Chapter Title : ഒരു തേപ്പ് കഥ 6 [ചുള്ളൻ ചെക്കൻ]

പറയാൻ വന്നത് നിർത്തിയത് ” ഞാൻ എന്തൊക്കെയോ വിചാരിച്ചു അവളോട് ചോദിച്ചു....

“അത് ഇക്കാ... എനിക്ക് ഒരാളോട് ഇഷ്ടമുണ്ട്” അവൾ ശബ്ദം താഴ്ത്തി പറഞ്ഞു... എന്റെ നെഞ്ചിൽ കത്തി കുത്തി ഇറക്കുന്ന പോലെ ആയി പോയി...

“ആരാ ആൾ ” ശബ്ദം ഇടറിക്കൊണ്ട് ഞാൻ ചോദിച്ചു...

“ആളെ ഞാൻ പറയില്ല.. കാരണം അത് ശെരിയാകില്ല... അവർ ഒക്കെ വലിയ ആളുകൾ ആണ്..” അവൾ പറഞ്ഞു...

“അത്രക്ക് ഇഷ്ടമാണോ ” ഞാൻ ചോദിച്ചു...

“ഒരുപാട് നാളായി മനസ്സിൽ കൊണ്ട് നടന്ന്.. പക്ഷെ എനിക്ക് പറയാൻ പറ്റിയില്ല ” അവൾ പറഞ്ഞു...

“അത് ശെരിയായില്ല... പറയേണ്ടതായിരുന്നു ”

“പറയാമായിരുന്നു... ഇനി പറ്റില്ല... കാരണം ഞങ്ങളെ അനാഥർ ആയില്ലേ... ഇനി ആ ഇക്കാടെ വീട്ടിൽ സമ്മതിക്കില്ല ”

“എനിക്ക് അറിയാവുന്ന ആൾ ആണോ ” ഞാൻ ചോദിച്ചു...

“ഇക്കാക് ആളെ അറിയാം ” അവൾ പറഞ്ഞപ്പോൾ പലരുടെയും മുഖങ്ങൾ എന്റെ മനസ്സിൽ മിന്നിമറഞ്ഞുകൊണ്ട് ഇരുന്നു...

“അതെ സമയം 1 മണി ഒക്കെ ആയി... എനിക്ക് ഉറങ്ങണം.. ഈ സമയത്ത് പ്രായപൂർത്തിയായ ഒരു പെൺകുട്ടിയുടെ റൂമിൽ ഇരിക്കുന്നത് ശെരിയല്ല ” അവൾ ചിരിച്ചുകൊണ്ട് എന്നെ കളിയാക്കി...

“അയ്യോ സോറി ഞാൻ അത് ഓർത്തില്ല ” എന്ന് പറഞ്ഞു ഞാൻ എഴുനേറ്റു...

“ഞാൻ അത് വെറുതെ പറഞ്ഞതാ... ഇവിടെ ഇരിക്ക് എനിക്ക് കുറച്ചു കാര്യങ്ങൾ സംസാരിക്കാൻ ഉണ്ട് ” അവൾ എന്നോട് പറഞ്ഞു...ഞാൻ അവിടെ ഇരുന്നു

“എന്താ ” ഞാൻ ചോദിച്ചു...

“ഇക്കാക്ക് എങ്ങനെ ഉള്ള പെൺകുട്ടിയെ ആണ് കല്യാണം കഴിക്കാൻ താല്പര്യം ”