Chapter Title : പാപശൽഭം 19 [Shanushinu] [ജസ്നയെ ബാംഗ്ലൂർ മാടി വിളിക്കുമ്പോൾ]

"പക്ഷേ രോഹിത് ഏട്ടാ... മറ്റന്നാൾ തന്നെ പോകണമെന്ന് പറഞ്ഞാൽ അവൾ എങ്ങനെയാ ബാംഗ്ലൂരിലേക്ക് പോവുക? എനിക്ക് ഇപ്പോൾ ഇവിടുത്തെ പ്രൊജക്റ്റ് ഇട്ടിട്ട് പെട്ടെന്ന് നാട്ടിലേക്ക് പോവാനും കഴിയില്ലല്ലോ..." ഷാഹിദ് ചെറിയൊരു ആശങ്കയോടെ പറഞ്ഞു.

"നീ നാട്ടിലേക്ക് പോകേണ്ട കാര്യമെന്താടാ?" രോഹിത് ചെറുതായൊന്ന് ചിരിച്ചുകൊണ്ട് കസേരയിൽ നിന്ന് എഴുന്നേറ്റു. "ബാംഗ്ലൂരിൽ നമ്മുടെ ആർ.കെ ഗ്രൂപ്പിന്റെ സൗത്ത് ഇന്ത്യൻ റീജിയണൽ ഓഫീസ് ഉള്ള കാര്യം നീ മറന്നുപോയോ? കരിപ്പൂരിൽ നിന്ന് ബാംഗ്ലൂരിലേക്ക് വിമാനത്തിൽ വെറും അമ്പത് മിനിറ്റ് യാത്രയേയുള്ളൂ! ഞാൻ എന്റെ പ്രൊട്ടോക്കോൾ ടീമിനോട് പറഞ്ഞ് അവൾക്കുള്ള ഫ്ലൈറ്റ് ടിക്കറ്റും, ബാംഗ്ലൂരിലെ ഫൈവ്-സ്റ്റാർ ഹോട്ടലിലെ നമ്മുടെ കമ്പനി ഗസ്റ്റ് സ്യൂട്ടും ഇതിനോടകം ബുക്ക് ചെയ്യിച്ചു കഴിഞ്ഞു! എയർപോർട്ടിൽ നിന്ന് അവളെ കൂട്ടിക്കൊണ്ടുപോകാനും, ഈ അഞ്ചു ദിവസവും കൂടെനിന്ന് മെഡിക്കൽ ചെയ്യിക്കാനും നമ്മുടെ ബാംഗ്ലൂർ ഓഫീസിലെ ഫീമെയിൽ എച്ച്.ആർ ഹെഡ് ആയ റാഹില മാഡത്തിനെ തന്നെ ഞാൻ ചുമതലപ്പെടുത്തിയിട്ടുണ്ട്. ജസ്‌നയ്ക്ക് ഒരു വിരൽ പോലും അനക്കേണ്ടി വരില്ല! നീ ഇപ്പോൾത്തന്നെ അവളെ വിളിച്ച് കാര്യം പറഞ്ഞ് ഫ്ലൈറ്റ് കയറാൻ പറ!"

തന്റെ ഭാര്യയ്ക്ക് വേണ്ടി സ്വന്തം സഹോദരനെപ്പോലെ ഇത്രയും വലിയ സൗകര്യങ്ങൾ ഒരുക്കിവെച്ചിരിക്കുന്ന രോഹിത് കുമാറിനെ നോക്കി ഷാഹിദ് കൈകൂപ്പിപ്പോയി.

"എന്താ പറയേണ്ടതെന്ന് എനിക്കറിയില്ല രോഹിത് ഏട്ടാ... ഏട്ടൻ ഞങ്ങൾക്ക് വേണ്ടി ചെയ്യുന്ന ഈ സഹായത്തിന് പടച്ചോൻ പതിന്മടങ്ങ് തരും! ഞാൻ ദാ ഇപ്പോൾത്തന്നെ എന്റെ ക്യാബിനിൽ പോയി പൊന്നുവിനെ വിളിച്ചു പറയട്ടെ!"

ഷാഹിദ് തുള്ളിച്ചാടിക്കൊണ്ട് വാതിൽ തുറന്ന് പുറത്തേക്ക് ഓടിയപ്പോൾ, ഗ്ലാസ്സ് ജനലിനരികിലേക്ക് നടന്നുചെന്ന രോഹിത് കുമാറിന്റെ ചുണ്ടുകളിൽ അങ്ങേയറ്റം