Chapter Title : പാവാടത്തുമ്പികൾ [ക്യാ മറാ മാൻ]

നോക്കിനിൽപ്പാണ്, പെണ്ണിൻറെ കോലവും അഭ്യാസവും ഒക്കെ കണ്ടുകണ്ട്. അല്പസമയശേഷം...എന്നിൽ നിന്നും പെട്ടെന്ന് അകന്നുമാറി, '' യൂ നോട്ടി'' എന്നുപറഞ്ഞു പെണ്ണ് പിന്നോട്ട് അകലുമ്പോൾ...ചേച്ചി....

'' എന്തുവാടീ പെണ്ണേ നിൻറെ കോലവും ഈ കാണിച്ചുകൂട്ടലും ഒക്കെ '' എന്ന് ചോദിച്ചു പുഞ്ചിരിയോടെ അവളെ പതിയെ വരവേറ്റു.

ചേച്ചിയെ കെട്ടിപ്പിടിച്ചുമ്മവച്ചു മറിയുന്നതിനിടയിൽ...അവർ പരസ്‌പരം പങ്കുവച്ച സ്നേഹസന്തോഷങ്ങളും...ക്ഷേമാന്വേഷണങ്ങളും ഒന്നും പെട്ടെന്നുണ്ടായ വലിയ പരിഭ്രമങ്ങൾക്കിടയിൽ എനിക്ക് ശ്രദ്ധിക്കാനായില്ല. അതുകഴിഞ്ഞു, ചേച്ചിയോടും സ്നേഹാന്വേഷണങ്ങളും ആലിംഗനങ്ങളുമൊക്കെ പൂർത്തിയാക്കി, എന്നോട് ''റ്റാറ്റാ ''യും പറഞ്ഞവൾ അകത്തേക്ക് പ്രവേശിച്ചു. ഞാൻ ആ നിലയിൽ ഷോക്കേറ്റപോലെ കുറച്ചുനേരം നിന്നശേഷം എൻറെ മുറിയിലേക്കും പോയി.

അന്ന് രാത്രി പതിവിലും നേരത്തെതന്നെ ഞങ്ങളെല്ലാവരും കൂടിയിരുന്നു ഡിന്നർ കഴിച്ചു. നിറം മാറിയിരുന്നെങ്കിലും...ദിവ്യയുടെ വേഷം...പഴയതുതന്നെ ആയിരുന്നു. പതിവ് മിഡിയും ടീഷർട്ടും. അതിൽ അവൾ കുറച്ചുകൂടി സെക്‌സി ആയിരുന്നോ ?...എന്നുമാത്രമേ സംശയം ഉണ്ടായിരുന്നുള്ളു. അവിടം മുതലേ ചേച്ചി ദിവ്യക്ക് ആ ദിവസം നടന്നതുവരെയുള്ള എല്ലാ കാര്യങ്ങളെയും കുറിച്ച് വളരെ വിശദമായിത്തന്നെ 'ക്ലാസ്സുകൾ;; കൊടുത്തു എല്ലാ വിവരങ്ങളും വ്യക്തമായി അറിയിക്കാൻ തുടങ്ങിയിരുന്നു. ഭക്ഷണം കഴിഞ്ഞു ഞങ്ങളെല്ലാവരുംകൂടി, ടി.വി ക്ക് മുൻപിൽ ഹാളിൽ വന്നു ചമഞ്ഞുകൂടിയിരുന്നു....ഓരോന്നായി വിഷയങ്ങൾ ചർച്ചചെയ്യാൻ തുടങ്ങി. ദീപ്‌തി ഒന്നിലും ഇടപെടാതെ...ഒന്നും ഉരിയാടാതെ, എല്ലാം മൗനമായി കേട്ടിരിക്ക മാത്രം ചെയ്‌തു. എല്ലാം കേട്ടുകഴിഞ്ഞപ്പോൾ...ദിവ്യ എന്നെനോക്കി പുഞ്ചിരിപൊഴിച്ചു, പതിയെ ചോദിച്ചു....

'' അപ്പോൾ മാമാ നാളെ എന്താ പരിപാടി ?. നമ്മൾ രണ്ടും കൂടി രാവിലെതന്നെ വക്കീലാഫീസിൽ പോകുകയല്ലേ ?. എനിക്കൊരു വിരോധവും ഇല്ല കേട്ടോ ?...അപ്പൂപ്പൻ പറഞ്ഞപോലെ, വേണേൽ ഞാനും കൂടെവരാം.''

ഞാൻ; '' അവിടെ ഓഫിസിൽ പോകുന്നതിനുമുമ്പ് വക്കീലിനെവിളിച്ചു എല്ലാം വിശദീകരിച്ചു ചോദിക്കണം. പോകുമ്പോൾ എന്തൊക്കെ '' ഡോക്കുമെൻസ്'' കൊണ്ടുപോകണം ?..തുടങ്ങിയ കാര്യങ്ങളെല്ലാം അറിയണം. എന്നിട്ട്മാത്രം പോയെങ്കിലേ കാര്യമുള്ളൂ. അങ്ങനാണേൽ, എപ്പോഴുമുള്ള പോക്കും വരവും നമുക്ക് ഒഴിവാക്കുകയും ചെയ്യാം. നീ ഇവിടെ കുറച്ചുദിവസം എന്തായാലും ഉണ്ടാവുമല്ലോ ?.അപ്പോൾ അവിടെ നമുക്ക് പിന്നീട് പോകാം. തൽക്കാലം എനിക്കും ദീപ്‌തിക്കും അച്ഛൻ പറഞ്ഞ ഗൈനക്കോളജിസ്റ്റിൻറെ അടുത്തൊന്ന് പോകണം, അതുകഴിഞ്ഞാവാം നമുക്ക് മറ്റെല്ലാം..''. കലേച്ചി അതുകേട്ടുടൻ പെട്ടെന്ന് ഇടക്ക് ചാടിവീണ് പുഞ്ചിരിയോടെ.....''