Chapter Title : ഒരു വെടക്കൻ വീരഗാഥ [Raju Nandan]

അവിടേക്ക് വന്നു, പരദേവതയെ തൊഴുതു കുഞ്ചുണ്ണൂലി അറയിൽ കയറാതെ വെളിയിൽ നിന്നതേ ഉള്ളു. ഉണ്ണിയാർച്ച വന്നിട്ടും ആരോമലുണ്ണി കാണാത്ത പോലെ നടിച്ചു കേമൻ ചുരിക എടുത്തു രണ്ടു മൂന്നു കറക്കം കൂടി കറക്കി തൽസ്ഥാനത്തു വച്ച് കുമ്പിട്ടു.

“കണ്ണപ്പ എങ്ങിനെ ഉണ്ട് നിന്റെ പയറ്റോക്കെ അച്ഛനെ പോലെ കേമൻ ആകണം, ആരോമൽ നല്ല അഭ്യാസി ആണെങ്കിലും അൽപ്പം ഉഴപ്പാണെന്ന് തോന്നുന്നു നീ അങ്ങിനെ ആകരുത് , അച്ഛന് പേര് കിട്ടിക്കരുത്. കുഞ്ഞിരാമേട്ടനും ഉഴപ്പാണ്, പിന്നെ എന്റെ ജാതക ഗുണം കൊണ്ട് വച്ചടി വച്ചടി കേറ്റം ആണ് അവിടെ, കളരികൾ തന്നെ എത്ര ആയി. കണക്കൊക്കെ പെരുമ്പാവൂർ നിന്നും വന്ന ആ തെക്കനേ അറിയൂ. വരുണാവർക്കെല്ലാം വച്ച് വിളമ്പിയാലും ഒരു സദ്യക്കുള്ളത് ബാക്കി എന്നും കാണും" , ഇത് പറഞ്ഞു കുഞ്ചുണ്ണൂലിയെ ഒന്ന് നോക്കി ആർച്ച.

"ഇവിടെ ഇപ്പോൾ അധികം ആരും വരാറില്ല ആ പാണച്ചെക്കൻ പോലും വയൽവരമ്പിലൂടെ പോകുന്നതല്ലാതെ ഇവിടെ വരില്ല. ചോദിച്ചാൽ പറയും വിഷമം കൊണ്ടാണെന്നു. അവനൊക്കെ ഇപ്പോൾ ജോനകപുരകളിൽ ആണ് പാടാൻ പോകുന്നത്. അവിടെ ഒക്കെ കുഴിമന്തിയും ബിരിയാണിയും കൈ നിറയെ പൊൻപണവും കൊടുക്കും. ഇവിടെ താക്കോലോക്കെ അമ്മാവനെ അറിയൂ. ഞാൻ ഒന്നും ചോദിക്കാറും ഇല്ല അല്ലെങ്കിൽ തന്നെ അതൊന്നും ചോദിയ്ക്കാൻ പാടില്ല എന്നാണ് കണ്ണപ്പന്റെ അച്ഛൻ പണ്ടേ പറഞ്ഞിട്ടുള്ളത്", കുഞ്ചുണ്ണൂലി മുഖം കുനിച്ചു നിന്ന് പറഞ്ഞു.

അപ്പോൾ ആർച്ച "പുറത്തായിട്ട് നാലഞ്ച് ആയില്ലേ? ഇനി കളരിയിൽ ഒക്കെ കേറാം, ആറ്റും മണമ്മേൽ ഒക്കെ അത്ര ശുദ്ധം ഒന്നും നോക്കാറില്ല, കുഞ്ഞിരാമേട്ടൻ ഇഷ്ടം പോലെ