Chapter Title : ഒരു തുടക്കകാരന്‍റെ കഥ 5

അടുത്ത് തന്നെ ആയിരുന്നു .

“അപ്പുവേട്ടാ …. എണീറ്റേ”

അമ്മുവിന്ടെ ആ വിളികേട്ടാണ് അപ്പു ഉറക്കം ഉണർന്നത്

‘ഇന്നലെ എപ്പഴാ ഞാൻ ഉറങ്ങിയത്’

ഇന്നലെ കരഞ്ഞ അമ്മു ഇന്നിതാ ഒരു കുഴപ്പവും ഇല്ലാതെ മുറി അടിച്ചു വരുന്നു

അതൊക്കെ സ്വപ്നമായിരുന്നു

“അമ്മു നീ ഇന്നലെ എന്തിനാ കരഞ്ഞെ “

“അതൊന്നുമില്ല … രാവിലെ കിണുങ്ങിക്കൊണ്ടിരിക്കാതെ പോയി പല്ല് തേക്കുന്നുണ്ടോ .”

‘അപ്പൊ സ്വപ്നമല്ല .. പക്ഷെ ഇന്നലെ ഒന്നും സംഭവിക്കാത്തത് പോലെ ഇവളിതെങ്ങനെ പെരുമാറുന്നു’

അല്ലേലും ഈ പെണ്ണുങ്ങൾ മനസ്സിൽ ഒതുക്കി പുറമെ ഒന്നും നടന്നില്ല എന്ന് കാണിക്കാൻ മിടുക്കരാണ്

അപ്പുനേരെ എഴുനേറ്റ് ബാത്റൂമിലും പോയി കുളിയും കഴിഞ്ഞ് തിരിച് വന്നു

“ അമ്മൂ ചായ “

അത് കേട്ട കുഞ്ഞമ്മ

“നോക്കിക്കേ ചേച്ചി അമ്മു വന്നതി പിന്നെ ചേച്ചീടെ പകുതി പണി കുറഞ്ഞു. എല്ലാം അവൾ കണ്ടറിഞ്ഞ് ചെയ്യുന്നുണ്ട് “

“ ഹാ നാളെ അവൾ തന്നെ ചെയ്യേണ്ടതല്ലേ അതുകൊണ്ടാകും. “

“അപ്പുവിന്റെ കാര്യങ്ങൾ മുഴുവൻ അവളാണ് ചെയ്യുന്നത് , എന്നെ പോലും അവനിപ്പോൾ വിളിക്കാറില്ല “

“എനിക്ക് അവരുടെ പ്രായമാ ഷീജെ പേടി “

“ഏയ്‌ അങ്ങാനൊന്നും ഉണ്ടാവില്ല ചേച്ചി ചെറിയ ചെറിയ കുരുത്തക്കേട് ഉണ്ടന്നേ ഉള്ളു . അവരെ സൂക്ഷിക്കാൻ അവർക്ക് അറിയാം “

“5 വർഷം എങ്കിലും കഴിഞ്ഞല്ലേ കെട്ടിക്കാൻ പറ്റൂ , ആത് വരെ എന്റെ ഉള്ളിൽ ഒരു പേടി ഉണ്ടാകും “

അതിന് മറുപടിയായി ഷീജ ഒന്ന് ചിരിച്ചതെ ഉള്ളു

അപ്പുവും മോഹനനും യാത്രയായി .

അപ്പു എത്തിയപ്പോൾ