Chapter Title : ഫിദയുടെ സ്വപ്നവും ഹിദയുടെ ജീവിതവും 1 [ഏകൻ]

ശ്രീയേട്ടന് എത്ര സുന്ദരിമാരെ വേണമെങ്കിലും കിട്ടും. "

"അയ്യോ വേണ്ടേ.. ഞാൻ ഇങ്ങനെ അങ്ങ് കഴിഞ്ഞു പോയിക്കോളാം.."

"അതെന്താ അങ്ങനെ. ആരെങ്കിലും പ്രേമിച്ചു പറ്റിച്ചോ ?"

"ആരെങ്കിലും പ്രേമിച്ചിട്ട് വേണ്ടേ പറ്റിക്കാൻ?"

"ശ്രീയേട്ടന് ആരോടും ഇഷ്ട്ടം തോന്നിയിട്ടില്ലേ..? "

"അങ്ങനെ ചോദിച്ചാൽ ഉണ്ട്. ഒരുപെണ്ണിനോട് തോന്നിയിട്ടിട്ടുണ്ട്. "

ഫിദയുടെ മനസ്സ് ചെറുതായി മങ്ങി എന്ന് തോന്നുന്നു. ശബ്ദം ഒരു ഇടർച്ച കേൾക്കാം...

"എന്നിട്ട് " ഫിദ വീണ്ടും ചോദിച്ചു

"എന്നിട്ടെന്താ..? അവർ വേറെ കല്യാണം കഴിച്ചു. "

" ആണോ? അത് കഷ്ട്ടായല്ലോ? ആരായിരുന്നു അത്. "

" മഞ്ജു വാര്യർ . സിനിമാ നടിയ. "

"പോ അവിടുന്ന് . വെറുതെ മനുഷ്യനെ ടെൻഷൻ ആക്കാൻ ആയിട്ട് ഇങ്ങനെ ഒരു സാധനം. "

"ടെൻഷനോ...? എന്തിന്? ഞാൻ മഞ്ജു വാര്യരെ പ്രേമിക്കുന്നതിന് ഫിദക്ക് എന്തിനാ ടെൻഷൻ."

"കുന്തത്തിന്. പോ പോയി പ്രേമിച്ചോ. അവർ ഇപ്പോൾ ഡിവോഴ്സ് ആയിരിക്കുകയാ. വേഗം ചെന്ന് കെട്ടിക്കോ."

"അതിന് എന്നെ അവർക്ക് അറിയേണ്ടേ. ? ആ!! ( ഒരു ദീർഘനിശ്വാസം എടുത്ത്) ഇല്ലാത്ത ലോട്ടറിയിൽ ഒന്നാം സമ്മാനം എനിക്ക് അടിക്കട്ടെ എന്നിട്ട് നോകാം.. "

"എന്റെ ശ്രീയേട്ടാ... ഞാൻ ചോദിച്ച കാര്യം പറ. ഫോട്ടോ എപ്പോൾ തരും.?"

"എന്റെ ഫോണിന്റെ ക്യാമറ മോശമാ അതുകൊണ്ട് അതിൽ എടുത്താൽ ഭംഗി ഉണ്ടാകില്ല. "

"ഇപ്പോൾ അങ്ങനെ ആയോ.. നാളെ ആവട്ടെ ഞാൻ അവിടെ വന്നു നേരിട്ട് എടുത്തോളാം ഫോട്ടോ.. അപ്പോഴും എന്തേലും മുടക്കം പറഞ്ഞാൽ ഉണ്ടല്ലോ.."

"പറഞ്ഞാൽ എന്താ.?."

"പറഞ്ഞാൽ ആ മോന്തകിട്ടു ഞാൻ ഒരു കുത്ത് തരും."

"ഹാവു ഭാഗ്യം. ഞാൻ കരുതി എന്നെ കെട്ടിപിടിച്ചു ഉമ്മ തരും എന്ന്."

"അയ്യടാ!!!!. മോന് ഉമ്മ വേണോ..? വേണെങ്കിൽ പോയി ശ്രീയേട്ടന്റെ മഞ്ജു വാര്യരോട് ചോദിച്ചു നോക്ക്. അല്ലെങ്കിൽ പോയി പെണ്ണ് കെട്ട്."

"അയ്യോ.. എന്നെ വിട്ടേക്ക്. സാധാരണ വിവാഹത്തെ കുറിച്ച് ആരെങ്കിലും ചോദിച്ചാൽ എനിക്ക് ദേഷ്യം വരാറാ പതിവ്. പക്ഷെ ഇന്നെന്തോ.. ആ അത് പോട്ടെ! നാളെ ഇത് വഴി വരുമോ? "