Chapter Title : പോലീസ്ക്കാരനും എന്റെ ഭാര്യയും 2 [കിടിലൻ ഫിറോസ്]

ഒന്നും കേൾക്കുന്നില്ല."

യൂസഫ് കുറച്ചുനേരം ആലോചിക്കുന്നതുപോലെ മിണ്ടാതിരുന്നു. ശേഷം ശാന്തമായി പറഞ്ഞു.

"ശരി... ഞാൻ അവനോട് സംസാരിക്കാം. നീ പേടിക്കണ്ട."

അൽപസമയം കഴിഞ്ഞപ്പോൾ യൂസഫ് സ്റ്റിഫിയയെയും കൂട്ടി മനുവിന്റെ വീട്ടിലേക്ക് തിരിച്ചു.

വരാന്തയിൽ ദേഷ്യത്തോടെ ഇരിക്കുകയായിരുന്നു മനു.

പക്ഷേ... വീടിന്റെ മുറ്റത്തേക്ക് ഒരു കറുത്ത കാർ പതിയെ കയറിവരുന്നത് കണ്ട നിമിഷം, അവന്റെ മുഖത്തെ ദേഷ്യം ഒരു നിമിഷം കൊണ്ട് മാഞ്ഞുപോയി.

പകരം... ഭയം.

അവന്റെ നെഞ്ചിടിപ്പ് പോലും കൂടിത്തുടങ്ങി.

കാർ വീടിന്റെ മുന്നിൽ വന്ന് നിന്നു.

എഞ്ചിൻ ഓഫ് ആയതോടെ അവിടമാകെ ഒരു അസ്വാഭാവിക നിശ്ശബ്ദത.

ഡ്രൈവിങ് സീറ്റിന്റെ വാതിൽ പതിയെ തുറന്നു.

യൂസഫ് പുറത്തേക്കിറങ്ങി.

അയാൾ പതിയെ മനുവിന് നേരെ നടന്നു. ആ ചുവടുകൾ കേൾക്കുമ്പോൾ തന്നെ മനുവിന്റെ തൊണ്ട വരണ്ടുപോയിരുന്നു.

യൂസഫ് ഒന്നും പറയാതെ കുറച്ചുനേരം അവനെ നോക്കി നിന്നു.

ആ നോട്ടം മാത്രം മതിയായിരുന്നു.

മനു അറിയാതെ തന്നെ എഴുന്നേറ്റുനിന്നു.

കുറച്ച് ദിവസങ്ങൾക്ക് മുമ്പ് വരെ യൂസഫിനെ അവഗണിച്ചിരുന്ന മനുവിന് ഇന്ന് അയാൾ ഒരു പേടിസ്വപ്നമായിരുന്നു.

ഒരു ചെറിയ പുഞ്ചിരിയോടെ യൂസഫ് ചോദിച്ചു.

"എന്താടാ... വലിയ ദേഷ്യത്തിലാണെന്നാണല്ലോ ഞാൻ അറിഞ്ഞത്?"

മനുവിന്റെ ചുണ്ടുകൾ അനങ്ങിയെങ്കിലും ശബ്ദം പുറത്തുവന്നില്ല.

യൂസഫ് പിന്നിലേക്ക് തിരിഞ്ഞ് കാറിനുള്ളിൽ ഇരുന്ന സ്റ്റിഫിയയെ നോക്കി.

"ഇറങ്ങിവാ... പേടിക്കണ്ട."

സ്റ്റിഫിയ പതിയെ പുറത്തിറങ്ങി.

അവളുടെ കണ്ണുകൾ ആദ്യം പതിഞ്ഞത് മനുവിലായിരുന്നു.

ദേഷ്യത്തോടെ അലറിക്കൊണ്ടിരുന്ന അതേ മനുഷ്യൻ... ഇപ്പോൾ തലകുനിച്ച് നിൽക്കുകയാണ്.

അത് അവൾക്ക് വിശ്വസിക്കാനായില്ല.

യൂസഫ് മനുവിന്റെ അടുത്തേക്ക് ചെന്നു. അവന്റെ കൈയിലുണ്ടായിരുന്ന പൊട്ടിയ താലിമാല വാങ്ങിയെടുത്തു.

ഒരു നിമിഷം