Chapter Title : പെണ്ണൊരുത്തി 4 [Devil With a Heart] [Climax]

നാളെമുതൽ രാവിലെ ഒണന്ന് വാർക്ഔട് ചെയ്തേക്കണം കേട്ടെ?!”

“അതിന് രാത്രി സമയത്തുറങ്ങാൻ പറ്റണ്ടേ!!”

ചേച്ചി വിളറി വെളുക്കണ കണ്ടപ്പോഴാണ് പറഞ്ഞതിലെ മറ്റൊരർത്ഥം എന്റെ മണ്ടയിലേക്ക് വരുന്നത്

വേണി ചിരിയമർത്താൻ പ്രയാസപ്പെടുന്നുണ്ടായിരുന്നു

“അ.. അല്ല.. ഇന്നലെ പുറത്തു പോയി വന്നപ്പോ ലേറ്റ് ആയതല്ലേ…” ഞാനൊന്ന് ചിരിക്കാൻ കഷ്ടപ്പെട്ടു…

അലമാരയിൽ എന്തോ എടുക്കാനെന്നപോലെ ചേച്ചി അങ്ങോട്ട് തിരിഞ്ഞു നിൽക്കുമ്പോൾ.. ഞാനവിടന്നു സ്കൂട്ട് ആവാനായിരുന്നു ശ്രമിച്ചത്.. അന്നേരം വേണി ചേച്ചിയെ ഇക്കിളിയിട്ട് കളിയാക്കാൻ ശ്രമിക്കുന്നതും.. ചേച്ചി അവളെ തട്ടുന്നതും അടങ്ങിയിരിക്കാൻ പറയുന്നതും ഞാൻ കണ്ടിരുന്നു

കുളിയും നനയും കഴിഞ്ഞ് പുറത്തിറങ്ങുമ്പോൾ വേണിയെ കണ്ടു… ഒരു ടവൽ മാത്രമുടുത്ത് നനഞ്ഞ കോഴിയെപ്പോലെ നിന്ന എന്നെയവളൊന്നു നോക്കി ചിരിച്ചു..

കൈ നെഞ്ചിനു കുറുകെ കെട്ടിവെച്ചുകൊണ്ട് ഞാൻ റൂമിലേക്കോടി.. ഡ്രസ്സ്‌ മാറി വരുമ്പോൾ… വേണിയും ചേച്ചിയും എന്തോ കാര്യമായിട്ട് സംസാരിക്കുന്നുണ്ട്

“എന്താ പെണ്ണുങ്ങളെ ഞാനറിയാതെ ഒരു അടക്കം പറച്ചിൽ..?”

“അതൊരു കുരുത്തം കെട്ടവൻ കാരണം നാട് വിടേണ്ട കാര്യം സംസാരിച്ചു പോയതാടാ!” വേണി എനിക്കിട്ട് താങ്ങി

“ദേ പെണ്ണേ വീട്ടിക്കേറി എന്നെ കുറ്റം പറഞ്ഞാലൊണ്ടല്ലോ?!”

ഞാനൊന്നു കലിപ്പാക്കാൻ നോക്കി

“ഡാ ഡാ അടങ്ങിക്കെ..” ചേച്ചി എനിക്കൊരു വാണിങ് തന്നു

“ഓ തമ്പുരാട്ടി പറഞ്ഞാ പിന്നെ അപ്പീലില്ലല്ലോ… നമ്മളില്ലേ…”

അത് കേട്ടതും വേണിയും ചേച്ചിയും നിന്ന് ചിരിച്ചു

“നിന്ന് ചിരിക്കാതെ കാര്യം പറ പെണ്ണുങ്ങളെ.. ഞാനൂടെ അറിയട്ടേന്ന്!!”

“പോണ കാര്യം സംസാരിച്ചതാ കുട്ടൂ..”

“ആ അത് പറഞ്ഞപ്പോഴാ… വേണി നീയാ ജോലിക്കാര്യം റെഡി ആക്കിയതെന്ന് ചേച്ചി പറഞ്ഞല്ലോ… എപ്പിടി ഡി?”

“അത് അച്ഛന്റെ ഒരു ഫ്രെണ്ട് വഴി റെഡി ആയതാടാ…”

“നീ അച്ഛനോടെന്ത് പറഞ്ഞു…”

“എന്ത് പറയാൻ… നിങ്ങൾക്ക് ഇവിടുന്നു പോകണം എന്ന് പറഞ്ഞു അത്രന്നെ…”

“അപ്പൊ അച്ഛൻ ഒന്നും ചോദിച്ചില്ല?”

“എന്ത് ചോദിക്കാൻ.. പേർസണൽ കാര്യങ്ങൾ കൊണ്ട് പോകുന്നതാണെന്ന് ഞാൻ പറഞ്ഞു…