Chapter Title : പെണ്ണൊരുത്തി 3 [Devil With a Heart]

വേണി എതിരെ തോളത്ത് ഒരു കുഞ്ഞുമായി നിൽക്കുന്ന പെണ്ണിനോടായി ചോദിച്ചു അവളുടെ അടുത്ത ഒരു ആണും ഉണ്ട് അവളുടെ ഭർത്താവാണെന്ന് ഊഹിച്ചു

“ഹായ് വേണി.. ഈ ചോദ്യം ഞാനങ്ങോട്ട് ചോദിക്കേണ്ടതല്ലേ… ഹസ്ബന്റിന്റെ വീട് ഇവിടെയാടി.. അല്ല നീയെന്താ ഇവിടെ ഇതാരാ?” അഞ്ജലി വേണിയോടായി ചോദിച്ചു

“ഞങ്ങൾ വേറൊരിടാം വരെ പോകാൻ ഇറങ്ങിയതാണ്..ഇതെന്റെ ഫ്രണ്ട് അശ്വിൻ..”എനിക്കതത്ര സുഖിച്ചില്ല അതെന്താ എന്ന് ചോദിച്ചാൽ എനിക്കറിയത്തില്ല!!

പിന്നെ ഞാൻ അവർ സംസാരിക്കുന്നത് ശ്രദ്ധിക്കാൻ നിന്നില്ല

അവൾ പോയതിനു ശേഷം വേണി എന്റെയടുക്കലേക്ക് നീങ്ങി

“എന്തുപറ്റി അശ്വി?”

“എന്ത്?”

“അല്ല മുഖത്തെന്താ ഒരു മ്ലാനത?”

“ഏയ്‌.. എന്ത് ഒന്നുല്ലല്ലോ..!”

“ഫ്രണ്ട് എന്ന് പരിചയപെടുത്തിയത് മുതലാണല്ലോ മോനേ.. ഇങ്ങനൊരു ഭാവം!?”

“അങ്ങനെയൊന്നുല്ല വേണീ.. വാ ഇപ്പൊ വണ്ടി എടുക്കും!!”

“ഹ്മ്… ശെരി!!” അർഥം വെച്ച മൂളലോടെ അവളെന്റെ പിറകെ നടന്നു

വണ്ടിയിൽ ഇരുന്നപ്പോഴും ഇടം കണ്ണിട്ട് ഞാൻ വേണിയെ നോക്കുന്നുണ്ടായിരുന്നു… ഇടയ്ക്കവൾ അത് കണ്ടുപിടിക്കുകയും ചെയ്തു…

“എന്റെ സ്കൂളിലെ ഫ്രണ്ട് ആയിരുന്നു അവള്… പ്ലസ്ടു കഴിഞ്ഞപ്പോഴേക്കും അവള് മതില്ചാടി.. ഇപ്പൊ ദാ കുഞ്ഞുമായി!! ലൗ മാരേജ് ആയിരുന്നു അത് പ്രത്യേകിച്ച് പറയണ്ടല്ലോ ” പുറത്തേക്ക് നോക്കി ഇരുന്ന എന്നോടായി വേണി ചിരിച്ചുകൊണ്ട് പറഞ്ഞു

ഞാൻ അത്ഭുദത്തോടെ അവളെ നോക്കിയപ്പോൾ

“... പുള്ളിയെ കണ്ടാൽ പറയില്ലല്ലേ? ഒരിടയ്ക്ക് ഇവൾടെ വാട്ട്സാപ്പ് ഡി പി കണ്ട് ഞാൻ ചോദിച്ചതാ.. അങ്ങനെയാ ഞാൻ അറിഞ്ഞത്…” വേണി വാചാലയായി

പെൺകുട്ടികൾ ഇങ്ങനെ കിലുക്കാംപ്പെട്ടികൾ ആകുന്നത് ഒന്നെങ്കിൽ അവർക്ക് ഏറ്റവും വേണ്ടപ്പെട്ട പുരുഷനോടാവുമെന്ന് ഞാൻ കേട്ടിട്ടുണ്ട്.. അവൾ പറയുന്നതൊക്കെ ഞാൻ കേട്ടിരുന്നു..