Chapter Title : പൊന്നരഞ്ഞാണമിട്ട അമ്മായിയും മകളും 28 [Wanderlust]

അത് വല്ലാത്ത ഷോക്ക് ആയിരുന്നു എല്ലാവർക്കും. അങ്ങനെ ഇരുന്നപ്പോഴാണ് മാമൻ ദുബായിലേക്ക് കൂട്ടി പോകുന്നത്. പിന്നെ ആ ഓർമകളിൽ നിന്നൊക്കെ വിട്ട് വന്നപ്പോഴേക്കും വയസ് അധികമായെന്ന് പറഞ്ഞ് ആരും പെണ്ണ് കൊടുത്തതും ഇല്ല. അതുകൊണ്ട് അമ്മായിക്ക് അനിയനെ ഓർത്തിട്ട് ചെറിയ വിഷമം ഒക്കെ ഉണ്ടായിരുന്നു. ഇപ്പൊ പിന്നെ പെണ്ണ് നോക്കാനും പോകാറില്ല. പുള്ളിക്കാരൻ അതൊക്കെ വിട്ടു. ഇനി ആരെങ്കിലും ഉണ്ടെങ്കിൽ ഇങ്ങോട്ട് തേടി വരട്ടെ എന്നാണ് എന്നോട് ഒരിക്കൽ പറഞ്ഞത്.

എന്റെ ഓർമകൾ എത്രയും പെട്ടെന്ന് തിരിച്ചു കിട്ടണേ എന്ന പ്രാർത്ഥനയാണ് എല്ലാവർക്കും. അച്ഛന് തിരിച്ചുപോകാൻ ചെറിയ വിഷമം ഉണ്ട്. അത് എന്റെ അവസ്ഥ ആലോചിച്ചിട്ടാണ്. പക്ഷെ അച്ഛൻ പോകുന്നതിന് മുൻപ് എല്ലാവരോടും എനിക്ക് തുറന്ന് പറയണം ഞാനും ഡോക്ടറും കളിച്ച നാടകത്തെക്കുറിച്ച്. നാളെ ഒരാളെ കൂടി കാണാൻ ഉണ്ടെന്ന് പറഞ്ഞിരുന്നല്ലോ. അവനെ പൊക്കിയിട്ട് വേണം കഥകളുടെ ചുരുൾ അഴിക്കാൻ. എന്തൊക്കെയാണ് ചെയ്യേണ്ടതെന്ന് വിശദമായി ഓരോരുത്തരെ പറഞ്ഞ് ഏല്പിച്ചിട്ടുണ്ട്. ഇന്ന് രാത്രി ഒന്നുകൂടി എല്ലാവരുമായി സംസാരിച്ച ശേഷം മൂന്നാമത്തെ ഇരയെ നാളെ വലയിൽ ആക്കാൻ ഉള്ള പ്ലാൻ ആണ്. അത് വിജയിച്ചു കഴിഞ്ഞാൽ അടുത്ത അങ്കം ദുബായിൽ ആണ്. അതുകൊണ്ട് പ്രദീപേട്ടനെ വിളിച്ച് വിസയുടെ കാര്യങ്ങൾ ഒക്കെ വേഗത്തിൽ ആക്കാൻ പറഞ്ഞിട്ടുണ്ട്.

________/________/________/________

നാളെ കാലത്ത് കുറേ പണികൾ ചെയ്ത് തീർക്കാൻ ഉണ്ടെന്ന് പറഞ്ഞതുകൊണ്ട് ഷിൽന കാലത്ത് വന്ന് നടക്കാൻ പോകാൻ വിളിക്കില്ല എന്നാണ് ഞാൻ കരുതിയത്. നോക്കുമ്പോൾ 5.30 ആയപ്പോ തന്നെ അവളുണ്ട് വാതിൽ തുറന്ന് വരുന്നു. ഇന്ന് കാലത്ത് ലീനയെ കാണാമെന്നും അവളെയും കൂട്ടി