Chapter Title : ഒരു ടെക്സ്റ്റയിൽ അനുഭവങ്ങൾ 8 [Anoop]

അനിയത്തിയും പിന്നെയാണ് അനിയന്മാർ. അനിയത്തി പ്ലസ് ടു പാസ്സായി ഇപ്പോൾ ഡിഗ്രിക്ക് അപേക്ഷ നൽകിയെന്ന് കേട്ടിരുന്നു. പക്ഷേ കിട്ടിയില്ലയെന്നൊക്കെ കഴിഞ്ഞ ദിവസം ഹരിയോട് പറഞ്ഞു കേട്ടു. അവർ തമ്മിൽ ആണ് കൂടുതൽ കൂട്ട്. അനിയന്മാർ ഒരാൾ ഒമ്പതിലും മറ്റവൻ ഏഴിലും പഠിക്കുന്നു.

ഞാൻ : "അവൾ ഡിഗ്രിക്ക് പോകണമെന്നൊക്കെ പറയുന്നത് കേട്ടല്ലോ"

സൂരജ് : "അറിയില്ലെടാ.. മാനേജരോട് അവൻ രണ്ടുമൂന്നു ദിവസം മുൻപ് പറഞ്ഞിരുന്നെന്നു തോന്നുന്നു അവൾക്ക് വല്ല വാക്കൻസി ഉണ്ടെങ്കിൽ പറയണമെന്ന്.. ഇന്ന് മാനേജർ അവനോട് പറഞ്ഞു അവളോട് ഓഫീസിൽ വന്നു മുതലാളിയെ കണ്ടിട്ട് ആള് പറയുന്നിടത്തേക്ക് നിയമനം കൊടുക്കാം എന്ന്"

ഞാൻ : "ഉം.. അർജ്ജുന്റെ വീട്ടിലെ അവസ്ഥ മോശമാണ്.. എന്തായാലും ഒരു ജോലി കിട്ടിയാൽ അവർക്ക് നല്ലതല്ലേ?"

സൂരജ് : "ഞാനിത് നിന്നോട് പറഞ്ഞെന്ന് അവൻ അറിയണ്ട"

ഞാൻ : "ഏയ്.. ഞാൻ പറയുന്നില്ല... അവൻ എന്നോട് പറയാതിരിക്കില്ല"

ഞങ്ങൾ റൂമിലേക്ക് തിരികെ കയറി. ഹരി വീട്ടിലേക്ക് ഫോൺ ചെയ്‌തുകൊണ്ട് കിടക്കുകയാണ്. അർജ്ജുൻ ബാത്റൂമിലും... അവൻ കുളിക്കഴിഞ്ഞു വന്നപ്പോൾ സൂരജ് പോയി മൂത്രമൊഴിച്ചു വന്നു. ഞാനും സൂരജുo ഒരുമിച്ചിരുന്ന് മൊബൈലിൽ ഗെയിം കളിക്കുവാൻ തുടങ്ങി. ആ സമയം അർജ്ജുൻ ഞങ്ങളുടെ അടുത്ത് വന്നു.

അർജ്ജുൻ : "നാളെ ഞാൻ ലീവാണ്. വീട്ടിൽ പോയി പിറ്റേന്ന് വരാം"

ഞാൻ : "അതെന്ത് പറ്റി.. ഒരു ദിവസത്തേക്ക് ലീവ്"

അർജ്ജുൻ : "അപർണയ്ക്ക് (പെങ്ങൾ) ഇവിടെ ഒരു ജോലി ശെരിയാക്കാമെന്ന് മാനേജർ പറഞ്ഞു."

ഞാൻ : "അപ്പോൾ അവൾ ഡിഗ്രിക്ക് ചേരുന്നില്ലേടാ?"

അർജ്ജുൻ : "സീറ്റ്