Chapter Title : ഫാമിലി അഫയേഴ്സ് 1 [രാംജിത് പ്രസാദ്]

സൂക്ഷിക്കുന്നതിൽ മമ്മക്ക് പ്രത്യേക ശ്രദ്ധയാണ്. എന്നെ എപ്പോഴും ഉപദേശിക്കുകയും ചെയ്യും. മമ്മയുടെ കരുതലിൽ ഞാനും ശരീര സൗന്ദര്യം കാത്തു പോന്നു .

ഞങ്ങൾ ഇടക്ക് എന്റെ വീട്ടിലോ ഹസ്ബന്റിന്റെ വീട്ടിലോ ഒത്തുകൂടാറുണ്ട്. ഇന്ന് ഞങ്ങൾ എന്റെ വീട്ടിൽ ഒത്തു കൂടിയതാണ്. ഞാനും ഹസ്ബന്റും ഹസ്ബന്റിന്റെ മമ്മിയും ഡാഡിയും. ഹസ്ബന്റിന്റെ മമ്മിയെയും ഡാഡിയെയും ഞാൻ ആന്റി എന്നും അങ്കിൾ എന്നുമാണ് വിളിക്കുന്നത്. കല്യാണത്തിന് മുൻപേ പരിചയമുണ്ടായിരുന്ന കുടുംബമായിരുന്നു. അന്ന് വിളിച്ചുകൊണ്ടിരുന്നത് പിന്നെ തിരുത്താനും പോയില്ല.

രാത്രി ഡിന്നർ ഒക്കെ കഴിഞ്ഞ സമയം. ഞാനും സുമേഷേട്ടനും ചേട്ടനും നീതു ചേച്ചിയും ടീവി റൂമിൽ വെറുതെ സംസാരിച്ചുകൊണ്ടിരുന്നു. ടീവിയിൽ ഏതോ സിനിമ ഓടുന്നുണ്ടെങ്കിലും ആരും അതിൽ മുഴുകിയിട്ടില്ല. ഞങ്ങൾ ഉച്ചക്ക് മുൻപേ വന്നതായതു കൊണ്ട് സംസാരിക്കാൻ ഇഷ്ടം പോലെ സമയം കിട്ടിയിരുന്നു. സുമേഷേട്ടന് ഒരു കാൾ വന്നപ്പോൾ ഫോണുമായി മുകളിലേക്ക് പോയി. മുകളിൽ, ഞങ്ങൾ വന്നാൽ കിടക്കുന്ന മാസ്റ്റർ ബെഡ് റൂമിനു ഒരു ബാൽക്കണിയുണ്ട്. രാത്രി ഫുഡ് ഒക്കെ കഴിഞ്ഞാൽ സുമേഷേട്ടൻ ഒരു സിഗററ്റു വലിക്കും. അതിനു കൂടിയാണ് മുകളിലേക്ക് പോയത്.

ചേട്ടൻ അനൂപിനാവട്ടെ വായന ഇപ്പോഴുംഒരു ഹരമാണ്. ചേട്ടൻ ടീവി റൂമിൽ ഇരുന്നത് തന്നെ ഏതോ ബുക്കുമായിട്ടാണ്. കുറച്ചു കഴിഞ്ഞപ്പോൾ ചേട്ടനും ബുക്കുമായി റൂമിലേക്ക് പോയി. നീതു ചേച്ചിക്കും ബോറടിച്ചു തുടങ്ങി. ചേച്ചിയും പോയപ്പോൾ ഞാൻ മാത്രം ടീവി റൂമിൽ ഒറ്റക്കായി. സുമേഷേട്ടനുമായി കത്തി വെക്കാനാണ് നീതു ചേച്ചി പോയത്. സുമേഷേട്ടനുമായി സംസാരിച്ചിരുന്നാൽ സമയം പോവുന്നത് അറിയില്ല എന്നാണ് ചേച്ചി പറയുക. അല്ലെങ്കിലും പെണ്ണുങ്ങളെ പിടിച്ചിരുത്താൻ ആൾക്ക് വല്ലാത്ത കഴിവാണ്.

ലിവിങ് റൂമിൽ പപ്പയും മമ്മയും അങ്കിളും ആന്റിയും ഡ്രിങ്ക്സ് കഴിച്ചുകൊണ്ടിരിക്കുകയാണ്. അണ്ടിപ്പരിപ്പും ബീഫ് റോസ്റ്റും ചിക്കൻ 65 വുമൊക്കെയായി കുറെ ഐറ്റംസ് ഉണ്ട്. അവർ എന്തൊക്കെയോ പറഞ്ഞ് ചിരിക്കുന്നു. ഞാൻ സെറ്റിയിൽ ചാരിയിരുന്ന് ടീവി കണ്ടുകൊണ്ടിരുന്നു. കണ്ട് കണ്ട് ചെറുതായൊന്നു കണ്ണടച്ചു. ഫോണിൽ മെസ്സേജ് വന്ന ശബ്ദം കേട്ടാണ് ഞെട്ടിയുണർന്നത് . എഴുന്നേൽക്കാതെ തന്നെ സെറ്റിയിൽ  വെച്ച ഫോൺ എടുത്തു നോക്കി. സുമേഷേട്ടന്റെ മെസ്സേജാണ്. എന്താണാവോ അത്യാവശ്യം?

ഞാൻ മെസ്സേജ്