പോലീസ്ക്കാരനും എന്റെ ഭാര്യയും 2 [കിടിലൻ ഫിറോസ്]

യൂസഫ് പറഞ്ഞു.

"നാളെ നിന്റെ കെട്ടിയോൻ ജയിലിൽ നിന്ന് പുറത്തിറങ്ങും. പക്ഷേ അവൻ വന്നെന്ന് കരുതി പഴയതുപോലെ സ്നേഹവും അടുപ്പവും കാണിക്കരുത്. അങ്ങനെ ചെയ്താൽ ഇതുവരെ നമ്മൾ ചെയ്തതെല്ലാം വെറുതെയാകും."

സ്റ്റിഫിയ നിശ്ശബ്ദമായി തലയാട്ടി.

യൂസഫ് തുടർന്നു.

"നിന്റെ ഈ ദുരിതം നിറഞ്ഞ ജീവിതത്തിന് അറുതി വരുത്താൻ ഞാൻ കളിച്ച കളിയാണ് ഇതെല്ലാം. പക്ഷേ അതൊന്നും അവൻ ഒരിക്കലും അറിയാൻ പാടില്ല. പതിയെ അവനെ മാറ്റിയെടുക്കാം. അതിന് നീയും എന്റെ കൂടെ സഹകരിക്കണം."

ഒരു മടിയും കൂടാതെ സ്റ്റിഫിയ മറുപടി പറഞ്ഞു.

"ഞാൻ സാർ പറയുന്നതുപോലെ എന്തും ചെയ്തോളാം."

അതുകേട്ട് യൂസഫ് സംതൃപ്തിയോടെ ചിരിച്ചു.

"അത്രമതി."

ആ സംഭാഷണത്തിന് ശേഷം സ്റ്റിഫിയ വീട്ടിലേക്ക് മടങ്ങി.

ആ രാത്രി... ഏറെ നാളുകൾക്ക് ശേഷം, മനസ്സിൽ ചെറിയൊരു പ്രതീക്ഷയുമായി അവൾ സ്വന്തം വീട്ടിൽ സമാധാനമായി ഉറങ്ങാൻ കിടന്നു.

പക്ഷെ യുസഫ് മറ്റ് ചില കണക്ക് കുട്ടലുകളിൽ ആയിരുന്നു.

പിറ്റേന്ന് ഉച്ചയോടെ മനുവിന് ജാമ്യം ലഭിച്ചു. മാസങ്ങളോളം നീണ്ട ദുരിതജീവിതത്തിന് താൽക്കാലികമായി അറുതിവന്നിരുന്നു. ജയിലിന്റെ ഗേറ്റ് കടന്ന് പുറത്തേക്കിറങ്ങിയ മനുവിനെ കാത്തുനിന്നത് ഹംസയായിരുന്നു.

മനു പതിയെ ഹംസയുടെ അടുത്തേക്ക് നടന്നു.

ഹംസ അവനെ സ്നേഹത്തോടെ കെട്ടിപ്പിടിച്ചു.

"എല്ലാം വിധി... അത്ര തന്നെ."

അൽപനേരം സംസാരിച്ച ശേഷം ഹംസ ഒരു ഓട്ടോ വിളിച്ച് മനുവിനൊപ്പം അടുത്തുള്ള ബാറിലേക്ക് പോയി.

ബാർ കണ്ടതും മനു ഒന്ന് മടിച്ചു.

"എനിക്ക് വേണ്ട... എനിക്ക് സ്റ്റിഫിയയെ കാണണം."

എന്നാൽ ഹംസ അവനെ സമാധാനിപ്പിച്ചു.

"വാ... കുറച്ച് നേരം ഇരിക്കാം. അതിന് ശേഷം നേരെ വീട്ടിലേക്ക് പോകാം."

മനുവിന് താൽപര്യമില്ലായിരുന്നെങ്കിലും ഹംസയുടെ നിർബന്ധത്തിന് വഴങ്ങി അവൻ അകത്തേക്ക് കയറി.

ഹംസ ഒരു ബിയർ ഓർഡർ ചെയ്ത് ഒരു ഗ്ലാസ് മനുവിന്റെ മുന്നിലേക്ക് നീക്കി.

"ഇതാ..."

മനു ഉടൻ തന്നെ അത് മാറ്റിവെച്ചു.

"വേണ്ട... എനിക്ക് സ്റ്റിഫിയയെ മാത്രം കണ്ടാൽ മതി."

ഹംസ അവനെ നോക്കി പറഞ്ഞു.

"നിന്റെ അവസ്ഥ എനിക്ക് മനസ്സിലാകും. ഞാൻ നിർബന്ധിക്കുന്നില്ല. ഞാൻ കുടിക്കുന്നതുവരെ എനിക്ക് ഒരു കമ്പനി താ. പിന്നെ നമുക്ക് പോകാം."

മനു നിസ്സഹായനായി തലയാട്ടി.

ഹംസ ചിരിച്ചുകൊണ്ട് പതിയെ ബിയർ കുടിക്കാൻ തുടങ്ങി.

അപ്പോഴാണ് അവരുടെ നാട്ടുകാരിലൊരാളായ ബാലൻ ബാറിലേക്ക് കടന്നുവന്നത്.

മനുവിനെയും ഹംസയെയും കണ്ട അയാൾ നേരെ അവരുടെ മേശയ്ക്കരികിലേക്ക് എത്തി.

"അല്ലേ... ഇത് മനുവല്ലേ? എപ്പോഴാ ഇറങ്ങിയത്?"

"ഇന്നാണ്..." മനു ശാന്തമായി മറുപടി പറഞ്ഞു.

അയാൾ കുറച്ചുനേരം മനുവിനെ നോക്കിനിന്നു.

"ഉള്ളത് പറയാം മനു... വിഷമം തോന്നരുത്. നിന്റെ ഭാര്യ ഇത്രയും മോശമായ വഴിയിലാണെന്ന് ഞാൻ ഒരിക്കലും കരുതിയില്ല."

ആ വാക്കുകൾ കേട്ടതും മനുവിന്റെ നെഞ്ച് ഒന്ന് പിടഞ്ഞു.

ഹംസയുടെ ഉള്ളിൽ ഒരു ചിരി ഉയർന്നെങ്കിലും