Chapter Title : പൂമഴ പെയ്ത തീരങ്ങൾ 2 [സ്പൾബർ]

സുഷമ സാവധാനം ഡ്രസിട്ടു.. അയാളുടെ നിർബന്ധ പ്രകാരം അവൾ അൽപം മേക്കപ്പുമിട്ടു.. ഇവളെ വെല്ലാൻ ഈ ദേശത്തൊന്നും വേറൊരു പെണ്ണില്ലെന്ന് ദേവദാസിന് തോന്നി..

സുഷമ മാറ്റിക്കഴിയുവോളം അയാൾ അവിടെത്തന്നെ നിന്നു.. അവൾ ആ ബാത്ത്റൂമിലേക്ക് കയറരുതെന്നും,ആ ബക്കറ്റ് നോക്കരുതെന്നും അയാൾക്ക് നിർബന്ധമുണ്ടായിരുന്നു.. സുഷമയാണേൽ അങ്ങനെ ഒരു കള്ളത്തരം കാട്ടിയ യാതൊരു ഭാവവുമില്ലാതെയാണ് അയാളോട് പെരുമാറുന്നത്,. ചെയ്യാൻ പാടില്ലാത്ത ഏറ്റവും വലിയ തെറ്റ് ചെയ്തിട്ടാണ് നിൽക്കുന്നതെന്ന് അവൾക്കുമറിയാം അയാൾക്കുമറിയാം..എന്നിട്ടും ആ ഭാവം രണ്ടാളും പുറത്ത് പ്രകടിപ്പിച്ചില്ല..

ഡോറ് പൂട്ടി രണ്ടാളും കാറിൽ കയറി.. ഭർത്താവിനൊപ്പം അപൂർവ്വമായേ സുഷമ കാറിൽ സഞ്ചരിച്ചിട്ടുള്ളൂ.. വണ്ടി ബാബുരാജിന്റെ കടക്ക് മുന്നിലെത്തിയപ്പോ അത് അടഞ്ഞ് കിടക്കുകയാണ്..എങ്കിലും സുഷമക്കെന്തേലും ഭാവമാറ്റമുണ്ടോന്നറിയാനായി ദേവദാസ് ഇടം കണ്ണിട്ട് അവളുടെ മുഖത്തേക്ക് നോക്കി.. അവളാ കടയുടെ ഭാഗത്തേക്ക് പോലും നോക്കുന്നില്ല..ഇനി ബാബുരാജല്ലേ ഇവളുടെ കള്ളവെടിക്കാരൻ..?.

എങ്കിൽ എല്ലാം ആദ്യം മുതൽ തുടങ്ങേണ്ടിവരും..പക്ഷേ അവൾ പണം കൊടുത്തത് ഇവനാണല്ലോ.. അപ്പോ ഇവൻ തന്നെ ആള്..തന്റെ കാമുകനായിട്ടും അവന്റെ കടയിലേക്ക് വെറുതെയെങ്കിലും സുഷമയൊന്ന് നോക്കാത്തത് ദേവദാസിന് അൽഭുതമായി.. പഠിച്ച കള്ളി തന്നെ തന്റെ ഭാര്യ..

വഴിയിൽ നിന്ന് ഹോട്ടലിൽ കയറി ഭക്ഷണം കഴിച്ചിട്ടാണ് ദേവദാസ് സുഷമയെ ബസ് സ്റ്റാന്റിൽ കൊണ്ട് ചെന്ന് വിട്ടത്..

“ ഞാൻ വൈകിട്ട് ഓഫിസിൽ നിന്ന് നേരെ നിന്റെ വീട്ടിലേക്ക് വരാം… നമുക്കൊരുമിച്ച് പോരാം…”..

സുഷമക്കൊന്നും പറയാനില്ലായിരുന്നു.. വെറുതെ തലയാട്ടി അവൾ ബസിലേക്ക് ചെന്ന് കയറി..ആ ബസ്, സ്റ്റാന്റിൽ നിന്ന് പുറപ്പെട്ടിട്ടേ ദേവദാസ് വണ്ടിയെടുത്തുള്ളൂ..

അയാൾ വണ്ടി പറപ്പിക്കുകയായിരുന്നു.. ഓഫീസിലേക്കല്ല, വീട്ടിലേക്ക്.. ഇന്നയാൾ ലീവ് നേരത്തേ പറഞ്ഞിരുന്നു.. വീട്ടിലെത്തി