Chapter Title : ഒരു തുടക്കകാരന്‍റെ കഥ 5

താഴേക്കിറങ്ങി അപ്പോഴേക്കും ചെറിയച്ഛനും വന്നു , രണ്ടു പേരും വണ്ടിയിൽ കയറി യാത്രയായി , അപ്പോൾ അമ്മുവും അമ്മയും കുഞ്ഞമ്മയും അവരെ നോക്കി നിന്നു.

അങ്ങനെ അവർ ഷോപ്പിന്റെ മുന്നിൽ എത്തി അപ്പു പലതവണ വന്നിട്ടുണ്ടെങ്കിലും , ഇത്തരമൊരു വരവ് ഇതാദ്യമായിട്ടായിരുന്നു

“ മാധവേട്ട എല്ലാവരും വന്നോ “

“ നാൻസി എത്തിയില്ല ബാക്കി എല്ലാവരും വന്നിട്ടുണ്ട്”

“അവൾക്ക് പിന്നെയും പഴയ പരിപാടി തുടങ്ങിയോ “

“ ഹാരി എന്തൊക്കെ ഉണ്ട് വിശേഷം “

“സുഖം മാധവേട്ട “

“മാധവേട്ട ഇവനെ 2 ദിവസം ഒന്ന് ഹെല്പ് ചെയ്യനോട്ടോ അപ്പോഴേക്കും ഇവൻ കേറിപോക്കോളും “

“ആ ഞാൻ ഇവിടെത്തന്നെ ഉണ്ടല്ലോ “

“ആ എങ്കിൽ നീ സീറ്റിൽ കയറി ഇരുന്നോടാ . ഒന്ന് കാണട്ടെ “

അപ്പു ചിരിച്ചുകൊണ്ട് ക്യാഷ് കൗണ്ടറിലെ വലിയ കസേരയിൽ കയറി ഇരുന്നു

“ ഹാ കൊള്ളാം “

അപ്പു ഒന്ന് ചിരിച്ചു

രണ്ടു നിലയുള്ള പരന്ന കെട്ടിടമായിരുന്നു അത് . മുകളിൽ സ്റ്റോക്ക് വയ്ക്കുവാൻ മാത്രമേ ഉപയോഗിക്കുന്നുള്ളൂ.

അവൻ ചെറിയച്ഛന്ടെ കൂടെ അതിനുള്ളിലൊക്കെ നടന്നു .

അവിടെ ആകെ 6 സ്റ്റാഫ് മാത്രമേ ഉണ്ടായിരുന്നുള്ളു

 
1. മാധവൻ
 
2. ശ്രീജ
 
3. അമ്പിളി
 
4. നാൻസി
 
5. സുധീഷ്
 
6. മുരളി

എല്ലാവരും അപ്പുവിനോട് വിശേഷങ്ങൾ ചോദിച്ചു , അപ്പോഴേക്കും കസ്റ്റമേഴ്സും വന്നു തുടങ്ങി .

മോഹനൻ പെട്ടന്ന് തന്നെ അവിടെ നിന്നും ഇറങ്ങി

കുറച്ച് കഴിഞ്ഞപ്പോഴേക്കും നാൻസി വന്നു,

“ആ ഹരീ … മാധവേട്ടൻ പറയുന്നത് കേട്ടു ഇന്നുമുതൽ ഹരിയായിരിക്കും ഇവിടെ എന്ന്‌ “

“ ഓ അതുകൊണ്ടാണോ