Chapter Title : പാത്തൂന്റെ പുന്നാര കാക്കു 3 [അഫ്സൽ അലി]

വേണ്ടി ഓടി നടക്കുന്ന അഫ്സലിനെ സിനി ആരാധനയോടെ നോക്കി കണ്ടു. അവളുടെ ഏറ്റവും അടുത്ത കൂട്ടുകാരൻ അവൾക്ക് മറ്റെന്തൊക്കയോ ആയി മാറുന്നത് അവൾ അനുഭവിച്ചറിയുകയായിരുന്നു.

സിനിയെയും മക്കളെയും റൂമിൽ ആക്കിയിട്ടേ അഫ്സൽ ഒന്ന് വിശ്രമിച്ചുള്ളൂ. ഇടക്ക് പേടിച്ചിരിക്കുന്ന സിനിയുടെ അടുത്ത് കരഞ്ഞുകൊണ്ട് നിൽക്കുന്ന നന്ദൂട്ടിയെ എടുത്തുകൊണ്ടു അവൻ ഹോസ്പിറ്റലിൽ ഓടി നടന്നു.

റൂമിൽ നിന്നിറങ്ങി അഫ്സൽ ഷഫീദയെ വിളിച്ചു കാര്യങ്ങൾ പറഞ്ഞു.

"കാക്കു ഇന്ന് അവിടെ ഹോസ്പിറ്റലിൽ നിന്നിട്ട് നാളെ വന്നാ മതി. അവിടെ ചേച്ചിയും പിള്ളേരും തനിച്ചല്ലേ."

"നീയും അവിടെ തനിച്ചല്ലേ പാത്തൂ"

"സാരമില്ല. എന്റെ കൂടെ ചേച്ചിയുണ്ടല്ലോ. അവിടെ ചേച്ചി ഒറ്റക്ക് ഇരുന്നാ ടെൻഷൻ അടിച്ചു വല്ലതും പറ്റും. കാക്കു അവിടെ നിക്ക്"

"ആഹ്മ് ശെരി... എന്നാ പാത്തു ഒറങ്ങിക്കോ. ഉറക്കം കളയണ്ട."

അഫ്സൽ റൂമിലേക്ക് കേറുമ്പോ സിനി ശ്രീകുട്ടിയുടെ അടുത്തു തന്നെ ഇരിപ്പുണ്ട്. നന്ദൂട്ടി സിനിയുടെ മടിയിൽ അവളെ പറ്റിച്ചേർന്നു കിടക്കുന്നു.

"നീ നന്ദൂട്ടിയെയും കൊണ്ട് പോയി കിടക്ക്. അവൾ ആകെ പേടിച്ചിരിക്കാ."

അടുത്തുള്ള ബെഡ് ചൂണ്ടി അഫ്സൽ സിനിയോട് പറഞ്ഞു. അപ്പോഴാണ് സിനി നന്ദൂട്ടിയെ ശെരിക്ക് ശ്രദ്ധിക്കുന്നത്. അവളെ എടുത്തു കൊണ്ട് സിനി അടുത്തുള്ള ബെഡിലേക്ക് കേറി.

അഫ്സൽ ശ്രീക്കുട്ടിയുടെ ബെഡിനടുത്തുള്ള സ്റ്റൂളിലേക്ക് ഇരുന്നുകൊണ്ട് അവളുടെ കയ്യിൽ തലോടികൊണ്ടിരുന്നു.

സിനി ബെഡിൽ നന്ദൂട്ടിയെ ചേർത്ത് പിടിച്ചു അഫ്സലിന് നേരെ ചെരിഞ്ഞു അവനെയും നോക്കി കിടന്നു. അവളുടെ ഹൃദയം ഇപ്പോൾ മുതൽ അവനു വേണ്ടി മാത്രം തുടിക്കുന്ന പോലെ തോന്നി അവൾക്ക്. അവനു തന്നോടുള്ള ഇഷ്ടം ഇന്നലെ വരെ വേണ്ടന്ന് വച്ചിരുന്നെങ്കിൽ ഇപ്പോൾ