Chapter Title : പതറുന്ന പവിത്രത 2 [Caraxes]

ഫാന്റസിയായി നിർത്താൻ കഴിയുമോ അതോ ഒരു റിയാലിറ്റിയാക്കി മാറ്റാൻ പറ്റുമോ എന്ന് അവൻ ആ ഗ്രൂപ്പിൽ ചോദിച്ചപ്പോളാണ് അവന്റെ അടുത്ത് അവർ “Candaulism” എന്നായൊരു പ്രക്രിയയെ പറ്റി പറഞ്ഞു കൊടുത്തത്.

സ്വന്തം പങ്കാളിയുടെ പൂർണ്ണ നഗ്നതയോ അല്ലെങ്കിൽ അവളുടെ ശാരീരിക സൗന്ദര്യമോ മറ്റുള്ളവർ കണ്ട് ആസ്വദിക്കുന്നത് വഴി ഭർത്താവിന് ലഭിക്കുന്ന ഒരു വന്യമായ ലൈംഗിക ഉണർവാണത്. തന്റെ ശീഘ്രസ്ഖലനം കാരണം കിടപ്പറയിൽ തളർന്നുപോകുന്ന പുരുഷത്വത്തിന്, ഒരു പുതിയ ഉത്തേജനം നൽകാൻ ഈ ഫാന്റസിക്ക് കഴിയുമെന്നാണ് ആ ഗ്രൂപ്പിൽ ഉള്ളവർ അവനോട് പറഞ്ഞത്.

പക്ഷേ, വെറുമൊരു സ്ക്രീനിൽ കണ്ട് തീർക്കുന്ന ഫാന്റസിക്കപ്പുറം, യഥാർത്ഥ ജീവിതത്തിൽ ഇത് പ്രായോഗികമാക്കാൻ തന്റെ മനസ്സ് അനുവദിക്കുമോ? തന്റെ ഭാര്യയെ മറ്റൊരു പുരുഷന്റെ നോട്ടത്തിന് വിട്ടുകൊടുക്കാൻ തനിക്ക് ധൈര്യമുണ്ടോ? അതോ ഉള്ളിൽ കടുത്ത അസൂയയും കുറ്റബോധവും വന്ന് താൻ തകർന്നുപോകുമോ?

ഈ ചോദ്യങ്ങൾക്കുള്ള ഉത്തരം കണ്ടെത്താനുള്ള ഒരു പരീക്ഷണശാലയാണ് സജീവന് ഇന്നത്തെ ഈ യാത്ര. ഇതിനെ ആ ടെലിഗ്രാം ഗ്രൂപ്പിലെ മുതിർന്ന അംഗങ്ങൾ തുടക്കത്തിലെ ഒരു പരീക്ഷണം എന്നായിരുന്നു വിളിച്ചിരുന്നത്. ഭാര്യയുടെ സമ്മതമില്ലാതെ, അവളെ പൂർണ്ണമായും ഇരുട്ടിൽ നിർത്തിക്കൊണ്ട്, അവളുടെ സൗന്ദര്യം ബോധപൂർവ്വം മറ്റുള്ളവരുടെ മുന്നിൽ പ്രദർശിപ്പിച്ചുനോക്കുക. അതിലൂടെ സ്വന്തം മനസ്സിന്റെ പ്രതികരണം അളക്കുക അതായിരുന്നു സജീവന്റെ ഇന്നത്തെ ലക്ഷ്യം.

“ഏട്ടാ... നമ്മൾ ശരിക്കും എങ്ങോട്ടാ ഈ പോകുന്നേ? അരുകിലിരുന്ന അരുണിമയുടെ മൃദുവായ ശബ്ദം കേട്ടാണ് അവൻ ചിന്തകളിൽ നിന്നും ഉണർന്നത്.

“ഞാൻ ആദ്യം ബീച്ചിൽ പോകാം എന്നായിരുന്നു ഉദ്ദേശിച്ചത്.. പിന്നെ കരുതി, ഈ കാലത്തു നേരത്ത് അവിടെ പോയിട്ട് വലിയ കാര്യമൊന്നുമില്ലലോ എന്ന്..