Chapter Title : ഫാം ഹൌസ് 1 [Master]

രണ്ടായി പിന്നിയിട്ട ശേഷം ഞാന്‍ നോക്കി. ഉം, ഇതുമതി.

വീടുപൂട്ടി താക്കോല്‍ ഒരു ചെടിച്ചട്ടിയുടെ അടിയില്‍ വച്ചശേഷം ഞാന്‍ പുറത്തേക്ക് നടന്നു. റോഡിന്റെ അപ്പുറത്ത് ഫാമിന്റെ ഗേറ്റ് തുറന്നുതന്നെ കിടക്കുകയായിരുന്നു. ഞാന്‍ റോഡ്‌ മുറിച്ചുകടന്ന് അങ്ങോട്ട്‌ നടന്നു. ഒരു വനത്തിന്റെ പ്രതീതി ഉളവാക്കുന്ന ഫാം. ഉള്ളില്‍ മൃഗങ്ങള്‍ക്കും പക്ഷികള്‍ക്കും ഉള്ളതുകൂടാതെ റോഡിനോടു ചേര്‍ന്ന് ജോലിക്കാര്‍ക്ക് താമസിക്കാനുള്ള വീടുകളും, ഒപ്പം ഒരു ഓഫീസും ഉണ്ടായിരുന്നു. ഉള്ളിലുള്ള സംവിധാനങ്ങള്‍ ഇനി അറിയാനിരിക്കുന്നതല്ലേ ഉള്ളൂ.

“മിസ്സിസ് ഹരീഷ്, കമോണ്‍ കമോണ്‍. വെല്‍ക്കം ടു ദിസ് പാര്‍ട്ട് ഓഫ് ദ വേള്‍ഡ്” ഓഫീസില്‍ നിന്നും ഇറങ്ങിവന്ന മാത്തന്‍ ഉറക്കെ വിളിച്ചുപറഞ്ഞു. അയാളുടെ ചുണ്ടുകളുടെ ഇടയില്‍ ഘനമേറിയ ഒരു ചുരുട്ട് എരിയുന്നുണ്ടായിരുന്നു, ഞാന്‍ ചെന്നതുകൊണ്ടാകാം, അയാളത് നിലത്തേക്കിട്ട് ചവിട്ടിയരച്ചു.

“യു ലുക്ക് ഹോട്ട് ആന്‍ഡ് സെക്സി” എന്നെ ആപാദചൂഡം നോക്കിക്കൊണ്ട് അയാള്‍ പറഞ്ഞു.

“താങ്ക് യു അങ്കിള്‍” ഞാന്‍ ചിരിച്ചു.

“ഗുഡ്; ഒരു ഡ്രിങ്ക് ആയാലോ?” അയാള്‍ ചോദിച്ചു.

“വേണ്ട; ഞാന്‍ കുടിച്ചതാണ്”

“ആള്‍റൈറ്റ്; എങ്കില്‍ വരൂ. നമുക്ക് ഈ വനത്തിലേക്ക് കടക്കാം”

“ഷുവര്‍”

ജോലിക്കാരില്‍ ഒരാള്‍പോലും എന്നെ നോക്കുന്നുണ്ടായിരുന്നില്ല. സാധാരണ ഇതുപോലെയുള്ള സ്ഥലങ്ങളില്‍ ചെന്നാല്‍ നോട്ടങ്ങളുടെ പെരുമഴയായിരിക്കും. ഇവിടുത്തെ ജോലിക്കാര്‍ പക്ഷെ മാന്യത ഉള്ളവരാണ്. കേണല്‍ അല്ലെ ഉടമ. അങ്ങനെയായിരിക്കണം പരിശീലനം.

വലിയ ചതുരക്കല്ലുകള്‍ പാകിയ നടപ്പാതയിലൂടെ ഞങ്ങള്‍ നടന്നു. വലിയ മരങ്ങളുടെ തണലിലൂടെ കേണലിന്റെ കൃഷിയിടങ്ങളിലേക്ക് ഞങ്ങള്‍ പ്രവേശിച്ചു. പച്ചക്കറിത്തോട്ടത്തില്‍ ജോലി ചെയ്തിരുന്നവര്‍ തലപൊക്കി നോക്കിയശേഷം ജോലി തുടര്‍ന്നു. പാവലും പടവലവും വെണ്ടയും ചീരയും എന്നുവേണ്ട ഒട്ടുമിക്ക പച്ചക്കറികളും അവിടെ വിളഞ്ഞു