Chapter Title : പ്ലസ് ടു ഡയറീസ് 2

രണ്ടു പേരും സന്നദ്ധത അറിയിച്ചു . എന്നെക്കാളും രണ്ടു വയസ്സിനു മൂത്തതാണു സുബൈർ , കവലയിൽ ഓട്ടോ ഓടിക്കുന്നു . വിശാൽ എന്റെ ഹൈ സ്‌കൂൾ സഹപാഠിയും .

*** *** ***

സമയം വൈകുന്നേരം 4.30 . ഞാനും വിശാലും കവലയിൽ സുബൈറിനെയും കാത്തു നിൽക്കുകയായിരുന്നു . " എടാ , ഇനി അവൻ വല്ല ലോങ്ങും പോയിക്കാണുവോ ? " വിശാൽ ചോദിച്ചു "ഹേയ് , എവിടെ പോയാലും നാലരയ്ക്ക് എത്താം എന്ന് അവൻ കട്ടായം പറഞ്ഞിട്ടുണ്ട് .സിഗ്ഗും തീപ്പെട്ടിയും ഒക്കെ അവൻ മേടിച്ചോളാമെന്നും പറഞ്ഞിട്ടുണ്ട് " . അപ്പോഴേക്കും സുബൈറിന്റെ ഓട്ടോ വളവു തിരിഞ്ഞു കവലയിലേക്ക് വന്നു . കൈ വീശി അഭിവാദ്യം ചെയ്തു . ഞങ്ങൾ രണ്ടു പേരും അവന്റെ ഓട്ടോയിൽ കയറി . ഓട്ടോ നേരെ പാപ്പിചായന്റെ റബർ എസ്റ്റേറ്റിലേക്ക് വിട്ടു . പത്തേക്കർ റബർ തോട്ടമായിരുന്നു അത് .അടുത്തെങ്ങും മനുഷ്യവാസമില്ലായിരുന്നു . അവിടേക്കു ടാപ്പിംഗ് തൊഴിലാളികളെ രാവിലെ കൊണ്ടുപോയി വിടുന്നതും , ജോലി കഴിഞ്ഞു തിരിച്ചു കൊണ്ട് വരുന്നതും സുബൈർ ആയിരുന്നു .അവൻ വണ്ടി ഒതുക്കി നിർത്തി . മുന്നിലെ സീറ്റിൽ ബാക്കിലേക്ക് തിരിഞ്ഞു ഞങ്ങൾക്കഭിമുഖമായി ഇരുന്നു . ഞാൻ പൊതി എടുത്തു അവനു കൊടുത്തു . "എവിടന്നാഡാ ഇത് ...നല്ല ഐറ്റമാണെന്നു തോന്നുന്നു . " പൊതി അഴിച്ചു മണപ്പിച്ചു നോക്കി കൊണ്ട് ചോദിച്ചു . "അതൊക്കെ പിന്നെ പറയാം .... നീ വേഗം ക്രഷ് ചെയ്യ് ...ആരെങ്കിലും വരുന്നതിനു മുമ്പ് സ്‌കൂട്ടാവണം " അപ്പോഴേക്കും വിശാൽ