Chapter Title : പൊന്നിൽ വിളഞ്ഞ പെണ്ണ് [ഏകൻ]

ബഷീറിന്റെ ഭാര്യ ഇവിടുത്തെ സ്റ്റാഫ് ആണ്. അവൾ എന്റെ കാലിൽ കെട്ടിപ്പിടിച്ച് കരയുന്നു. അവളുടെ ഭർത്താവിനെ രക്ഷിക്കണമെന്ന്. അയാളെപ്പെടുത്തിയതാണെന്ന്. അപ്പോൾ ഒന്ന് ശ്രമിച്ചു നോക്കാം എന്ന് കരുതി. "

"ഓഹ്! അങ്ങനെ ആണോ. ഞാനും വിചാരിച്ചു നിനക്കെന്താ ഇതിൽ ഇത്ര താല്പര്യം എന്ന്.. "

"എനിക്ക് വേറെ എന്ത് താല്പര്യം സാറെ. നമുക്ക് കാണേണ്ടതുപോലെ കാണാം എങ്ങനെ ആണെന്ന് വെച്ചാൽ. അയാളെ ഒന്ന് രക്ഷിക്കാൻ പറ്റുമോ..? "

" രക്ഷിക്കാൻ ഒക്കെ പറ്റും. തന്നെ എനിക്കറിയുന്നതു കൊണ്ട് ഞാൻ അവനെ രക്ഷിക്കാം . പക്ഷേ ഏതായാലും കുറച്ച് പൈസ എറിയേണ്ടി വരും."

" അത്.. അത്.. നമുക്ക് അറിയാം എത്ര പൈസ ആയാലും .. "

അതും പറഞ്ഞു ജോയൽ റസിയയെ നോക്കി. റസിയ ജോയലിനെ തന്നെ നോക്കി ഇരിക്കുകയാണ്. അവരുടെ കണ്ണുകൾ തമ്മിൽ ഉടഞ്ഞു.ജോയലിന്റെ കണ്ണുകളെ നേരിടാനാവാതെ റസിയ മെല്ലെ താഴേക്കു നോക്കി.

" എന്നാൽ താൻ അവളെയും കൂട്ടി നേരിട്ട് വാ. ബാക്കി അപ്പോൾ പറയാം. "

റസിയ ജോയൽ സംസാരിക്കുന്നതൊക്കെ പേടിയോടെ കേട്ടിരുന്നു.. ജോയലിന്റെ സുഹൃത്തായ ജോർജ് സാർ ഫോൺ വെച്ചിട്ടും ജോയൽ തുടർന്ന് സംസാരിച്ചുകൊണ്ടിരുന്നു.

" എന്റെ സാറേ അമ്പതോ. അതിനു മാത്രം ഉണ്ടോ.?

ആണോ? 500 കോടിയോ.? അത്രയും വില വരുന്നതാണോ. എന്നാലും സാറേ എന്തെങ്കിലും കുറച്ച് 25 ഓ 30 ഓ ആണെങ്കിൽ ഞാൻ ശരിയാക്കാം. അതിലും കൂടുതൽ പറയല്ലേ സാറേ. ഒരു പാവം പിടിച്ചവന്റെ ജീവിതത്തിന്റെ കാര്യമല്ലേ. ഒരു പെണ്ണിന്റെ ജീവിതത്തിന്റെയും മാനത്തിന്റെയും കാര്യമല്ലേ.. അതാണ് ഞാൻ