Chapter Title : പാപശൽഭം 15 [Shanushinu] [വിങ്ങുന്ന യാത്രാമൊഴി]

ക്ഷീണമൊക്കെ മാറി, വെറുതെ കിടക്കുകയായിരുന്നു. ഏട്ടൻ അയച്ചുതന്ന ആ അപ്പാർട്ട്മെന്റിന്റെ കാറ്റലോഗ് ഞാൻ ഉച്ചയ്ക്ക് നോക്കിയിരുന്നു. എന്ത് രസമുള്ള ഡിസൈനുകളാണ് അതിൽ! അതിലെ ആ ക്രീം ആൻഡ് ഗോൾഡ് തീമുള്ള ബെഡ്റൂമും ലിവിംഗ് റൂമുമാണ് എനിക്ക് ഏറ്റവും ഇഷ്ടപ്പെട്ടത്," അവൾ ആവേശത്തോടെ മറുപടി അയച്ചു.

"എനിക്കറിയാമായിരുന്നു മോൾക്ക് ആ ക്ലാസിക് തീം തന്നെയായിരിക്കും ഇഷ്ടപ്പെടുകയെന്ന്! മോളുടെ ടേസ്റ്റ് അപാരമാണ് കേട്ടോ. ഞാൻ നാളെത്തന്നെ ഡിസൈനറോട് പറഞ്ഞ് ആ തീം ഫൈനലൈസ് ചെയ്യുന്നുണ്ട്," രോഹിത്തിന്റെ മറുപടി ഉടൻതന്നെ വന്നു.

തുടർന്നുള്ള അരമണിക്കൂർ അവർക്കിടയിൽ ഒഴുകിയ സന്ദേശങ്ങൾ തികച്ചും മാന്യവും എന്നാൽ ഹൃദയസ്പർശിയുമായിരുന്നു. അവളുടെ പകലത്തെ അടുക്കളവിശേഷങ്ങളും സഫയുടെ കുറുമ്പുകളുമെല്ലാം അവൾ തന്റെ ഏറ്റവും അടുത്തൊരു സുഹൃത്തിനോട് പറയുന്നതുപോലെ അയാളോട് പങ്കുവെച്ചു.

തന്റെ ജീവിതത്തിൽ എന്തുതന്നെ സംഭവിച്ചാലും തന്നെ മനസ്സിലാക്കാനും സംരക്ഷിക്കാനും കഴിയുന്ന ഒരു വലിയ മനുഷ്യൻ അപ്പുറത്തുണ്ടെന്ന ചിന്ത അവൾക്ക് പൂർണ്ണമായ സമാധാനം നൽകി.

എന്നാൽ ചാറ്റ് അവസാനിപ്പിച്ച് ഫോൺ മാറ്റിവെക്കാൻ തുടങ്ങിയപ്പോൾ, ജസ്‌നയുടെ ഉള്ളിലേക്ക് കഠിനമായൊരു കുറ്റബോധം അരിച്ചുകയറാൻ തുടങ്ങി.

താനൊരു മുസ്ലിം കുടുംബത്തിലെ പുതുപ്പെണ്ണാണ്; നിക്കാഹ് കഴിഞ്ഞ് ഒരാഴ്ച മാത്രം തികഞ്ഞവൾ! തമ്മിൽ പ്രണയമോ മോശമായ സംസാരങ്ങളോ ഒന്നുമില്ലെങ്കിൽ പോലും, സ്വന്തം ഭർത്താവ് വീട്ടിലില്ലാത്ത നേരത്ത് കിടക്കയിലിരുന്ന് ഒരു അന്യപുരുഷന്റെ മെസ്സേജിന് വേണ്ടി ഇങ്ങനെ കണ്ണുനട്ട് കാത്തിരിക്കുന്നതും, അയാളോട് സംസാരിക്കുമ്പോൾ മാത്രം മനസ്സിന് സമാധാനം ലഭിക്കുന്നതും തെറ്റല്ലേ?

ഭർത്താവിനോട് തോന്നാത്ത ഒരു ആത്മബന്ധം മറ്റൊരു പുരുഷനോട് തോന്നുന്നത് വലിയ പാപമല്ലേ? ആ നിഷിദ്ധമായ രഹസ്യത്തിന്റെ ഭാരം അവളുടെ നെഞ്ചിടിപ്പിനെ വല്ലാതെ വേഗത്തിലാക്കി.

സമയം പതിനൊന്നര കഴിഞ്ഞപ്പോഴാണ്