പൂമഴ പെയ്ത തീരങ്ങൾ 1

Poomazha Peitha Theerangal Part 1 | Author : Spulber

✍️… PWD എഞ്ചിനിയറാണ് ദേവദാസ്.. അയാൾക്ക് നാൽപ്പത്തിയാറ് വയസുണ്ട്.. ഭാര്യ നാൽപ്പത് വയസുള്ള സുഷമ.. അവർക്ക് രണ്ട് കുട്ടികൾ..രണ്ടാളും പുറത്ത് പഠിക്കുന്നു..നല്ല കൈകൂലിക്കാരനാണ് ദേവദാസ്.. കോൺട്രാക്ടർമാരിൽ നിന്ന് വൻ തുകയാണ് അയാൾ കൈകൂലിയായി വാങ്ങുന്നത്.. എത്ര ചെറിയ വർക്കാണെങ്കിലും നല്ലൊരു തുക  അയാൾ കൈക്കൂലിയായി ഈടാക്കും..അത് കൊടുത്തില്ലെങ്കിൽ വർഷങ്ങളോളം അയാൾ ബില്ലിലൊപ്പിടാതെ മാറ്റി വെക്കും.. പ്രാക്കും ശാപവുമേറ്റ് എന്തേലും പറ്റുകയാണെങ്കിൽ അത് ദേവദാസിന് പറ്റണം..ചില കോൺട്രാക്ടർമാർ അത്രമാത്രം അയാളെ പ്രാകിയിട്ടുണ്ട്..

ധാരാളം പണം സമ്പാദിച്ചെങ്കിലും ദേവദാസ് അറുപിശുക്കനാണ്.. ഒരു രൂപ അയാൾ വേറാർക്കും കൊടുക്കില്ല..അയാളും കുടുംബവും ആഡംബരത്തോടെ ജീവിച്ചു.. സഹജീവി സ്നേഹമൊന്നും ദേവദാസിനില്ല..സ്വന്തം ഓഫീസിലോ, കുടുംബത്തിലോ ഒരാൾക്ക് അത്യാവശ്യം വന്നാൽ പോലും വായ്പയായി പോലും അയാൾ പത്ത് രൂപ കൊടുക്കില്ല..

കൈക്കൂലിയായി കിട്ടുന്ന പണം ഇടാൻ മാത്രം അയാൾക്ക് ബാങ്കിൽ വേറൊരു അക്കൗണ്ടുണ്ട്..അത് അയാളുടെയും ഭാര്യ സുഷമയുടെയും പേരിലുള്ള ജോയിന്റ് അക്കൗണ്ടാണ്… അതിലേക്ക് പണം വീണാൽ മാത്രമേ അയാൾ ബില്ലിൽ ഒപ്പിടൂ…

✍️… “ഒപ്പിട്ടോ സാറേ… പണം ഞാനിപ്പോ തന്നെ ട്രാൻസ്ഫർ ചെയ്തോളാം…”..

ദേവദാസിന്റെ മുന്നിലിക്കുന്ന ചെറുപ്പക്കാരൻ ബഹുമാനത്തോടെ പറഞ്ഞു..

“ എടാ ഹുസൈനേ… അക്കൗണ്ടിൽ പണമെത്താതെ ഞാനീ പേന പോലും തൊടില്ലെന്ന് നിനക്കറിയാലോ… നീ വേഗം പണം ട്രാൻഫർ ചെയ്യ്…എന്റെ മൊബൈലിൽ മെസേജ് വന്നാ അപ്പത്തന്നെ നിന്റെ ബില്ലിൽ ഞാനൊപ്പിടും… “..

ദേവദാസ് ഒരു മടിയുമില്ലാതെ പറഞ്ഞു..

“സാറിന് ഇപ്പഴും എന്നെ വിശ്വാസമില്ലേ… നമ്മളെത്ര എടപാട് നടത്തിയതാ സാറേ… “..

“ഓ… സെന്റിമൻസ്… എടാ ഹുസൈനേ… പണം എന്റെ അക്കൗണ്ടിലെത്തിയാ ഞാനൊപ്പിടും… ഇല്ലെങ്കിൽ നീ പോയിട്ട് നാളെ വാ… എനിക്കിവിടെ നൂറ് കൂട്ടം

പണിയുണ്ട്… “..

ഹുസൈൻ പല്ല് കടിച്ച് മനസിൽ പ്രാകിക്കൊണ്ട് ദേവദാസിന്റെ അക്കൗണ്ടിലേക്ക് പണം ട്രാൻസ്ഫർ ചെയ്തു.. മൊബൈലിൽ മെസേജ് ടോൺ കേട്ട് ദേവദാസ് എടുത്ത് നോക്കി.. ഗ്രഹണി പിടിച്ച പിള്ളാർ ചക്കക്കൂട്ടാൻ കണ്ട പോലെ അയാൾ ആർത്തിയോടെ നോക്കി..ഒരു ലക്ഷം രൂപ.. അതിനിടക്ക് ബേങ്കിന്റെ വേറൊരു മെസേജ് വന്ന് കിടക്കുന്നത് കണ്ടെങ്കിലും അപ്പോ ദേവദാസ് അത് നോക്കിയില്ല..അയാൾ മൊബൈൽ മാറ്റി വെച്ച് ഹുസൈന്റെ ബില്ലിൽ ഒപ്പിട്ടു..

“കണ്ടോ… നിന്റെ കാര്യം നടന്നില്ലേ… ഇത്രയേ ഉള്ളൂ… നീ വിചാരിക്കും പോലെ ഞാനത്ര ദുഷ്ടനൊന്നുമല്ല ഹുസൈനേ…”..

ദേവദാസ് ആർത്തി പൂണ്ട ചിരിയോടെ ഒപ്പിട്ട ബില്ല് ഹുസൈന് കൊടുത്തു.. അവനതും വാങ്ങി യാത്രപോലും പറയാതെ പുറത്തേക്ക് പോയി..

“ഓ… അവന് പിടിച്ചില്ല… നിന്റെ തന്തയിൽ നിന്ന് വരെ പണം പിടുങ്ങാൻ എനിക്കറിയാടാ പുല്ലേ…”..

ദേവദാസ് മനസിൽ പറഞ്ഞ് അടുത്ത ഫയലെടുത്തു.. അതും നല്ലൊരു തുക അക്കൗണ്ടിൽ കയറാനുള്ളതാണെന്നറിഞ്ഞ് അയാളുടെ കണ്ണുകൾ തിളങ്ങി..

അപ്പോഴാണ് ബാങ്കിൽ നിന്നുള്ള മെസേജ് മൊബൈലിൽ വന്ന് കിടക്കുന്നത് അയാളോർത്തത്.. വേഗം മൊബൈലെടുത്ത് നോക്കിയ അയാൾ ഞെട്ടിപ്പോയി.. ഇരുപതിനായിരം രൂപ അക്കൗണ്ടിൽ നിന്ന് പിൻവലിച്ചിരിക്കുന്നു… ആര്…!?..

പത്ത് മിനിറ്റ് മുമ്പാണ് ഈ പണം പിൻവലിച്ചതെന്ന്