Chapter Title : പാമ്പും കോണിയും 7 [ശ്രീരാജ്]

സോപ്പിട്ട് ഒപ്പിച്ചത് അല്ലെ..... ആയി പറഞ്ഞാൽ എനിക്ക് പിന്നെ..... നിനക്ക് അറിഞ്ഞൂടെ..... സൈറ പല്ല് കടിച്ച് ആണ് പറഞ്ഞത്....

ആയി പറഞ്ഞാൽ സൈറക്ക് മറു വാക്കില്ല എന്ന് അറിയാവുന്ന ജെനി ചിരിച്ചു കൊണ്ട് ചോദിച്ചു : അത് ശരീ... അപ്പോൾ ആയി സാറിന്റെ പോക്കറ്റിൽ ആണ്......

പിന്നിലേക്ക് ചാരി, പുഞ്ചിരിച്ച മുഖവുമായി സൈറ പറഞ്ഞു "മ്മ്മ്മ്...ഐ ഡോണ്ട് നോ ജെനീ...... ആയി... ആയിയെ ഞാൻ ഇങ്ങനെ ജീവിതത്തിൽ കണ്ടിട്ടില്ല... ഷീ ഈസ്‌ ഹാപ്പി.... ഞാൻ എന്തൊക്കെ ചെയ്തിട്ടുണ്ടോ ആയിയുടെ സന്തോഷത്തിന്.... അന്നൊക്കെ കണ്ടതിനേക്കാൾ കൂടുതൽ, ഷീ ഈസ്‌ ഹാപ്പി വിത്ത്‌ ഹിം.... അവന്റെ കൂടെ..... ആയിക്ക്‌ ഭയങ്കര ഇഷ്ടമാണ് അവനെ...... അവന്റെ കാര്യത്തിൽ മര്യാദക്ക് സ്ട്രിക്റ്റ് ആവാൻ കൂടെ സമ്മതിക്കില്ല എന്നെ........

സൈറ ഒന്ന് നിർത്തി തുടർന്നു....... "ഞാനും ആയിയും മാത്രമായ ഞങ്ങളുടെ ലോകത്തേക്ക് അവൻ വന്നപ്പോൾ, ഐ ഡോണ്ട് നോ.... എനിക്ക് എന്താ പറയേണ്ടത് എന്ന് എനിക്കറിയില്ല ജെനി........... ഞാൻ മാറുന്ന പോലെ... മാറുന്നുണ്ടോ ജെനി ?..

" യെസ്... മാം.... ഞാൻ അത് പറഞ്ഞില്ല എന്നെ ഉളളൂ..... മാസങ്ങൾക്ക് മുൻപ് പൂനെയിൽ നിന്നും പോയ മാം അല്ല ഇന്ന് എന്റെ മുന്നിൽ ഉള്ളത്... മാം ഒരുപാട് മാറി...
ബട്ട് ഐ തിങ്ക്...... എനിക്ക് തോന്നുന്നതാണ്, ഈ മാറ്റങ്ങൾ നല്ലതിനാണ് എന്ന്....... മാമിന്റെ ലൈഫ് എനിക്ക് നന്നായി അറിയാവുന്നതല്ലേ..... ജോലി... ജോലി... ജോലി.... അത് കഴിഞ്ഞുള്ള സന്തോഷം എന്ന് പറയുന്നത്, കുറെ കപടതകൾ മാത്രം.... അതായത് സ്ഥിരം അല്ലാത്ത കുറേ കാര്യങ്ങൾ.... അല്ലെങ്കിൽ കുറച്ചു സമയത്തിന്......