Chapter Title : ഒരു തേപ്പ് കഥ 7 [ചുള്ളൻ ചെക്കൻ]

എന്നിട്ട് കണ്ണ് അടച്ചു കിടന്നു...വീണ്ടും ഞാൻ ഉറക്കത്തിലേക്ക് പോയി...

..2 ദിവസം കടന്ന് പോയി... കണ്ടാൽ ചിരിക്കും എന്ന് അല്ലാതെ ജാസ്മിനുമായി യാതൊരു സംസാരവുമില്ലായിരുന്നു... പീടിച്ചു പേടിച്ചാണ് ഞാനും വിവേകും പുറത്തേക്ക് ഇറങ്ങിയതൊക്കെ...പന്തൽ എല്ലാം ഇട്ടു

ഇന്നാണ് മെഹന്ദി... പാചകത്തിനുള്ള എല്ലാ സാധനങ്ങളും എത്തിച്ചിട്ടുണ്ട്...കുടുംബക്കാർ എല്ലാം എത്തിയിട്ടുണ്ട്...അന്നത്തെ ദിവസത്തിന്റെ തിരക്കിനിടക്ക്.. ഫോണിൽ ഒരു മെസ്സേജ് വന്നു...
‘ഇനി 2 ദിവസം കൂടെ ഉള്ളു.. ഒരമ്മയുണ്ടല്ലോ ’ ഐഷയുടെ മെസ്സേജ്.. അത് കേട്ട് ഞാൻ എന്ത് ചെയ്യണമെന്ന് അറിയതെ ഞാൻ അവിടെ ഇരുന്നു...

“ഇക്കാ ദോ അവിടെ വിളിക്കുന്നു ” ആലോചിച്ചിരുന്ന എന്റെ തോളിൽ തട്ടി ജാസ്മിൻ പറഞ്ഞു... എന്നിട്ട് അവൾ അകത്തേക്ക് പോകാൻ തുടങ്ങി...

“ജാസ്മി ” ഞാൻ അവളെ വിളിച്ചു...

“എന്താ ഇക്കാ ” അവൾ തിരിഞ്ഞു എന്നെ നോക്കി ചോദിച്ചു...ഞാൻ എന്ത് പറയണമെന്ന് അറിയാതെ നിന്ന് പരുങ്ങി...

“നാളെ ഈ കല്യാണം കഴിഞ്ഞാൽ ഞങ്ങൾ പൊക്കോളാം... ഇക്കാ പേടിക്കണ്ട ” അവൾ പറഞ്ഞു...

“നീ ഇത് എങ്ങനെ ” ഞാൻ ചോദിച്ചു.

“ആഫി പറഞ്ഞിരുന്നു... കാര്യം എല്ലാം.. എനിക്ക് മരിക്കാൻ പേടി ഇല്ല ഇക്കാ.. ഞങ്ങൾ പൊക്കോളാം ” അവൾ പറഞ്ഞു... എന്നിട്ട് അവൾ തിരിഞ്ഞു...

“നിനക്ക് എന്റെ കൂടെ ജീവിക്കാൻ പറ്റുമോ ” ഞാൻ തല താഴ്ത്തി ചോദിച്ചു...

“എന്താ ഇക്കാ ” അവൾ കേട്ടത് ശെരിയാണോ എന്ന് അറിയാൻ ഒന്നകൂടെ ചോദിച്ചു...

“നിനക്ക് എന്റെ കൂടെ എന്റെ ഭാര്യയായി ജീവിക്കാൻ പറ്റുമോന്ന് ” ഞാൻ അവളുടെ മുഖത്ത് നോക്കി ചോദിച്ചു... അത് കേട്ടപ്പോൾ അവളുടെ കണ്ണിലെ തിളക്കം ഞാൻ കണ്ടു...

“അത്, ഞാൻ, ഇ. ഇപ്പൊ. അത് വേണ്ട ഇക്കാ... ഈ അവസ്ഥയിൽ വേണ്ട ” അവൾ ഒഴിഞ്ഞു മാറി...

“പെട്ടന്ന് എടുത്ത തീരുമാനം അല്ല ” ഞാൻ പറഞ്ഞു...

“എനിക്ക് അറിയാം ഇക്കാ... ആദ്യം കണ്ടപ്പോൾ മുതൽ ഞാൻ ശ്രെദ്ധിച്ചതാണ്.. പിന്നെ ആഫി എന്നോട് ചോദിച്ചു.. ഇപ്പൊ തന്നെ ഞങ്ങൾ നിങ്ങൾക്ക് ഒരു ബുദ്ധിമുട്ട് ആണ്.. പിന്നെ ആ ഐഷ എന്നെ