ്സേജ് അയച്ചു.

“സിനു, നിനക്ക് എന്നോട് സംസാരിക്കാൻ തോന്നിയാൽ എപ്പോ വേണമെങ്കിലും എന്നെ വിളിക്കാം.”

അത് പറഞ്ഞപ്പോൾ അത്ര വലിയൊരു കാര്യമായി ഞാൻ കരുതിയില്ല.

പക്ഷേ ആ രാത്രി ഉറങ്ങാൻ കിടന്നപ്പോഴും