Chapter Title : പേയിങ് ഗസ്റ്റ് [Kitozaaki]

ഇവിടെ വന്നപ്പോൾ എനിക്ക് കിട്ടിയ ഈ ആശ്വാസം... അത് സത്യമായിരുന്നു. നമ്മൾ നല്ല സുഹൃത്തുക്കളായി തുടരുന്നതല്ലേ സാം ഇതിലും നല്ലത്?"

അവളുടെ ആ ചോദ്യത്തിന് മുന്നിൽ ഞാൻ പതുക്കെ തലയാട്ടി. ഉള്ളിലെ പുരുഷൻ ഇപ്പോഴും അവളെ ആഗ്രഹിക്കുന്നുണ്ടായിരുന്നെങ്കിലും, ഒരു സുഹൃത്തെന്ന നിലയിൽ അവളുടെ സമാധാനമാണ് എനിക്ക് വലുതെന്ന് ഞാൻ തിരിച്ചറിഞ്ഞു.

ഞങ്ങൾക്കിടയിലെ അന്തരീക്ഷം പതുക്കെ ശാന്തമായി മാറി. പക്ഷേ, ആ ഉപ്പുകാറ്റും കടലിന്റെ ഇരമ്പലും ഉള്ളിടത്തോളം കാലം, ഞങ്ങൾക്കിടയിൽ പടർന്ന ആ പ്രണയത്തിന്റെ ചൂട് അത്ര പെട്ടെന്ന് മാഞ്ഞുപോകില്ലെന്ന് രണ്ടുപേർക്കും അറിയാമായിരുന്നു.

അടുത്ത കുറച്ചു ദിവസങ്ങൾ കടന്നുപോയി. ചെന്നൈയിൽ നിന്നും മാറിയുള്ള ആ പുതിയ അക്കൗണ്ടന്റ് ട്രെയിനിയുടെ ജോലി പാറുവിനെ സംബന്ധിച്ച് അത്ര എളുപ്പമായിരുന്നില്ല. നിരന്തരമായി ഒരേയിരുപ്പിലിരുന്ന് കമ്പ്യൂട്ടറിലേക്ക് നോക്കിയുള്ള ജോലി അവളുടെ നടുവിനും പുറകിനും കടുത്ത വേദന നൽകാൻ തുടങ്ങിയിരുന്നു.

ഒരു ദിവസം വൈകുന്നേരം പതിവുപോലെ അവൾ വേദനകൊണ്ട് നടു തിരുമ്മിക്കൊണ്ട് ലിവിംഗ് റൂമിലേക്ക് വരുമ്പോൾ ഞാൻ അവിടെയുണ്ടായിരുന്നു.

"എന്താ പാറു, വല്ലാതെ വിഷമിക്കുന്നതുപോലെ?" ഞാൻ ചോദിച്ചു.

"കടുത്ത നടുവേദന സാം. കുറെ നേരമായി ഒരേയിരുപ്പാണ്. പോണ്ടിച്ചേരിയിൽ വിശ്വസിക്കാൻ പറ്റിയ നല്ലൊരു പേഴ്സണൽ മസാജറെ (Personal Massager) കിട്ടാൻ വല്ല വഴിയുമുണ്ടോ?" അവൾ ആകുലതയോടെ ചോദിച്ചു.

അതു കേട്ടപ്പോൾ ഞാൻ പതുക്കെ ചിരിച്ചു. "അതിന് പുറത്തുനിന്നൊരാളെ തപ്പേണ്ട കാര്യമില്ലല്ലോ പാറു. എന്റെ കുടുംബം പാരമ്പര്യമായി വലിയ ആയുർവേദ വൈദ്യന്മാരുടേതാണ്. വർഷങ്ങൾക്ക് മുൻപ്, ഇതേ ആയുർവേദത്തിന്റെ ആഴങ്ങൾ പഠിക്കാനാണ് ഞാൻ പോണ്ടിച്ചേരിയിൽ വരുന്നത്. അക്കാലത്ത് ഒരു ആഡംബര ആയുർവേദിക് സ്പായും വെൽനസ് റിസോർട്ടും തുടങ്ങുക എന്ന വലിയ