Chapter Title : പേരില്ലാത്ത സ്വപ്നങ്ങളിൽ ലയിച്ചു 2.3 [Malini Krishnan]

നീ ഇപ്പോഴും പഴയ ആ മണ്ടൻ തന്നെ" എന്നും പറഞ്ഞ് അവന്ടെ ചേട്ടൻ അവിടെ നിന്ന് പോയി. മൈര്... വന്ന് കേറിയപ്പോ തൊട്ട് ഊക് ആണലോ. വന്ന് വന്ന് ഇപ്പൊ ഒന്നും ചെയ്യാതെയും മിണ്ടാതെയും ഇരിക്കേണ്ട അവസ്ഥ ആയി. എത്രയും പെട്ടന് തന്നെ അമ്മയും കൂട്ടി വീട്ടിലേക്ക് പോവണം. പക്ഷെ ഇന്ന് വന്നിട്ട് അല്ലെ ഉള്ളു എന്ന കാരണത്താൽ നാളെയോ മറ്റന്നാളോ പോവാം എന്നായിരുന്നു.

കുറച്ച് ദിവസത്തിന് ശേഷം സമീറിന്റെ വീട്ടിൽ...

"എന്താടാ കണ്ട് പിടിക്കാൻ ഒരുപാട് ബുദ്ധിമുട്ടിയോ" സാം ചോദിച്ചു.

"ഏയ്... നീ ഫേമസ് അല്ലേടാ. ആരോട് ചോദിച്ചാലും അറിയാം" ലോഹിത് മറുപടി കൊടുത്തു.

"നീ എന്താടാ ഒരുമാതിരി അന്യന്മാരെ പോലെ, കേറി ഇരിക്ക് നീ" തന്ടെ വീട്ടിലേക്ക് ആദ്യമായി വന്ന ലോഹിതിനെ സാം ക്ഷേണിച്ചു.

"ഞാൻ ഒരു കാര്യം പറഞ്ഞാ നിനക്ക് ഒന്നും തോന്നരുത്. ഞാൻ നിന്ടെ പേര് കേട്ടപ്പോ തൊട്ട് ഇത്രെയും കാലം വിചാരിച്ചത് നീ മുസ്ലിം ആണ് എന്നാണ്, ഇപ്പോഴാണ് നീ ക്രിസ്ത്യൻ ആണ് എന്നുള്ള കാര്യം ഞാൻ അറിയുന്നത്" അവന്റെ വീട്ടിൽ ചുമരിൽ ഉണ്ടായിരുന്ന കർത്താവിന്റെ ഫോട്ടോ നോക്കി ലോഹിത് പറഞ്ഞു.

"ഹാഫ്-ഹാഫ്. അമ്മ മുസ്ലിം, അച്ഛൻ ക്രിസ്ത്യൻ. അങ്ങനെ ഇട്ടതാ. എന്റെ പേര് ഇപ്പൊ എന്തായാലും എനിക്ക് എന്താ" സാം മറുപടി കൊടുത്തു. പിന്നെയും അവർ ഓരോ കഥകൾ പറഞ്ഞ് അവിടെ ഇരുന്നു. അവന്ടെ അമ്മച്ചി ചായയും പലഹാരവുമായി വരുകയും ചെയ്തു. അപ്പോഴാണ് സാമിന്റെ അനിയൻ കേറി വന്നത്.

"അഹ്... ഞാൻ ഭയങ്കര ഫേമസ് ആണ് എന്നല്ലേ നീ പറഞ്ഞത്. അതിനുള്ള എല്ലാ ക്രെഡിറ്റും ഇവന് ഉള്ളതാണ്. എന്റെ അനിയൻ ജോയൽ" സമീർ അനിയനെ പരിചയ പെടുത്തികൊടുത്തു.

"ഒന്ന് പോയെ ചേട്ടായി... അങ്ങനെ ഒന്നുമില്ല ചേട്ടാ, ഇവൻ വെറുതെ" ജോയൽ പറഞ്ഞു.

"പണ്ടും ഇവൻ ഇങ്ങനെയാ. എന്തേലും ഒപ്പിക്കും എന്നിട്ട് ചേട്ടായി എന്ന് വിളിച്ച് വരും, എന്നെയും പെടുത്തും..." സാം പറഞ്ഞു. അപ്പോഴേക്കും ജോയൽ ഉള്ളിലേക്ക് പോയി.

"എന്തിനാടാ ആ പാവത്തിന് വെറുതെ..." ലോഹിത് പറഞ്ഞു.

"നീ കഥ കേൾക്ക്... ശെരിക്കും ഇവനെ ആണ് എനിക്ക് പകരം MBA പഠിക്കാൻ വിടേണ്ടി ഇരുന്നത്. ഇവന്ടെ ബിസിനസ് കാരണം ആണ് ഞാൻ ഇവിടെ ഇത്ര ഫേമസ് ആയത്..."

"ഉള്ളിലേക്ക് പോയ ആ കൊച്ചുവാണവും ഞാനും പണ്ട് ടീവിയിൽ ആദ്യമായി ധൂം 2 കാണുന്ന സമയം.