Chapter Title : പാറുവിന്റെ വെളിപാട് [Socrates]

തോന്നിയിരുന്നില്ല.അങ്ങനുള്ള സംഭാഷണങ്ങളിൽ പാറു ചെവിപൊത്തിയിരുന്നു. എന്തോ !!!..കൂട്ടുകാരോട്  ഇതിനെ പറ്റി ഒക്കെ സംസാരിക്കാൻ തനിക്കു മടിയാണ്.  ഇങ്ങനെ ഇങ്ങനെ...  ചിന്തകൾ കുമിഞ്ഞുകൂടിയ ഭാരത്താൽ പാറുവിന്റെ കണ്ണുകൾ എപ്പോഴോ അടഞ്ഞുപോയി

പിറ്റേന്ന് ക്ലാസ്സുളതിനാൽ പാറുവിന് ഷീനയാന്റിയുടെ വീട്ടിൽ പോകാൻ പറ്റില്ലായിരുന്നു. എങ്കിലും 3:30ക്ക് ക്ലാസ്സ്‌ പൂർത്തിയാക്കി,  വീട്ടിൽ ടിവി കണ്ടുകൊണ്ടിരുന്ന അമ്മുമ്മയോട് 'ഞാൻ ഷീനയാന്റിയുടെ വീട്ടിൽ വരെ പോയിട്ട് ഇപ്പോൾ വരാമേ.. 'എന്ന് പറഞ്ഞ് പാറു അവിടേക്ക് പോയി. എന്തിനെന്ന് അമ്മുമ്മ ചോദിച്ചില്ല. എന്തിനെന്ന് പാറുവിനും അറിയില്ല.

ചെന്നപ്പോൾ പിള്ളേര് രണ്ടും ഹോർലിക്‌സ് കുടിച്ച് ടിവി കണ്ടുകൊണ്ടിരിക്കുവായിരുന്നു. ആന്റി അടുക്കളയിൽ ഉണ്ടെന്ന് മനസ്സിലാക്കി പാറു അവിടേക്ക് പോയി. പതിവിന് വിപരീതമായി അന്ന് പാറുവിനെ കണ്ടതുകൊണ്ടായിരിക്കണം ഷീനയുടെ മുഖത്ത് ആശ്ചര്യം പൊടിഞ്ഞു.
"ഇന്ന് ക്ലാസ്സ്‌ ഇല്ലായിരുന്നോ കൊച്ചേ.. "ചായ തിളപ്പിക്കുന്നതിനിടയിൽ ഷീന ചോദിച്ചു. "

" ഉണ്ടായിരുന്നു ആന്റി.. ഇപ്പോൾ കഴിഞ്ഞതേ ഉള്ളു"
"ആഹാ.. അതുശെരി.. "
"അമ്മുമ്മ ഇരുന്നു ടിവി കാണുവാ.. ഇരുന്ന് ബോറടിച്ചപ്പോൾ ഇങ്ങോട്ട് പോന്നു"
ഇരുവരും പരസ്പരം നോക്കി ചിരിച്ചു.
"നിനക്ക് ചായ വേണോ.. ഞാൻ അല്പം ഏറെ കാച്ചി"
ഷീന ചോദിച്ചു.
"വേണ്ട ആന്റി... "
"കുറച്ചു കുടിക്കടി.. "
"മ്മ്മ്... അല്പം മതിയേ.. "
"നീ ഇതൊന്ന് ഇളക്കി കൊണ്ടിരുന്നേ.. ഞാൻ അവന്മാര് പാല് കുടിച്ചോ എന്ന് നോക്കട്ടെ.. " സ്പൂൺ പാറുവിനെ ഏല്പിച്ചതിന് ശേഷം  പാറുവിനെ അരക്കെട്ടിൽ പിടിച്ച് മാറ്റിനിർത്തിയിട്ട് ഷീന ഗസ്റ്റ് റൂമിലേക്ക്‌ പോയി.
"എടാ.. അതിന്റെ ചൂട് പോകുന്നതിന് മുമ്പേ അതെടുത്ത് കുടിച്ചേ.. "എന്ന് ഉറക്കെ പറഞ്ഞ് ഗസ്റ്റ് റൂമിൽ ടിവി കണ്ടുകൊണ്ടിരുന്ന പിള്ളേരുടെ അടുത്തേക്ക് ഷീന പോയി. എന്തിനോ വേണ്ടി വെമ്പൽ കൊള്ളുന്ന മനസുമായി തിളച്ചപാൽ പാറു  ഇളക്കി കൊണ്ടിരുന്നു.
"തേയില ഇട്ടോടി.. "അടുക്കളയിലേക്ക് തിരികെ വന്ന ഷീനയുടെ ചോദ്യം കേട്ടാണ് പാറു ഏതോ സ്വപ്നത്തിൽ നിനുണർന്നത്.
"ഇല്ല ചേച്ചി.. ഇടട്ടെ.. "
"വേണ്ട മോളെ ഞാൻ ഇടാം.. "എന്ന് പറഞ്ഞ് ഷീന വന്നപ്പോൾ പാറു അടുപ്പിന്റെ മുമ്പിൽ നിന്ന് നീങ്ങി നിന്നു.
"നിനക്ക് നാളെ ക്ലാസ്സ്‌ ഉണ്ടോ..?