Chapter Title : പൊട്ടന്റെ ഭാര്യ [അൻസിയ]

മോളെ....??

ബാക്കിലേക്ക് തിരിഞ്ഞു നോക്കി മൗലവി അവളോട് ചോദിച്ചു... അവളെന്ത് പറയുമെന്നറിയാൻ ചന്ദ്രൻ കണ്ണാടിയിൽ തന്നെ നോക്കിയിരുന്നു...

"കൂടെ ആളില്ലാതെ..."

അവൾ പാതിക്ക് വെച്ച് നിർത്തി...

"ചന്ദ്രൻ വരും കൂടെ... ടാ നീയൊന്ന് ചെല്ലണം "

വിശ്വാസം വരാതെ അയാൾ തലയാട്ടി അവളെ നോക്കി....

"അല്ലങ്കിൽ ഞാൻ വരണോ....??

"വേണ്ട... ചേട്ടൻ ഉണ്ടല്ലോ..."

ഒരു മണിക്കൂറിൽ കൂടുതൽ ഹോസ്പിറ്റലിൽ എടുക്കും എന്ന് പോയാലും അത്രയും സമയം അവളുടെ കൂടെ തനിച്ച്.... അത് പോരാതെ അര മണിക്കൂർ ഈ കാറിലും... അയാളുടെ ഹൃദയമിടിപ്പിന്റെ വേഗത വർദ്ധിച്ചു... ബാങ്കിന്റെ മുന്നിൽ ഇറങ്ങിയ മൗലവി പോക്കറ്റിൽ നിന്നും കുറെ കാശെടുത്ത് റൈഹാനയെ ഏൽപ്പിച്ചു കൊണ്ട് പറഞ്ഞു...

"ഉമ്മാട് പറയല്ലേ ഞാൻ ഇവിടെ ഇറങ്ങിയത്... പിന്നെ അതുമതി അവൾക്ക്..."

തലയാട്ടി അവൾ ഇല്ലന്ന് പറഞ്ഞു... മൗലവി പോയതും ചന്ദ്രൻ കാർ മുന്നോട്ടെടുത്തു... ഏകദേശം പത്ത് മിനിറ്റോളം കാറിൽ നിശബ്ദത ആയിരുന്നു... എങ്ങനെ തുടങ്ങുമെന്ന് ഒരുപാട് തവണ പല പ്ലാനും അയാൾ ആലോചിച്ചു.. ആ മുഖം ഇടക്കിടെ കണ്ണാടിയിൽ കാണുമ്പോ ശരീരത്തിലാകെ ഒരു വിറയൽ അയാൾക്ക് അനുഭവപ്പെട്ടു... രണ്ടും കല്പിച്ചു അയാൾ ചോദിച്ചു..

"കുറെ ആയില്ലേ ഇവിടെ കാണിക്കുന്നു വല്ല മാറ്റവും അവനുണ്ടോ...??

മിററിലേക്ക് നേരെ തന്റെ കണ്ണിലേക്ക് നോക്കി അവളൊരു നിമിഷം മിണ്ടാതിരുന്നു... ചോദിക്കേണ്ടായിരുന്നു എന്നയാൾക്ക് തോന്നി അവളുടെ മുഖം കണ്ടപ്പോ...

"എന്നെക്കാൾ മുന്നേ ചേട്ടൻ കാണുന്നതല്ലേ വല്ല മാറ്റവും ചേട്ടന് തോന്നുന്നുണ്ടോ....??

അവളുടെ മറുപടി ശരിക്കും പറഞ്ഞാൽ അയാളെ കുഴക്കി.. ഒരുതരം അമർഷം ആരോടെല്ലാമുള്ള ദേഷ്യം എല്ലാം ആ മറുപടിയിൽ ഉണ്ടായിരുന്നു....