Chapter Title : പാത്തൂന്റെ പുന്നാര കാക്കു 4 [അഫ്സൽ അലി]

ഡയറിമിൽക്ക് എടുത്തു ശ്രീകുട്ടിക്ക് കൊടുക്കുന്നത് കണ്ട നന്ദൂട്ടിയുടെ മുഖം വാടി. അത് കണ്ട് അഫ്സൽ ചിരിച്ചുകൊണ്ട് അവന്റെ പോക്കറ്റിൽ നിന്ന് ഒരെണ്ണം കൂടെ എടുത്തു നന്ദൂട്ടിയുടെ മുന്നിൽ പിടിച്ചു...

കണ്ണുനീർ തുടച്ചുകൊണ്ട് ആ കുഞ്ഞു പെണ്ണ് സന്തോഷം നിറഞ്ഞ ചിരിയോടെ അവന്റെ കയ്യിൽ നിന്നത് പിടിച്ചുവാങ്ങി അവന്റെ കവിളിൽ ഉമ്മ വച്ചു. അത് കണ്ടതും ശ്രീകുട്ടിയും എണീറ്റു അഫ്സലിന്റെ കവിളിൽ ഉമ്മ വച്ചു.

മക്കളുടെയും അഫ്സലിന്റെയും കളിചിരികൾ സന്തോഷത്തോടെ കണ്ടു നിന്ന സിനി അവൻ കൊണ്ടുവന്ന ഭക്ഷണം പ്ലേറ്റുകളിൽ നിരത്തി.

"മതി കളിച്ചത്... രണ്ട് പേരും കഴിച്ചേ... ചോക്ലേറ്റ് തീറ്റയൊക്കെ കഴിച്ചിട്ട് മതി..."

"മാമൻ അമ്മക്ക് ചോക്ലേറ്റ് കൊണ്ട് വന്നില്ലേ"

ശ്രീകുട്ടിയാണ് ചോദിച്ചത്... അഫ്സൽ നന്ദൂട്ടിയെ മടിയിൽ നിന്നിറക്കി ചിരിയോടെ ശ്രീകുട്ടിയെ നോക്കി പോക്കറ്റിൽ നിന്ന് മറ്റൊരു ഡയറിമിൽക്ക് പാക്കറ്റ് എടുത്തു.

സിനി മക്കളുടെ മുന്നിൽ നാണത്തോടെ നിൽകുമ്പോൾ അഫ്സൽ ഡയറിമിൽക്ക് അവൾക്ക് നേരെ നീട്ടി. മടിച്ചു മടിച്ചവൾ അവന്റെ കയ്യിൽനിന്നത് വാങ്ങിച്ചു.

"മാമാ... അമ്മ നേരത്തെ എന്നോട് പറഞ്ഞത് എന്താന്ന് അറിയോ? അമ്മക്ക് അച്ഛനെക്കാളും ഇഷ്ടം മാമനോടാ എന്ന്"

"ആണോ ശ്രീകുട്ടീ... എന്നാ മാമൻ അമ്മയെ അങ്ങ് കല്യാണം കഴിച്ചാലോ...?"

"കഴിച്ചോ... എനിക്ക് സമ്മതമാ..."

"നന്ദൂട്ടിക്കോ?"

"എനിക്കും സമ്മതാ മാമാ... എന്നും ചോക്ലേറ്റ് കിട്ടുമല്ലോ എനിക്ക്..."

"മിണ്ടാതെ കഴിക്ക് പിള്ളേരെ..."

മക്കളുടെ സംസാരം കേട്ട് ചൂളിപ്പോയ സിനി അവരോട് കെറുവിച്ചു... അഫ്സലിന്റെ കൈത്തണ്ടയിൽ ഒരു നുള്ള് കൊടുത്തു.

വീണ്ടും അവരോട് കുറച്ചു നേരം ചിലവഴിച്ചാണ് അഫ്സൽ കടയിലേക്ക് പോയത്.

നിമ്മി, സുരേഷിന്റെ അനിയന്റെ ഭാര്യ ഭർത്താവുമായി ഫോണിൽ സംസാരിച്ച് കിടക്കുകയാണ്... എറണാകുളത്തു വച്ച് അവളുടെ ഫ്രണ്ടിന്റെ അനിയത്തിയുടെ കല്യാണമുണ്ട്. അതിനു പോകണം എന്ന വാശിയിൽ ആണ് നിമ്മി

"ഒറ്റക്ക് അത്രയും ദൂരമൊന്നും പോവണ്ട നീ..."

"എനിക്ക് പോയെ പറ്റൂ... നിങ്ങളെ കെട്ടിയെന്നും വച്ച് വീട്ടിൽ അടയിരിക്കാനൊന്നും എന്നേ കിട്ടില്ല..."

"നിമ്മീ... നീ പറയുന്നത് അങ്ങോട്ട് കേട്ടാൽ മതി"

"ഒറ്റക്ക് പോയാൽ അല്ലെ പ്രശ്നമുള്ളൂ... ഞാൻ ആരെയെങ്കിലും കൂടെ കൊണ്ട് പൊയ്ക്കോളാം..."

"ആരെ കൊണ്ട് പോകാമെന്നാ നീ പറയുന്നേ?"