Chapter Title : പൊന്നരഞ്ഞാണമിട്ട അമ്മായിയും മകളും 29 [Wanderlust]

കേട്ട് അച്ഛൻ ആകെ വല്ലാതായി. അച്ഛന്  വിശ്വസിക്കാൻ പറ്റുന്ന കാര്യങ്ങൾ ആയിരുന്നില്ല അതൊന്നും. പക്ഷെ അപ്പോഴും ഞാൻ പറയാത്ത ഒരു രഹസ്യം ഉണ്ട്. ഇതിന്റെയൊക്കെ പിന്നിൽ പ്രവർത്തിച്ച ആ വ്യക്തിയുടെ പേര്. അത് മറ്റാരും അറിയരുത് എന്ന്  എനിക്ക് തോന്നി. അയാളെ എന്തായാലും ഞാൻ കൊല്ലും പക്ഷെ അതൊരു അപകട മരണം ആയി മാത്രമേ മറ്റുള്ളവരുടെ കണ്ണിൽ കാണാവൂ. കാരണം എനിക്ക് വേണ്ടപ്പെട്ടവർ ആരും ആ നീചന്റെ പ്രവർത്തികൾകൊണ്ട് സമൂഹത്തിൽ മറ്റുള്ളവരുടെ മുന്നിൽ നാണംകെട്ട് സൽപ്പേര് നഷ്ടപ്പെട്ട്  ജീവിക്കരുത്. പക്ഷെ അയാളുടെ മരണവും മരണ കാരണവും അറിഞ്ഞിരിക്കേണ്ട ഒരാളുണ്ട്. അയാളുടെ മുന്നിൽ മാത്രമേ ഞാൻ അവന്റെ കപട മുഖം മൂടി അഴിക്കുകയുള്ളു. അവനെ ഇനി ജീവിക്കാൻ അനുവദിക്കണോ എന്ന ചോദ്യം ഞാൻ അയാൾക് വിട്ടുകൊടുക്കുകയാണ്. അഥവാ ജീവനോടെ വിടാനാണ് അവരുടെ ഉത്തരവെങ്കിൽ അവൻ ഇനി എങ്ങനെ ജീവിക്കണം എന്ന് തീരുമാനിക്കാനുള്ള അവകാശം എനിക്കായിരിക്കും എന്ന് മാത്രം.
----/----/----/-----

പൂരം കൊടിയേറാൻ  സമയമായി. അപ്രതീക്ഷിതമായി ഒന്നും സംഭവിച്ചില്ലെങ്കിൽ എല്ലാം ഞാൻ പ്ലാൻ ചെയ്തതുപോലെ ഭംഗിയായി നടക്കും. ഇന്ന് ഒരു ബുധനാഴ്ചയാണ്. ഗൾഫ്കാർക്ക് ഇത് എന്നെത്തെയും പോലെ ഒരു സാധാരണ പ്രവർത്തി ദിവസം. അളിയൻ രാവിലെ തന്നെ ഓഫിസിലേക്ക് പോയി. പുറകേ  ഞാനും വണ്ടിയുമായി പുറത്തേക്ക് ഇറങ്ങി. പ്രദീപേട്ടന്റെ റൂമാണ് എന്റെ ലക്ഷ്യം. ഷിൽന കൂടെ വരാമെന്ന് ഒത്തിരി നിർബന്ധിച്ചെങ്കിലും ഞാൻ കൂട്ടിയില്ല. ഉച്ചയായപ്പോൾ ഞാൻ തിരിച്ച് വീട്ടിൽ എത്തി ഭക്ഷണവും കഴിച്ച് ആ കോളിനായി കാത്തിരുന്നു. ടെൻഷൻ അടിച്ച് ബാൽക്കണിയിൽ ഇരിക്കുമ്പോൾ ദിലീപിന്റെ കോൾ എത്തി. ഇതുവരെ എല്ലാം