Chapter Title : പക 6 [SAiNU]

അജയൻ ആരോടോ ഫോണിൽ പറയുന്നത് കേട്ട് കൊണ്ടാണ് രേഖ അകത്തേക്ക് കയറിയത്.

എല്ലാം ശരിയാക്കിയിട്ടുണ്ട് എന്ന് ചെറിയ ശബ്ദത്തിൽ പറഞ്ഞോണ്ട് രേഖ ഫയൽ ടേബിളിലേക്ക് വെച്ച് തിരിയാൻ തുടങ്ങിയതും . ഹാ രേഖ എന്ന് ഫോൺ കാതിൽ നിന്നും എടുത്തു മാറ്റികൊണ്ട് അജയൻ അവളെ വിളിച്ചു.

അജയന്റെ വിളി കേട്ടതും രേഖ പേടിയോടെ തിരിഞ്ഞു നോക്കി.

രേഖ എല്ലാം ക്ലിയർ ചെയ്തോ.

ഹ്മ്മ് . പേടിയോടെ അവൾ ഒന്ന് മൂളി.

എന്താ രേഖ പേടിച്ചു പോയോ.

ഇല്ല ഇല്ലാ സാർ എന്ന് വെപ്രാളവും ഭയവും കലർന്ന സ്വരത്തിൽ പറഞ്ഞോണ്ട് രേഖ അജയന്റെ മുൻപിൽ നിന്നു.

എടൊ താൻ എന്തിനാ ഇങ്ങിനെ പേടിക്കുന്നെ..

അത് സാർ.

അവളുടെ പതുങ്ങിയുള്ള സ്വരം കേട്ടതും അജയൻ ചുണ്ടിൽ പുഞ്ചിരി വരുത്തി കൊണ്ട് എടൊ ആദ്യം ത്താൻ ഒന്ന് റിലാക്സ് ആകു. എന്നിട്ട് പറ എല്ലാം ക്ലിയർ അല്ലേ.

അജയന്റെ ചുണ്ടിലെ ചിരി കണ്ടതും രേഖയുടെ ടെൻഷൻ ഒന്ന് കുറഞ്ഞപോലെ തോന്നി അവൾക്ക്.

അതെ സാർ എല്ലാം ക്ലിയർ ആണ് സാർ ഒന്നുടെ ചെക് ചെയ്തിട്ടു.

എടൊ വീണ്ടും താനിനി അജയേട്ടാ എന്ന് മൂന്നുപ്രാവിശ്യം വിളിച്ചേച്ചും പോയാൽ മതി

അയ്യോ സാർ അതെല്ലാം.

എന്തെ വല്ല ബുദ്ധിമുട്ടും ഉണ്ടോ അങ്ങിനെ വിളിക്കാൻ.

അതല്ല സാറിനെ പോയി.

ത്താൻ ശ്രീധരേട്ടനെ എന്താ വിളിക്കുന്നെ സാർ എന്നാണോ ശ്രീധരേട്ട എന്നല്ലേ അതുപോലെ അങ്ങ് കരുതിക്കോ.

എന്നാലും സാർ ശ്രീധരേട്ടൻ എനിക്ക് ഏട്ടനെ പോലെയാണ് സാർ അങ്ങിനെ.

അതെന്താ എന്നെ ഏട്ടനെപോലെ കാണാൻ കഴിയില്ലേ.

അതുകൊണ്ടല്ല.

പിന്നെ.