Chapter Title : പെണ്ണുങ്ങടെ കക്ഷത്തിൽ മുടി കാണുമോ? [സലിം ഖാൻ]

പ്രായത്തിൽ ഞാൻ അത്ഭുതപെട്ടിട്ടുണ്ട്, "പെണ്ണുങ്ങൾക്ക് കക്ഷത്തിൽ മുടി കാണുമോ? " ഉമ്മ കക്ഷം വടിക്കുന്നത് ശ്രദ്ധയോടെ നോക്കുന്ന എന്നോട് കുസൃതി കലർത്തി ഉമ്മ പറയും, "മോനേ.. മോന് അവിടെ മുടി വരുമ്പോ ഉമ്മ വടിച്ചു തരാട്ടോ? " എന്നിട്ട് ഉമ്മയുടെ ഒരു കള്ളച്ചിരിയും..... ഞാൻ വെറുതെ കക്ഷം പൊക്കി നോക്കി....

"ഇല്ല അല്ലേ? പോട്ട്... ആറേഴ് കൊല്ലം കഴിഞ്ഞോട്ടെ.... അവിടെം മുഖത്തും.... പിന്നെ....... ഒക്കെ......വരും... അത് വരെ ഒന്ന് തഞ്ചപ്പെട്.... " ഉമ്മ കളിയാക്കും... അതിന് ശേഷം ഉമ്മയെ എന്റെ മടിയിൽ കിടത്തി ഞാനാണ് ഉമ്മയുടെ പുരികത്തിലെ അധിക രോമം, അധികമൊന്നും കാണില്ല, ഞാനാണ് എടുക്കുന്നത്...... ഇന്നും... "ഉമ്മയ്‌ക്കെന്താ ജോലി? " പലരും ചോദിച്ചിട്ടുണ്ട്, പലവട്ടം... പക്ഷെ, എനിക്ക് അറിയില്ലായിരുന്നു... പക്ഷെ, ഒന്ന് മാത്രം എനിക്കറിയാമായിരുന്നു, "എന്തോ... നല്ല ജോലിയാ..... കാരണം.... ജോലി കഴിഞ്ഞു വരുമ്പോൾ എനിക്ക് ഒത്തിരി പീടിക പലഹാരങ്ങൾ കൊണ്ട് വരും, ഒപ്പം കളിപ്പാട്ടങ്ങളും. " എന്നും ജോലി കാണില്ല.... ചിലപ്പോൾ ദിവസവും കണ്ടെന്നും ഇരിക്കും... "സലീമിന്റെ ഉമ്മയ്ക്ക് എവിടാ ജോലി? " "ആപ്പീസർ ആണെടാ... !" അത് കേട്ട് എല്ലാരും ചിരിക്കും. " എന്തിനാ അവർ ചിരിക്കുന്നത്? " എനിക്ക് മനസ്സിലായില്ല. കളിയാക്കൽ കൂടി വന്നു.... ഒപ്പം അവരിൽ പലർക്കും എന്റെ കൂട്ട് വേണ്ടെന്നായി.... ഞാൻ ഉമ്മയോട് ചോദിക്കാൻ ഉറച്ചു, "ഉമ്മയ്‌ക്കെന്താ ജോലി? " പതിവ് പോലെ ഞാൻ സ്കൂൾ വിട്ട് ചെന്നപ്പോൾ ഉമ്മ പലഹാരവുമായി കാത്തിരിപ്പുണ്ടായിരുന്നു.. ആഹാരത്തിന് മുന്നേ ഉമ്മ കുളിപ്പിക്കും, എന്നെ... കുളിപ്പിക്കാൻ നേരത്തു ഞാൻ ചോദിച്ചു, "ഉമ്മയ്‌ക്കെന്താ ജോലി?